FILIPƐ 3:20 - WE NU GALE 1995

²⁰ Nɛ nde kɛ 'da lɛ, le 'da lɛ ngboo a le nwa 'da Gale. Nɛ lɛ 'bɔ 'da tɛa 'da Nwa 'da lɛ Yezu Kristo, wi kpasa lɛ, kɛ a yolo sɛ i mɔ ni.

FILIPƐ 3:20 Cross References

Zumanɔ 16:11

Mɔ bé wala kpasi hã mi na, mi ĩ ti ma. Fala kɛ mɔ do mi boe, nɛ mi dɛ yangga. Fala kɛ mi ɔ dɛ kɛ zã mɔ, nɛ mi do yangga kɛ ndɔti nɛ bina ni.

Zumanɔ 17:15

Nɛ nde we mi, mi zɔ sɛ bula li mɔ, we kɛ mi a wi bɔlɔ zu. Hã fala kɛ mi tunu, nɛ mi dɛ sɛ yangga we zɔ mɔ.

GBA WENƆ 15:24

Wi hã zã ba wala kpasi, nɛ a sɛnɛ wala fio.

MATIE 19:21

Nɛ Yezu tɔ̃ hã a na: “Fala kɛ mɔ kɔ na, mɔ we ngboo nde, nɛ mɔ sí, kɔ mɔ bé gole kpamɛnɔ 'da mɔ vɛ̃, nɛ mɔ kɛ̃́ mbuli nɛ hã Owi sãnɔ, nɛ mɔ kpa sɛ mbé kpamɔ tɛ li nza i. Nɛ mɔ kpóló tɛ mɔ, nɛ lɛ yɛnggɛ do mɔ.”

LUKA 12:21

Nɛ Yezu tɔ̃ na: “Ma ɔ 'bɔ kpasaa na mɛ ni, we wi kɛ a ngɛmɛ okpamɛnɔ we a wele nɛ, nɛ nde a do kpamɔ li Gale bina ni.”

LUKA 14:14

Nɛ mɔ sɛ do yangga, we kɛ wa wé sɛ tɛ gese olo nɛ hã mɔ gɔ. Nɛ nde wi nɛ gese sɛ olo nɛ hã mɔ, wi a Gale, do 'da fala a tunu sɛ owi bɔlɔ zunɔ kɔ fio ni.”

Owi Nɛ Tonɔ 1:11

nɛ wa tɔ̃ hã wa na: “Aa nɛ, Owi Galile, gulu kɛ nɛ yolo tɛ soko mɔ dɛ li nza i ni we ge nde? Yezu kɛ a yula dɛ sanga nɛ gɛ, nɛ a kũ dɛ li nza i dɛ li nɛ gɛ ni, a tɛ sɛ 'bɔ kpasaa ɔ nɛ kɛ nɛ zɔa do a tɛ kũ dɛ li nza i ni.”

1 KORINTƐ 1:7

nɛ nɛ zɔ̀lɔ̀ de mɛ kɛ Gale hã ma ni kpo gɔ. Nɛ ngangga ni, nɛ tɛ 'bɔ 'da tɛa 'da Nwa 'da lɛ Yezu Kristo.

1 KORINTƐ 15:48

Owinɔ ngɔ nù gɛ wa wia kɔ̃ do Adamu kɛ Gale dɛa zi a do nùi ni. Nɛ wanɔ li nza i ni, wa wia kɔ̃ do wele kɛ a yula li nza i ni.

2 KORINTƐ 4:18

Mba gɔ, lɛ a sila lɛ ngɔ mɛnɔ kɛ lɛ zɔ́ gɔ ni, nɛ lɛ lénggé do kɛnɔ lɛ zɔ zɔa ni gɔ. Mɛnɔ kɛ wa zɔ zɔa ni, ma 'báná gbaa gɔ, nɛ nde kɛnɔ wa zɔ́ gɔ ni, ma 'bana sɛ fai.

2 KORINTƐ 5:8

Gbãlã we, lɛ gbini zã lɛ do Nwa, nɛ lɛ kɔ̃a sɔ na, lɛ hɔ nza kɔ kili tɛ wi nùi gɛ, nɛ lɛ nɛ dɛ 'da Nwa i.

