FILIPƐ 3:6 - WE NU GALE 1995

⁶ Mi ba zi tɛ mi vɛ̃ we dɛ to hã Gale, nɛ mi zɛlɛ zi 'bɔ tɛ oeklezianɔ. Nɛ mi hã tɛ mi vɛ̃ we dɛ mbula 'da Oyudanɔ, takɔ mi hɔ wi bɔlɔ zu li Gale, nɛ a kpà mɔ kɛ na a kɔ'dɔ mi ngɔ nɛ ni gɔ.

FILIPƐ 3:6 Cross References

2 SAMUƐLƐ 21:2

Ogabaoni wa zi a Oisraɛlɛ gɔ. Wa zi a nu kpala Oamori, kɛ Oisraɛlɛ wa kpua zi mbulu hã wa na, wa gbɛ́ sɛ wa gɔ. Nɛ nde Saulo fa zi we kumu wa, we kɛ a kɔ̃̀ zi na, do 'do, nɛ Oisraɛlɛ do Oyuda wa kpa ngamɔ ti kɔ̃ ogele nu kɔnggɔ gɔ.

2 Onwanɔ 10:16

“Mɔ kpé fala nɛ kpo do mi, nɛ mɔ zɔ sɛ tɛlɛ tɛ kɛ mi hã tɛ mi vɛ̃ we duzu NWA Gale ni.” Nɛ wa la do a dɛ Samaria.

WI LENGGE WE 7:16

Mɔ tɛ fà na zu mɔ bɔlɔ la li ngele gɔ, nɛ mɔ tɛ fà 'bɔ na mɔ ɔ do hã zã la li gɔ. Gulu gbɛ tɛ mɔ na ge nde?

Levitɛnɔ 13:16

Nɛ nde fala kɛ fala dani nyɔngɔ do muli ni, ma kifi 'bɔ fɛ̃a nɛ, nɛ wi ni a kpolo sɛ tɛ̃ a 'da nganga i,

MATIE 23:25

“'Bako do nɛ, Owi be mbulanɔ do Ofariziɛnɔ! Nɛ a owi ɔlɔ wi! Nɛ fɔlɔ tati a tɛ nɛ, ɔ nɛ wele fɔlɔ do 'do bila do kpangbala sani ni iko, nɛ nde kɔ sila nɛ dunu do wɔ zũ do o'dã linggamɔ.

MATIE 5:20

Mi tɔ̃ hã nɛ na, nɛ ha tɛ nɛ we dɛ mɛnɔ kɛ Gale kɔ̃a ni nɛ ngɔ Owi be mbulanɔ do Ofariziɛnɔ. Ní gɔ, nɛ nde nɛ lé sɛ kɔ le nwa 'da Gale gɔ.

LUKA 1:6

Zakaria do wuke 'da a, wa zi bɔa nɛ a owi bɔlɔ zu dati Gale. Nɛ wa dɔnggɔ zi mbulanɔ 'da Nwa vɛ̃.

Owi Nɛ Tonɔ 21:20

Kɔ wa nɛa we zele ni, nɛ wa dɔnggɔ Gale wena. Nɛ wa tɔ̃ hã Polo na: “Nyae, mɔ zɔa nde? Oyudanɔ wena wa kɔ̃a zu li Yezu, nɛ nde wa 'bana dɛ mbula 'da Mɔizɛ do sila wa vɛ.

Owi Nɛ Tonɔ 22:5

Nɛ gã nwa nganga, do okumunɔ vɛ̃ wa ĩ na, we mi tɔ̃ gɛ a gbãlã we. Nɛ wa dɛa zi mbɛti hã mi na, mi nɛ do ma hã onya lɛ Oyudanɔ tɛ Damasi i. Nɛ mi nɛa zi i mɔ we kala Owi Kristonɔ, we tɛ do wa dɛ Yeruzalɛmɛ nga, takɔ wa kpa etumbu.

Owi Nɛ Tonɔ 26:5

Wa ĩ gulu mi de wena, nɛ wa wia we kɔ̃ na, mi zi sanga Ofariziɛnɔ, kɛ wa dɛ mbula 'da Mɔizɛ nɛ ngɔ tala Oyudanɔ vɛ ni.

Owi Nɛ Tonɔ 8:3

Nɛ Saulo dɛa vɛ́ na, a kumu owi kɔ̃a wenɔ. A le kɔ tɔa kpo do kpo tɛ kala Owi kɔ̃a wenɔ, owi wili do wuko, nɛ a a wa bɔlɔkɔ.

ROMA 7:9

Zɛ́ dati kɛ na, mbula tɛ hɔ̀ gɔ ni, nɛ nde mi zi do kpasi boe. Kɔ mbula nɛa we hɔ nɛ, nɛ 'dã mɔ kpa ngawi,

1 KORINTƐ 10:32

Nɛ dɛ́ mɔ tɛ nɛ do tɛlɛ tɛ kɛ na, nɛ tɛ ɔ̀ nɛ zugbulu te kɔ zu nyanga wele, we duzu be Yuda, tabi gele wi, tabi Eklezia 'da Gale gɔ.

1 KORINTƐ 15:9

Gbãlã we, mi do ti Owi nɛ tonɔ vɛ. Ma wè sɔ na, wa sa li mi na wi nɛ to gɔ. Mba gɔ, mi hã zi ngamɔ hã Eklezia 'da Gale wena.

FILIPƐ 2:15

Nɛ dúngú do sa sila, nɛ nɛ tɛ dɛ̀ mɔ kɛ wa wia we kɔ'dɔ nɛ we nɛ ni gɔ. Nɛ ɔ́ benɔ 'da Gale, nɛ 'dã mɔ tɛ ɔ̀ kɔ nɛ gɔ. Nɛ nɛ tó ɔ nɛ sɔla ni sanga winɔ nù gɛ, kɛ wa a owi 'dã hã, do Owi nga zu ni.

FILIPƐ 3:9

nɛ mi mba kpo do a. Mi á 'bɔ tɛ mi ngɔ dɛ mbula 'da Oyudanɔ we hɔ bɔlɔ zu wele li Gale gɔ. Nɛ nde mi hɔa wi bɔlɔ zu li a, we duzu kɛ mi kɔ̃a zu li Yezu Kristo. Gale hã a dɛ na, wele hɔ wi bɔlɔ zu li ɛ, we kɛ a kɔ̃a zu li Kristo ni.

1 TIMOTE 1:13

Gɛnɛ kɔ mi tɔ̃a zi 'dã we tɛ Yezu, nɛ mi zɛlɛ tɛ̃ a, nɛ mi dã zu li a, nɛ nde Gale a ĩ 'bako hã mi, we kɛ mi tɛ kɔ̃̀ zi zu li Yezu gɔ, nɛ mi ĩ̀ zi 'bo ti gulu mɛnɔ mi dɛ ni gɔ.

Owi kpe dati 6:30

Nɛ wa tɔ̃ hã Yoasi na: “Mɔ bá be 'da mɔ Zedeoni, hã lɛ gbɛ a! Mba gɔ, a gbini gbagala dɔnggɔ do Bala, nɛ a gɔmɔ 'bɔ sanga kpikima Asera kɛ zã nɛ ni do'do.”