FILIPƐ 3:9 - WE NU GALE 1995

⁹ nɛ mi mba kpo do a. Mi á 'bɔ tɛ mi ngɔ dɛ mbula 'da Oyudanɔ we hɔ bɔlɔ zu wele li Gale gɔ. Nɛ nde mi hɔa wi bɔlɔ zu li a, we duzu kɛ mi kɔ̃a zu li Yezu Kristo. Gale hã a dɛ na, wele hɔ wi bɔlɔ zu li ɛ, we kɛ a kɔ̃a zu li Kristo ni.

FILIPƐ 3:9 Cross References

Ndo Nyanga Dɛ Mɔ 7:23

Na mɛ ni, nɛ NWA kumu mɛnɔ vɛ kɛ ma zi ngɔ nù gɛ ni, yolo ngɔ wele gbaa we hɔ ngɔ ogã sa'denɔ do obe wanɔ, do onɔɛnɔ. Tati a Nowe do owinɔ kɛ a zi do wa fala nɛ kpo kɔ masua ni, wa fè gɔ.

1 Onwanɔ 8:46

“Aa NWA, mɔ ĩ na, fo wi zɔlɔ bɛ̃ we nu mɔ mba mba fala kpo iko ni, a bina! Ma kɛ 'da fala kpo, nɛ obe Israɛlɛ wa bɛ̃ sɛ we nu mɔ, nɛ mbe gɔ, nɛ zã mɔ ma nɔ̃lɔ̃ sɛ dɛ tɛ wa. Nɛ mɔ 'dɔlɔ sɛ wa hã owi sɛnɛ wa, nɛ mɔ dɛ na, owinɔ ni, wa kala wa do ngbá, nɛ wa si do wa ndũu dɛ kɔ lenɔ 'da wa.

2 Sakonɔ 32:25

Nɛ Ezekiasi gbìnì zã a do we NWA tɔ̃a hã a ni gɔ. Nɛ nde a dɛa gã zu, nɛ zã NWA Gale nɔ̃lɔ̃ dɛ tɛ̃ a, mba do Owi Yeruzalɛmɛ do Owi ngɔ nù Yuda.

2 Sakonɔ 32:31

Nɛ nde 'da fala kɛ ogã wi ngɔ nù Babilonia wa tumba zi Owi nɛ to we aka a ngɔ gba ɔngbamɛ ma hɔa ngɔ nùi 'da a ni, nɛ Gale ia a na, a dɛ mɛ kɛ zã a kɔ̃a ni, takɔ a yamba sila a we zɔ dɛa mɔ tɛ̃ a.

Zumanɔ 14:3

Nɛ nde owinɔ vɛ̃ wa yɔa wala, nɛ wa vɛ̃ a Owi dɛ 'dã mɔ. Sanga wa vɛ̃ ni, fo mbe wi dɛ de mɔ kpo bina.

Zumanɔ 143:2

Mi ĩ na, fo dia wi ngboo li mɔ bina, kɔ mi aka mɔ na, mɔ tɛ fì mi, wi toe 'da mɔ li ngbangga gɔ.

Zumanɔ 19:12

Aa NWA, mɔ zɔ́ mi wi toe 'da mɔ, mi ĩ na, mɔ hã ombulanɔ, takɔ li mi ĩ mɔ. Wi kɛ a dɛ olo nu mɔ, nɛ a kpa sɛ de mɔ.

WI LENGGE WE 7:20

We kɛ ngɔ nù gɛ vɛ̃, fo wi bɔlɔ zu ngboo kɛ a wè tɛ dɛ 'dã mɔ gɔ ni bina.

Ezai 46:13

Mi 'dafa na, mi kpasa nɛ ngangga gɛ, nɛ mi kɔla we dɛ ma ia. Mi kpasa sɛ nɛ owinɔ 'da mi, nɛ mi gese sɛ nɛ dɛ tɛ Yeruzalɛmɛ. Nɛ nɛ kpa sɛ dɔ̃lɔ̃ li tɛ ngɔ nùi 'da nɛ.”

Ezai 53:11

Wi dɛa toe 'da mi a kpa sɛ yangga olo ngamɛ kɛ a kpa zi ma ni. A ĩ sɛ na, a kpà zi zɛlɛ tɛ yala iko gɔ. Wi dɛa toe 'da mi ĩ ti mi, a a wi bɔlɔ zu, nɛ a kifi gba dɔa winɔ na, wa hɔ wi bɔlɔ zu, we kɛ a ba ku'da 'dã mɛ 'da wa dɛ zu a.