GALATI 4:26

Nɛ nde le Yeruzalɛmɛ kɛ li nza i ni, ma ti mbula bina, nɛ le ni a naa lɛ.

EFƐZƐ 2:19

We duzu ki ni, nɛ, owinɔ kɛ nɛ a Oyuda gɔ ni, nɛ 'bɔ a ogele wi, tabi ogɛnɛ gɔ. Nɛ hɔa wele le mba do owinɔ 'da Gale. Nɛ hɔa Owi nu fɛlɛ kula 'da Gale.

EFƐZƐ 2:6

A tunu lɛ kɔ fio fala nɛ kpo do Kristo, nɛ a a lɛ do onwa fala nɛ kpo do a tɛ li nza i.

FILIPƐ 1:10

we saka mɛ kɛ ma dia nɛa ngɔ ngbɛ ɛ ni. Na mɛ ni, sila nɛ sɛ a sa, nɛ do ngba soe kɛ Yezu Kristo a tɛ sɛ nɛ ni, nɛ nde nɛ kpá sɛ kɔ'da gɔ.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

KƆLƆSƐ 1:5

Kɔ̃a we do kɔ̃ gɛnɛ ngba wi 'da nɛ ni, ma nganda, we kɛ nɛ tɛ gbini zã nɛ do de mɛ kɛ ma 'bɔ 'da nɛ li nza i ni. Mba gɔ, kuti kɛ wa bia zi gbãlã we kɛ ma kɔ Dia Sakoe hã nɛ ni, nɛ nɛ zila zi we de mɛ kɛ nɛ wia we kpa ma olo nɛ ni.

1 TƐSALONIKƐ 1:10

Nɛ wa tɔ̃ 'bɔ tɛlɛ tɛ kɛ nɛ ia sila nɛ we 'bɔ 'da tɛa 'da Yezu Be 'da Gale, kɛ Gale tunu zi a sanga ofionɔ, nɛ a kpasa sɛ lɛ ti nɔ̃lɔ̃ zã 'da Gale 'da fala a nɛ 'bili do ngbangga 'da owinɔ ni.

1 TƐSALONIKƐ 4:16

Do ngba soe nɛ ni, nɛ mbisa we ma wele sɛ nganda wena, nɛ wa zele sɛ giti gɛlɛ gã nwa ngɔ anzɛnɔ, do giti mɔtũlũ 'da Gale. Nɛ Nwa Yezu Kristo do tɛ̃ a ngboo, a yolo sɛ li nza i, nɛ a zĩlĩ. Nɛ owinɔ kɛ wa fia, nɛ nde wa kɔ̃a zu li a kɔ̃a ni, wa tunu sɛ kɔ fio dati.

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

TITO 2:13

Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.

OHEBRE 12:22

Nɛ nde nɛ, nɛ hɔa ti nyanga kala Sioni kɔ le 'da Gale, wele kpasi. Mɛ a le Yeruzalɛmɛ li nza i, kɛ gili oanzɛnɔ koto do koto wa mba ngba wa dɛ kɔ nɛ ni.

OHEBRE 9:28

Na mɛ ni, Kristo hã zi tɛ a hã Gale, nɛ a fia fala kpo we 'dã mɛ 'da ogili winɔ. Nɛ a hɔ sɛ 'bɔ mbé nɛ fala kpo, nɛ nde a hɔ́ sɛ we fo 'dã mɔ gɔ, a hɔ sɛ we kpasa winɔ wa 'bɔ 'da a ni.

USU MƐNƆ 1:7

Nɛ ĩ́ na, a a sanga kutunɔ tɛ tɛ nɛ, nɛ winɔ vɛ wa zɔ sɛ a. Gɛnɛ kɔ wanɔ kɛ wa dumu zi gbãlã ngu'du a ni, wa zɔ sɛ 'bɔ a. Nɛ owinɔ ngɔ nù gɛ vɛ, wa he sɛ kɔ̃a we a. Ma ɔ sɛ na mɛ ni! Amɛ.