FILIPƐ 3:7 - WE NU GALE 1995

⁷ Nɛ nde ngangga ni, mi kɔ̃a zu li Yezu Kristo, nɛ mɛnɔ mi zɔ zi nɛ́ dia mɛ ni, ma ɔ li mi vɛ̃ yala iko.

FILIPƐ 3:7 Cross References

Ndo Nyanga Dɛ Mɔ 19:17

Wa hɔa nza do'do, nɛ mbe kpo sanga anzɛnɔ ni tɔ̃ hã Lɔtɛ na: “Mɔ yú, da dɛ kɔ mɔ fé gɔ. Nɛ mɔ tɛ kà mɔ 'do mɔ gɔ, nɛ mɔ tɛ yòlò 'bɔ nù kɔ gbangɔlɛ̃ gɛ gɔ. Mɔ yú, hã mɔ usu tɛ mɔ ngɔ kalanɔ i. Ní gɔ, nɛ mɔ fe sɛ.”

Ndo Nyanga Dɛ Mɔ 19:26

Nɛ wuke 'da Lɔtɛ ka mɔ 'do a, nɛ a kifi 'bua tɔ̃, nɛ ma yolo dɛ ngɔ ni.

YƆBƆ 2:4

Nɛ Satana gisa na: “Wele wia we 'dɔlɔ mɛnɔ vɛ̃ kɛ a do ma ni, we kpasa kili tɛ̃ a.

GBA WENƆ 13:8

Owele wa ĩ na, mɔ a wi kpamɔ, nɛ wa tulu mɔ wena, hã mɔ hã mbili hã wa, sɛ nɛ mɔ kpasa ti kɔ̃ wa de. Nɛ nde mɔ ɔ ni dɛ́ wi sã gɔ.

GBA WENƆ 23:23

Mɔ yámbálá we tɔ̃ gbãlã we, nɛ mɔ lengge mɔ dati, nɛ mɔ fa hã zã we ĩ ti mɔ. Kɔ mɔ yambala ma do'do, nɛ mɔ tɛ zɔ̀ ma li mɔ yala gɔ.

WI LENGGE WE 3:6

Ngba soe fa mɔ boe, nɛ ngba soe yɔ mɔ boe, ngba soe usu mɔ boe, nɛ ngba soe da ma nù boe.

MATIE 16:26

Mba gɔ, mɔ olo kɛ na wele yɔ kpasi kɛ ma é gɔ ni, takɔ a ba nùi gɛ vɛ̃ do mɔ́ a ni a ge nde? Mɛ kɛ wele wia tɛ gɔnɔ do zu kpasi 'da ɛ ni a ge nde?

MARKO 10:50

Nɛ wi tandui da gã tuli 'da a nù, nɛ a kpe'de dɛ ngɔ, nɛ a nɛ 'da Yezu i.

LUKA 14:26

“Fala kɛ wele tɛ 'da mi, takɔ a hɔ wi 'da mi, kɔ a bɛ gɛnɛ baa a, do naa a, do kɛnɛ a, do benɔ 'da a, do onya a, do kili tɛ̃ a wele nɛ gɔ, nɛ nde a wè wi 'da mi gɔ.

LUKA 14:33

Nɛ Yezu tɔ̃ 'bɔ na: “Ma 'bɔ na mɛ ni, fala kɛ wele sanga nɛ gɛ kɔ̃ we hɔ wi 'da mi, nɛ ma wia na, a bɛ̃ gɛnɛ kpamɛnɔ 'da a vɛ̃.”

LUKA 16:8

Kɔ wi kpamɛ ni nɛa we zɔ ni, nɛ a dɔnggɔ kapita wi zũi ni, we duzu hã zã 'da a. Mba gɔ, o'dã winɔ ngɔ nùi gɛ, wa ĩ ti dɛ mɔ hã zã dɛ sanga tɛ ngba wa nɛa ngɔ owinɔ 'da Gale.”

Owi Nɛ Tonɔ 27:38

Wa nyɔngɔ mɛ ia do'do, nɛ wa da tala tolenɔ kɔ masua ni vɛ̃ 'dɔ lì, takɔ ma hãsã.

OHEBRE 11:26

A zɔa na, fala kɛ wa yɔndɔ ɛ, ɔ nɛ kɛ wa yɔndɔ do Mɛsiya ni, nɛ nde ma dia nɛa ngɔ kɛ na ɛ kpa kpamɛnɔ ngɔ nù Ezipeto vɛ̃. We kɛ a ia zɛ́ linggamɛ 'da a ngɔ si olo nɛ kɛ a kpa sɛ do 'do ni.