Ezai 53:6

Lɛ vɛ̃ lɛ yɛnggɛ zi mba mba ɔ nɛ odua kɔ ba'de kɛ wa kpè nu wa gɔ ni. Nɛ lɛ dɛ zi tati a mɛnɔ kɛ zã lɛ kɔ̃a gɛnɛ nɛ ni. Nɛ nde NWA kala 'dã mɛnɔ 'da lɛ, nɛ a a zu wi toe 'da a na, a si olo ku'da nɛ.

Ezai 6:5

Mi nɛa we zɔ ni, nɛ mi tɔ̃ na: “'Bako do mi! Mi kpásá sɛ gɔ, we kɛ lɛnggɛ kɔ nu mi ba ndi wena, nɛ mi ɔ kɔ owinɔ kɛ lɛnggɛ nu wa ba 'bɔ ndi wena. Nɛ nde gbali mi zɔa NWA Gale ngɔ mɔ nyanga nza vɛ̃.”

Yeremi 23:6

'Da fala a dungu sɛ nwa ni, nɛ Oyuda wa kpasa sɛ, nɛ Oisraɛlɛ wa kpa sɛ gɛ̃a dungu. Wa sa sɛ li a na: ‘NWA, wele bɔlɔ zu.’ ”

Yeremi 33:16

Nɛ Oyuda do Owi kɔ le Yeruzalɛmɛ wa si sɛ kɔlɔ 'duli, nɛ wa kpa sɛ gɛ̃a dungu. Nɛ wa sa sɛ li le Yeruzalɛmɛ na: ‘NWA, wele bɔlɔ zu.’

DANIƐLƐ 9:24

“ ‘Gale wia sabɛlɛ sambo fala 'bu nɛ sambo we owinɔ 'da mɔ, do we le santo 'da nɛ, takɔ nɛ la fala bɛ̃ nu a Gale, nɛ nɛ ɔmɔ tɛ dɛ 'dã mɔ. Nɛ Gale a fo sɛ 'dã mɛ ni zu nɛ, nɛ a dɛ sɛ na, nɛ dɛ bɔlɔ zu dɛa mɔ fai. Na mɛ ni, omɛnɔ wi gba olo nu Gale zɔa, nɛ a tɔ̃a ni, ma dɛ sɛ tɛ̃ ɛ. Nɛ wa 'dafa sɛ tɔa Tɛmpɛlo kɛ ma santo wena ni dɛ olo nɛ.

MATIE 9:13

Kɔ nɛ nɛ́, hã nɛ fa gulu we kɛ wa kɔma kɔ 'Buki na: ‘Dɛ mɔ do dia zã, ma dia tɛ mi nɛa ngɔ odɔnggamɛnɔ’ ni. Mba gɔ, mi tɛ̀ we obɔlɔ zu wele gɔ, mi tɛa we o'dã winɔ.”

ROMA 1:17

Mba gɔ, Dia Sakoe ni, ma be tɛlɛ tɛ kɛ Gale a fo sɛ Owele ti ngbangga, nɛ a dɛ na, wa hɔ Owi bɔlɔ zu li a ni. Nɛ nde ma wia na, wele kɔ̃ zu li Yezu Kristo, sɛ nɛ Gale a dɛ sɛ na, a hɔ wi bɔlɔ zu li a de. Fo mbé gele wala bina. Ma ɔ nɛ kɛ wa kɔmɔ kɔ 'Buki 'da Gale na: “Wi kɛ a kɔ̃ zu li Gale, nɛ Gale a dɛ sɛ na, a hɔ wi bɔlɔ zu li a, nɛ wi ni sɛ do kpasi” ni.

ROMA 10:10

Mba gɔ, wi kɛ a kɔ̃ zu li Yezu do kɔ sila a, nɛ Gale a dɛ sɛ na, wi ni hɔ wi bɔlɔ zu li a. Nɛ wi kɛ a tɔ̃ do nu a na, ɛ kɔ̃a zu li Yezu, nɛ Gale a kpasa sɛ a.

ROMA 16:7

Nɛ hã́ balɛ hã Andronikusi do Yuniasi, kɛ wa a onya mi be Yuda, nɛ lɛ zi do wa kɔ bɔlɔkɔ fala nɛ kpo ni. Mba gɔ, wa 'bɔ a owinɔ 'da Kristo, nɛ Owi nɛ tonɔ wa dɔnggɔ zi wa wena, nɛ wa kɔ̃a zi 'bɔ zu li Yezu dati hã mi.

