FILIPƐ 4:1 - WE NU GALE 1995

¹ We duzu ma, onyae ngɔ sila mi gɛ, mi do wɔ wena we zɔ nɛ. Mi dɛ yangga we duzu nɛ, nɛ mi dɔnggɔ tɛ mi do nɛ. Kɔ oyali ngba mi, mi aka nɛ na, nɛ yóló nganda we duzu Nwa kɛ nɛ mba do a ni.

FILIPƐ 4:1 Cross References

YƆBƆ 31:36

sape nɛ ma bá sɛ li mi gɔ. Mi ba sɛ mbɛti kɛ wa kɔma we da do mi ni, nɛ mi gu zu mi nɛ́ ndasa ni.

Zumanɔ 125:1

Zuma ga li wala gɛnɛ we nɛ dɛ Yeruzalɛmɛ. Owinɔ wa gbini zã wa do nwa ni, wa yolo nganda ɔ nɛ kala Sioni, kɛ ma yáká gɔ, nɛ ma 'bana sɛ fai ni.

Zumanɔ 27:14

Lɛ gbíní zã lɛ do NWA fai. Lɛ ngo tɛ lɛ, nɛ lɛ kpãlã sila lɛ. Lɛ gbíní zã lɛ fai do NWA.

MATIE 10:22

Nɛ winɔ vɛ̃ wa sɛnɛ sɛ nɛ we duzu mi. Kɔ wele kɛ sila a nɔ tɛ kɔ̃a we 'da a, gbaa we hɔ ndɔti nɛ, nɛ Gale a kpasa sɛ a.

YOANƐ 8:31

'Do nɛ, nɛ Yezu tɔ̃ hã Oyudanɔ kɛ wa kɔ̃a zu li a ni na: “Fala kɛ nɛ dɛ olo nu mi, nɛ nɛ sɛ a ngbongbo winɔ 'da mi.

Owi Nɛ Tonɔ 11:23

A hɔa i mɔ, nɛ a zɔ tɛlɛ tɛ kɛ Gale wila do nu ɛ tɛ Owi kɔ̃a wenɔ nɛ ge nde ni, nɛ a dɛ yangga wena. Nɛ a nganda sila wa na, wa dɛ olo nu Nwa Yezu do sila wa vɛ.

Owi Nɛ Tonɔ 14:22

Nɛ wa nganda sila Owi Kristonɔ di ni ni na, wa 'bana tɛ kɔ̃ zu li Yezu do sila wa kpo. Nɛ wa tɔ̃ hã wa na: “Ma wia na, lɛ winɔ kɛ lɛ kɔ̃a zu li Yezu ni, lɛ kpa ngamɔ ngɔ nùi gɛ gbaa, ndɔti nɛ a kɛ lɛ le sɛ nɛ kɔ le 'da Gale i ni.”

Owi Nɛ Tonɔ 2:42

Nɛ wa ba tɛ wa vɛ̃ we zele bia wenɔ kɛ owi nɛ tonɔ wa be ni. Nɛ wa tɛ mba li ngba wa do onya wa wi kɔ̃a wenɔ 'da fala fai. Nɛ wa nyɔngɔ mɔ do sambala Gale fala nɛ kpo.

ROMA 2:7

A hã sɛ kpasi kɛ ma é gɔ ni hã wanɔ kɛ wa hã tɛ wa we dɛ toe 'da wa do dia nɛ, nɛ wa fa we kpa dɔ̃lɔ̃ li ngboo, do dĩ li Gale, do kpasi kɛ ma 'dángá gɔ ni.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

1 KORINTƐ 16:13

Li nɛ sɔ̃́, nɛ nɛ kpã́lã́ sila nɛ kɔ kɔ̃a we 'da nɛ. Nɛ dɛ́ gbãlã we dɛa mɔ, nɛ nɛ ɔ́ do ngawi.

GALATI 5:1

Kristo gɔnɔ zu lɛ na, lɛ tɛ ɔ̀ 'bɔ ngbá ti mbula 'da Oyudanɔ gɔ. Kɔ nɛ yóló nganda, dɔ nɛ hɔ́ 'bɔ ongbá mbé nɛ gɔ.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

FILIPƐ 1:8

Gale ĩ na, we mi nɛ tɔ̃ nɛ gɛ a gbãlã we: Mi kɔ̃a gɛnɛ nɛ wena ɔ nɛ kɛ Yezu Kristo kɔ̃a do gɛnɛ nɛ ni.

FILIPƐ 2:16

Nɛ nɛ bé Dia Sakoe kɛ ma hã kpasi ni hã wa. Kɔ nɛ dɛ ni, nɛ mi dɔnggɔ sɛ tɛ mi do nɛ, do 'da fala kɛ Kristo a tɛ sɛ nɛ ni. Mba gɔ, ki ni ma be sɛ na, olo toe mi dɛa zi, do ngamɛnɔ mi zɔa zi ni, ma ɔ̀ yala iko gɔ.

FILIPƐ 2:26

Ngangga gɛ, wɔ zɔ tɛ nɛ ba a wena, nɛ a do linggamɔ wena, we kɛ a ĩ na, nɛ zila zi sako zɛlɛ 'da ɛ.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

1 TƐSALONIKƐ 3:13

Na mɛ ni, a hã sɛ kpã sila hã nɛ, kɔ do ngba soe kɛ Nwa 'da lɛ Yezu a tɛ sɛ do owinɔ 'da a ni, nɛ fo sɛ mɔ kɔ'dɔ nɛ we nɛ bina, nɛ nɛ sɛ santo gbali Baa lɛ Gale.

2 TƐSALONIKƐ 2:15

Na mɛ ni, onyae, nɛ yóló nganda, nɛ sila nɛ nɔ́ tɛ gbãlã wenɔ kɛ lɛ bia zi ma hã nɛ do nu lɛ, tabi lɛ kɔma ma do mbɛti ni vɛ̃.

2 TIMOTE 2:1

Aa mɔ be 'daa, e kɔ dia zã kɛ Gale bia hã lɛ do wala 'da Yezu Kristo ni, ma hã ngawi hã mɔ.

OHEBRE 10:23

Lɛ tɛ mbɔ̀kɔ̀ gɔ, lɛ gbíní zã lɛ do mbuli 'da Gale kɛ lɛ kɔ̃a gɛnɛ nɛ ni, we kɛ lɛ ĩ na, Gale kɛ a kpua mbuli do lɛ gɛ, a dɛ sɛ olo nu a.

OHEBRE 3:14

Mba gɔ, fala kɛ lɛ 'bana tɛ gbini zã lɛ do Gale ɔ nɛ kɛ zi dati ni, gbaa we hɔ ndɔti nɛ, nɛ nde lɛ a winɔ 'da Kristo ngboo.

OHEBRE 4:14

Ma wia na, sila lɛ nɔ tɛ kɔ̃a we 'da lɛ. Mba gɔ, lɛ do gã nwa nganga boe, wi a Yezu Be 'da Gale, kɛ a nɛa gbaa, nɛ a lia li nza 'da Gale i ni.

2 PETRO 3:17

Aa nɛ oyali ngba mi, wa mbisa nɛ ia. Kɔ we duzu ki ni, ma wia na, li nɛ sɔ̃́, da dɛ kɔ o'dã wi wa vĩ zũ nɛ, kɔ nɛ la fala kɔ̃a we kɛ nɛ do ma ni gɔ.