FILIPƐ 3:3 - WE NU GALE 1995

³ Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

FILIPƐ 3:3 Cross References

Zumanɔ 105:3

Nɛ, owinɔ 'da NWA Gale, nɛ dɛ́ yangga, nɛ nɛ dɔnggɔ tɛ nɛ do a kɛ a santo.

Ezai 45:25

Nɛ mi zɔ sɛ obe zã Yakɔbɔ vɛ̃ ɔ nɛ owi bɔlɔ zu. Hã wa zɔ ni, nɛ wa dɔnggɔ sɛ mi.”

Yeremi 4:4

Nɛ, owi ngɔ nù Yuda, do Owi kɔ le Yeruzalɛmɛ, nɛ 'dáfá gba tɔkɛ 'da nɛ do mi, nwa 'da nɛ, nɛ nɛ ha tɛ nɛ hã mi. Ní gɔ, nɛ nɔ̃lɔ̃ zã 'da mi ma za'da sɛ nɛ́ nyɛa we ni, nɛ ma bɛlɛ mɛnɔ vɛ̃, we duzu 'dã mɛnɔ nɛ dɛa ni, nɛ wele kpo wé sɛ we bi ma gɔ.”

MALAKI 1:11

“Ogele winɔ nyanga nza gɛ vɛ̃, wa dɔnggɔ mi. Falanɔ vɛ̃, yolo 'biti gba wese we hɔ 'biti gɛ̃a wese, wa dɔ fũ yɔmbɔ we dɔnggɔ do mi, nɛ wa tɛ do dɔnggamɛnɔ kɛ ma wia do mi ni hã mi. Gbãlã we, ogele winɔ wa ĩ ti gã wi 'da mi.

ROMA 1:9

Gale kɛ mi dɛ toe hã a, tɛ be Dia Sakoe 'da Be 'da a do sila mi kpo ni, a ĩ na, we mi tɔ̃ ni, mɛ a ngbongbo we. A ĩ na, mi lengge do nɛ kɔ sambala 'da mi lingga fai.

ROMA 15:17

Kɔ nɛ́ kɛ mi mba kpo do Kristo ni, mi wia we dɔnggɔ tɛ mi do toe 'da Gale kɛ mi dɛ ni.

ROMA 7:6

Kɔ ngangga ni, we mɛnɔ kɛ ma zɔa mbula, nɛ ma ɛnzɛ zi lɛ nɛ́ ngbá ni, lɛ ɔ dati nɛ nɛ́ kɛ lɛ fi fia ni, nɛ lɛ hɔa nza ti mbula ni ia. Nɛ lɛ wè 'bɔ tɛ dɛ to hã Gale do ã mbula kɛ Mɔizɛ kɔma zɛ́ ma ni gɔ, nɛ nde lɛ dɛ to hã Gale do mbé hã zã kɛ Hi Wi Santo be ma ni.

ROMA 8:15

Nɛ Hi Wi kɛ nɛ kpa zi a ni dɛ̃ na, nɛ hɔ ngbá mɔ́ wele do kɛ na, nɛ 'bana tɛ dɛ kifi gɔ, nɛ nde a dɛa na, nɛ hɔ obenɔ 'da Gale. Nɛ do ngawi 'da Hi Wi ni, lɛ sa mɔ hã Gale na: “Baa lɛ!”

ROMA 8:39

Gɛnɛ kɔ ngawi mɛnɔ fi nza ngɔ i, tabi kɛnɔ ti nù 'da fionɔ i, nɛ nde mɔ kpo wé sɛ we gɔnɔ sanga tɛ ngba lɛ do kɔ̃a zã 'da Gale kɛ ma bia tɛ ɛ do wala 'da Nwa 'da lɛ Yezu Kristo ni gɔ.

ROMA 9:6

Nɛ nde mi tɔ̃̀ na, mbulunɔ kɛ Gale kpua ma hã wa ni ma dɛa bɛlɛ gɔ. Mba gɔ, sanga obe zã Israɛlɛ vɛ́ ni, ombe wa a winɔ 'da Gale gɔ.

2 KORINTƐ 11:18

Owinɔ wena wa dɔnggɔ tɛ wa do mɛnɔ nù gɛ, ma kɛ mi nɛ dɔnggɔ tɛ mɛ 'bɔ tɛ mi ni.

GALATI 5:25

Nɛ́ kɛ Hi Wi Santo hã kpasi hã lɛ ni, ma wia na, lɛ e Hi Wi Santo, hã a be wala hã lɛ.

GALATI 6:16

E kɔ Gale be dia zã hã winɔ vɛ́ wa dɛ mbula gɛ ni, nɛ a dɛ na, wa dungu do gɛa sila. Mi aka 'bɔ na mɛ ni we duzu owinɔ 'da Gale vɛ.

EFƐZƐ 6:18

Nɛ nɛ sámbálá Gale na, a gala nɛ kɔ mɛnɔ vɛ̃. Nɛ sámbálá Gale 'da fala fai nɛ́ kɛ Hi Wi Santo be hã nɛ ni. Nɛ dúngú do sɔ̃a U, nɛ nɛ tɛ mbɔ̀kɔ̀ gɔ, nɛ nɛ sámbálá Gale we duzu winɔ 'da a vɛ.

Mbulanɔ 10:16

Na mɛ ni, nɛ bá sila nɛ vɛ̃ hã NWA, nɛ nɛ tɛ dɛ̀ 'bɔ nga zu dɛ tɛ̃ a gɔ.

Mbulanɔ 30:6

“NWA Gale 'da nɛ, a 'dafa sɛ sila nɛ do sila obe zã nɛ, takɔ nɛ kɔ̃ gɛnɛ a do sila nɛ vɛ̃. Nɛ nɛ 'bana sɛ dɛ ngɔ nùi ni fai.

FILIPƐ 1:1

Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.

FILIPƐ 3:12

Mi ĩ na, mi tɛ hɔ̀ ndɔti yui 'da mi gɔ, nɛ dungi 'da mi tɛ wè 'bɔ vɛ̃ gɔ. Nɛ nde mi 'bana tɛ yu dɛ dati, takɔ mi kpa mɔ olo yui ni, we kɛ Yezu Kristo ba mi do wi mɔ́ a ia.

FILIPƐ 3:14

Ma kɛ mi tɛ yu a nga we hɔ ndɔti yui, takɔ mi kpa de mɛ kɛ Gale sa zi mɔ hã lɛ we nɛ li nza i do wala 'da Yezu Kristo ni.

KƆLƆSƐ 2:11

Kɔ nɛ́ kɛ nɛ mba kpo do Kristo ni, nɛ nɛa gaza ia. Gaza ni, mɛ a gaza kɛ owele wa a wa gɔna gɔ, nɛ nde mɛ a gaza kɛ Kristo hã a gɔna. Gulu nɛ na, a fua nɛ ti ngawi 'da 'dã wɔ kɔ sila nɛ.

YUDA 1:20

Nɛ nde nɛ, oyali ngba mi, nɛ dɛ́ nganda na, kɔ̃a we 'da nɛ kɛ ma santo ni ma gã dɛ dati. Nɛ nɛ sámbálá Gale do ngawi 'da Hi Wi Santo.