ROMA 5:21

Nɛ ɔ nɛ kɛ 'dã mɔ zi do ngawi we gbɛ wele ni, na mɛ ni, dia zã 'da Gale tɛ mɛ 'bɔ do ngawi we kifi Owele do Owi bɔlɔ zu li a, takɔ wa kpa kpasi kɛ ma é sɛ gɔ ni, do wala 'da Nwa 'da lɛ Yezu Kristo.

ROMA 8:1

Kɔ ngangga ni, Gale a 'bílí sɛ 'bɔ 'dã we dɛ zu winɔ kɛ wa mba kpo do Yezu Kristo ia ni gɔ.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

1 KORINTƐ 1:30

Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.

2 KORINTƐ 5:17

Fala kɛ wele hɔ wi 'da Kristo, nɛ nde a hɔa mbé wele ia. Ã mɛnɔ zi ni ma la, nɛ mbé mɛnɔ ma hɔa.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

GALATI 2:16

Gɛnɛ kɔ na mɛ ni, nɛ nde lɛ ĩ na, wele hɔ wi bɔlɔ zu li Gale we kɛ a dɛ mbula 'da Oyudanɔ ni gɔ, nɛ nde a hɔ wi bɔlɔ zu, we kɛ a kɔ̃a zu li Yezu Kristo. Lɛ tɛ mɛ 'bɔ lɛ kɔ̃a zu li Yezu Kristo, takɔ lɛ hɔ wi bɔlɔ zu li Gale, we duzu kɔ̃a we ni, nɛ nde ma we duzu kɛ lɛ dɛ mbula 'da Oyudanɔ ni gɔ. Mba gɔ, wele kpo hɔ̀ wi bɔlɔ zu li Gale we duzu kɛ a dɛ mbula 'da Oyudanɔ ni gɔ.

Mbulanɔ 27:26

“ ‘Wele kɛ a bɛ̃ we dɛ mbulanɔ 'da Gale, nɛ Gale fɔmbɔ a.’ Nɛ owinɔ vɛ̃ wa gese sɛ na: ‘Ma na mɛ ni!’

FILIPƐ 3:6

Mi ba zi tɛ mi vɛ̃ we dɛ to hã Gale, nɛ mi zɛlɛ zi 'bɔ tɛ oeklezianɔ. Nɛ mi hã tɛ mi vɛ̃ we dɛ mbula 'da Oyudanɔ, takɔ mi hɔ wi bɔlɔ zu li Gale, nɛ a kpà mɔ kɛ na a kɔ'dɔ mi ngɔ nɛ ni gɔ.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

TITO 3:5

nɛ a kpasa lɛ. A kpàsà lɛ we dia dɛa to tɛ lɛ gɔ, nɛ nde a kpasa lɛ, we kɛ a ĩ 'bako hã lɛ. A fɔla 'dã mɔ kɔ sila lɛ, nɛ a kua lɛ fala bɔa, nɛ a hã mbé kpasi hã lɛ do wala 'da Hi Wi Santo.

OHEBRE 6:18

Nɛ mbuli 'da Gale, do zonggo tɛ wi 'da a ma kífí sɛ gɔ, nɛ Gale káfá sɛ olo nu ɛ gɔ. Ki ni ma hã ngawi hã lɛ winɔ kɛ lɛ usu tɛ lɛ dɛ tambala kɔ̃ a ni na, lɛ 'bɔ 'da mbuli ni do sila lɛ kpo.

ZAKE 3:2

Lɛ vɛ, lɛ dɛ 'dã mɔ wena. Nɛ nde wi kɛ a yɔ́ nu a fala kpo gɔ ni, a a dia wi ngboo, nɛ a ĩ 'bɔ ti zimi tɛ̃ a do dia nɛ.

2 PETRO 1:1

Wi a mi Simɔ Petro, wi dɛa toe do wi nɛ toe 'da Yezu Kristo, mi kɔmɔ mbɛti gɛ hã nɛ, kɛ nɛ hɔa Owi kɔ̃a we, nɛ kɔ̃a we 'da nɛ dia wia kɔ̃ do kɛ 'da lɛ ni. Wi a Yezu Kristo kɛ a a Gale 'da lɛ, nɛ a 'bɔ a Wi kpasa lɛ ni, a hã ma hã lɛ do bɔlɔ zui 'da a.

1 YOANƐ 3:4

Wi kɛ a dɛ 'dã mɔ ni, a 'danga mbula 'da Gale, we kɛ dɛ 'dã mɔ, mɛ a bɛ̃ mbula 'da a.