FILIPƐ 3:5 - WE NU GALE 1995

⁵ Mi a be Israɛlɛ, wa kua mi kɔ nu kpala Bɛnzamɛ. Nɛ do ngbɛ'dɛ'dɛ tũ olo kula 'da mi, nɛ wa gɔnɔ mi. Mi a be zã Hebrenɔ ngboo. Nɛ we duzu mbula 'da Oyudanɔ, nɛ nde mi a Fariziɛ̃.

FILIPƐ 3:5 Cross References

Ndo Nyanga Dɛ Mɔ 14:13

Mbe wele kpo yu bole, nɛ a hɔ 'da Abrama kɛ a a be Hebre ni, nɛ a tɔ̃ sako bole ni hã a. 'Da fala ni, nɛ nde Abrama zĩ zi tɔa tande 'dɛ ɛ dɛ ti ote sɛnɛnɔ 'da Mamre, be Amori ni. Mamre a nya Ɛsɛkɔlɛ do Anɛrɛ. Owi wilinɔ talɛ ni wa dɛa zi na do Abrama.

Ndo Nyanga Dɛ Mɔ 40:15

Wa ba zi mi ngɔ nùi 'da Ohebrenɔ i do nga nɛ, nɛ wa tɛ do mi i nga. Nɛ mi dɛ̀ 'bɔ mɔ kpo kɛ ma wia na, wa fi mi bɔlɔkɔ ni gɔ.”

Ndo Nyanga Dɛ Mɔ 41:12

Nɛ zi dɛ sanga lɛ owi bɔlɔkɔnɔ ni, mbe be zagbãlã Hebre kpo zi boe. Wa ba zi a do ngbá, nɛ a dɛ toe 'da a kɔ tɔa 'da gã wi zɔ mɔ tɛ ngboe 'da mɔ. Lɛ tɔ̃a yalɛ 'da lɛ hã a, nɛ a tɔ̃ gulu nɛ hã lɛ do wala olo nɛ ngboo.

YONASI 1:9

Nɛ a gese hã wa na: “Mi a be hebre, mi dɔnggɔ NWA Gale tɛ li nza i, kɛ a dɛa gba lìnɔ do nga nùi ni.”

LUKA 1:59

Kɔ be ɔa pɔsɔ kpo, nɛ wa nɛ do a, takɔ wa gɔnɔ a do gaza. Nɛ wa kɔ̃a we e li baa a Zakaria dɛ zu a.

LUKA 2:21

'Do kula la pɔsɔ kpo, nɛ ma hɔ ngba soe gɔnɔ be do gaza, nɛ wa e li a na Yezu, li kɛ anzɛ ia zi ma, dati kɛ Maria tɛ bà zi zã a gɔ̃ ni.

LUKA 5:38

Kɔ ma wia na, wa a mbé dɔ̃ kɔ mbé daka ndala!

Owi Nɛ Tonɔ 22:3

“Mi a be Yuda, wa kua mi kɔ le Tarsɛ tɛ ngɔ nù Silisi, nɛ wa dala mi dɛ Yeruzalɛmɛ gɛ. Nɛ Gamaliɛlɛ, wi be mbula, a bia mbula 'da oyaa lɛ hã mi vɛ̃. Nɛ mi dɛa zi toe 'da Gale do sila mi kpo, ɔ nɛ kɛ nɛ vɛ̃ nɛ tɛ dɛ ma sɔɛ gɛ ni.

Owi Nɛ Tonɔ 23:6

Polo ĩ zi na, Owi 'bili wenɔ wa gɔnɔ sanga tɛ ngba wa bɔa. Ombe nɛ wa a Osadisiɛ, nɛ ombe a Ofariziɛ. Ma kɛ a hia mɔ dɛ sanga wa ni na: “Onyae, nɛ zɔ́ mi gɛ a Fariziɛ̃, nɛ obaa mi wa zi a Ofariziɛ. Ma kɛ wa kũ we dɛ tɛ mi, we kɛ mi gbini zã mi do Gale na, a tunu sɛ ofionɔ kɔ fio ni!”

Owi Nɛ Tonɔ 6:1

Do ngba soe ni, nɛ nde owi kɔ̃a wenɔ wa dɛlɛ zi dɛla fai. Nɛ Oyudanɔ kɛ wa tɔ̃ Grɛkɛ ni, wa mɔ̃lã do wanɔ kɛ wa tɔ̃ Hebre, lɛnggɛ kɔ le 'da wa ngboo ni. Nɛ wa na, tũ kpo kpo, 'da fala kɛ̃ nyɔngɔmɛ, nɛ nde wa lénggé do owi fio wilinɔ 'da lo ngboo gɔ.

ROMA 11:1

Kɔ mi aka na, ní a Gale bɛ̃a gɛnɛ owinɔ 'da a do'do nde? A bè gɛnɛ wa gɔ. Mba gɔ, mi ngboo, mi tɛ mɛ 'bɔ a be Israɛlɛ. Mi a be zã Abrahama, mi a wi nu kpala Bɛnzamɛ.

2 KORINTƐ 11:22

Wa dɔnggɔ tɛ wa na, lo a Ohebre, nɛ nde mi tɛ mɛ 'bɔ a Hebre! Wa a Oisraɛlɛ, nɛ nde mi tɛ mɛ 'bɔ a be Israɛlɛ! Wa a obe zã Abrahama, nɛ nde mi tɛ mɛ 'bɔ a be zã a!

1 SAMUƐLƐ 4:6

Ofilisti wa zele zɛ nui ni, nɛ wa na: “Gulu zɛ nu kɛ ma wele fala ɔi 'da obe Hebre gɛ a ge nde?” Kɔ wa nɛa we zele na, Sanduku Gba Tɔkɛ hɔa tɛ fala ɔi 'da obe Israɛlɛ,