FILIPƐ 3:2 - WE NU GALE 1995

² Li nɛ sɔ̃́ tɛ Owi dɛ 'dã mɛnɔ, wa a otolo, nɛ wa lengge na wele nɛ gaza, sɛ nɛ a hɔ wi bɔlɔ zu li Gale de.

FILIPƐ 3:2 Cross References

Zumanɔ 119:115

Nɛ, owi dɛ 'dã mɛnɔ, nɛ fó tɛ nɛ kɛ zã mi do'do, nɛ mi dɛ sɛ mbulanɔ 'da Gale 'da mi.

Zumanɔ 22:16

Kɔ gɛlɛ mi kula kparr, nɛ lɛfɛ mi nãlã dɛ kɔ langgala mi. Mɔ la mi na, mi fe, hã mi le ti nù.

Zumanɔ 22:20

Nɛ nde mɔ NWA, mɔ tɛ là mi ndũu gɔ. Ngawi 'da mi wi a mɔ, mɔ tɛ́ dɔ̃, hã mɔ gbaka mi.

GBA WENƆ 26:11

Yɔndɔ wi gili tɛ̃ a 'da yɔndɔ dɛa mɔ tɛ̃ a, ɔ nɛ kɛ tolo ɔ̃lɔ̃ ia, nɛ a gili tɛ̃ a we nyɔngɔ 'bɔ ɔ̃lã olo a ni vɛ̃ ni.

MATIE 24:10

Do 'da fala ni, Owele wena wa la sɛ fala kɔ̃a we 'da wa. Wa vũ sɛ to tɛ ngba wa, nɛ wa sɛnɛ sɛ ngba wa wena.

MATIE 7:15

“Lì nɛ sɔ̃́ tɛ owinɔ wa gba olo nu Gale do bɛlɛ ni. We kɛ wa tɛ 'da nɛ ɔ nɛ obata ni, nɛ nde kɔ sila wa ɔ nɛ kɔ sila gɔ̃̀ ni.

MATIE 7:6

“Nɛ tɛ ha mɔ kɛ ma a sa li Gale ni hã otolo gɔ, dɔ wa síkí tɛ wa, kɔ wa nyɔngɔ nɛ gɔ. Nɛ nɛ tɛ dà oiyakanɔ 'da nɛ hã ongulu gɔ, dɔ wa má ma do nyanga wa iko gɔ.

ROMA 2:28

Ní a, wa ĩ ti ngbongbo Yuda do ge nde? Wa ĩ́ ti a we duzu mbala dani gaza kɛ wa zɔ zɔa ni gɔ.

2 KORINTƐ 11:13

Owinɔ ni, wa a ongbongbo wi nɛ tonɔ 'da Kristo gɔ, wa dɛ toe 'da wa do bɛlɛ, nɛ wa be tɛ wa na, lo a ngbongbo wi nɛ tonɔ 'da Kristo.

GALATI 5:13

Onyae, Gale sa zi mɔ hã nɛ na, nɛ hɔ nza ti mbula. Kɔ nɛ́ kɛ nɛ 'bànà ti mbula gɔ ni, nɛ tɛ lènggè na, nɛ wia we dɛ mɛnɔ ɔ nɛ kɛ wɔ kili tɛ nɛ tombo do nɛ ni gɔ. Nɛ nde ma wia na, kɔ̃ gɛnɛ ngba wi kɛ nɛ kɔ̃a do ngba nɛ ni, ma tombo nɛ we dɛ to hã ngba nɛ.

GALATI 5:15

Kɔ fala kɛ nɛ ma ngɔ zɛlɛ tɛ ngba nɛ, do e dani tɛ ngba nɛ ɔ nɛ osa'de zamɔ ni, nɛ li nɛ sɔ̃́, ní gɔ, nɛ nɛ kumu sɛ ongba nɛ vɛ.

GALATI 5:6

Mba gɔ, wi kɛ a mba do Kristo kpo ni, gɛnɛ kɔ a nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma do gã gulu nɛ, mɛ a kɔ̃a we kɛ ma be tɛ́ ɛ kɔ kɔ̃ gɛnɛ ngba wi ni.

FILIPƐ 3:19

Winɔ ni, wa kã tɛ wa hã fio, we kɛ gale 'da wa mɛ a zã wa. Wa dɔnggɔ tɛ wa do mɛnɔ kɛ ma wia sɔ we hã sape hã wa ni, nɛ wa lengge tati a mɛnɔ nù gɛ iko.

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

1 TIMOTE 1:19

Kɔ mɔ dúngú do kɔ̃a we, nɛ mɔ ɔ́ do dia linggamɔ kɔ sila mɔ. Mba gɔ, ombe winɔ wa bɛa zi gɛnɛ dia linggamɛnɔ kɔ sila wa, nɛ 'do nɛ, nɛ kɔ̃a we 'da wa ma 'danga zi do'do.

TITO 1:16

Wa tɔ̃ do nu wa na, lo ĩ ti Gale, nɛ nde dɛa to tɛ wa vɛ̃ be na, wa Ĩ ti Gale gɔ. Wa a o'dã wele ngboo, Owi nga zu, nɛ wa ĩ́ ti dɛ mbe dia mɔ kpo gɔ.

2 PETRO 2:22

Mɛ wa dɛa ni, ma ɔ nɛ kɛ Owele wa tɔ̃ do gba we na: “Tolo ɔ̃lɔ̃, nɛ a nyɔngɔ.” Tabi: “Ngulu fɔlɔ tɛ a, nɛ a kindi 'bɔ tɛ a 'dɔ 'bɛ̃tɛ̃” ni.

YUDA 1:4

Mi tɔ̃ we gɛ hã nɛ, we kɛ ombe wele kɛ wa dɔ́nggɔ́ Gale gɔ ni, wa lia sanga nɛ do 'dã hã, nɛ wa kpolo lɛnggɛ dia zã 'da Gale kɛ a bia ma hã lɛ ni. Wa kpolo ma, takɔ wa yolo dɛ ngɔ nɛ we dɛ mɔ sape kɛ zã wa kɔ̃a ni. Nɛ wa bɛa gɛnɛ Yezu Kristo, kɛ a zu a kpo a Wele lɛ, do Nwa 'da lɛ ni. Nɛ nde wa kɔmɔ zɛ́ li wa belee ia na, Gale a fi sɛ wa li ngbangga.

USU MƐNƆ 2:9

Mi ĩ ti ngamɛ nɛ kpa ni, nɛ mi ĩ 'bɔ ti sã 'da nɛ. Nɛ nde nɛ ĩ́ na, nɛ a wi kpamɔ. Mi ĩ ti 'dã wenɔ kɛ ombe winɔ wa tɔ̃ do zu li nɛ ni. Wa na, lo a Oyuda, nɛ nde wa a Oyuda gɔ, wa a winɔ 'da Satana.

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.

USU MƐNƆ 3:9

Kɔ nɛ zɔ́ mɛnɔ mi nɛ dɛ sɛ do gili winɔ 'da Satana, kɛ wa 'bili bɛlɛ, nɛ wa tɔ̃ na, lo a Oyuda, nɛ nde wa a Yuda gɔ ni. Mi ngbɔkɔ sɛ wa na, wa nɛ 'da nɛ i, nɛ wa gu gba zugolo dati nɛ, nɛ wa ĩ sɛ na, mi kɔ̃a gɛnɛ nɛ.