FILIPƐ 3:19 - WE NU GALE 1995

¹⁹ Winɔ ni, wa kã tɛ wa hã fio, we kɛ gale 'da wa mɛ a zã wa. Wa dɔnggɔ tɛ wa do mɛnɔ kɛ ma wia sɔ we hã sape hã wa ni, nɛ wa lengge tati a mɛnɔ nù gɛ iko.

FILIPƐ 3:19 Cross References

Zumanɔ 17:14

Aa nwa, mɔ bá du kɔya 'da mɔ hã mɔ gbɛ́ do wa. Mɔ mbítí wa ngɔ nù gɛ do'do. Mɔ hã etumbui mɔ usu ma we wa ni hã wa. Nɛ mɔ hã́ ma gã wena, nɛ ma kpa kɔ̃ obe zã wa do obe yaa wa.

Zumanɔ 52:1

Zuma 'da Davidi

Yeremi 44:17

Lɛ dɛ sɛ tati a kɛ lɛ saka we dɛ ma ni. Lɛ dɔ sɛ fũ yɔmbɔ we dɔnggɔ do Astarte, nwa wuke tɛ li nza i ni. Nɛ lɛ hã sɛ 'bɔ dɔnggamɔ dɔ̃ hã a, ɔ nɛ kɛ lɛ, do oyaa lɛ, do Onwanɔ 'da lɛ, do owi olo li wa, lɛ dɛ zi ma tɛ kɔ lenɔ ngɔ nù Yuda, do li walanɔ kɔ le Yeruzalɛmɛ i ni. Mba gɔ, lɛ dɛa zi ni, nɛ lɛ zɔlɔ zi nyɔngɔmɔ gɔ. Lɛ dungu zi dia dungu, nɛ lɛ zɔ̃ zi ngamɔ gɔ.

EZEKIƐLƐ 13:19

Nɛ hã sape hã mi li owinɔ 'da mi, takɔ nɛ kpa be gbãlã ɔrzɛ kɔ̃ wi kpo, tabi be 'bili mapa iko. Nɛ ɔlɔ owinɔ 'da mi kɛ wa kɔ̃ we dɔ̃ iko ni. Na mɛ ni, nɛ gbɛa owinɔ kɛ ma wè sɔ na wa fe gɔ, nɛ nɛ kpasa wanɔ kɛ ma wè sɔ na wa 'bana nza gɔ ni.

EZEKIƐLƐ 34:3

Nɛ nɔ lì bele wa, nɛ nɛ kɛlɛ sala tɛ wa we dɛ do tulu. Nɛ nɛ gbɛ wanɔ kɛ wa do nɔ wena ni, nɛ nɛ nyɔngɔ, nɛ nde nɛ lénggé do wa gɔ.

OZE 4:7

“Aa nɛ, onganganɔ, 'da fala nɛ dɛlɛ dɛ dati, nɛ 'dã mɛnɔ 'da nɛ ma gã ta 'bɔ dɛ dati. Ma kɛ mi kifi sɛ dɔ́lɔ́ li 'da nɛ do sape.

Mike 3:11

Owele wa hã dia mɔ hã Owi 'bili wenɔ, sɛ nɛ wa ĩ ti 'bili dia we hã wa de. Wa hã mbili hã onganganɔ, sɛ nɛ wa be mbula de. Wa hã mbili hã owinɔ kɛ wa gba olo nu Gale ni, sɛ nɛ wa tɔ̃ we mɛnɔ ma dɛ sɛ tɛ̃ ɛ ni de. Nɛ nde mɛ ni, wa 'bã nu wa, nɛ wa tɔ̃ na, NWA Gale do lo boe, nɛ nde lo kpá sɛ 'dã mɔ kpo gɔ.

Mike 3:5

NWA Gale dãlã we dɛ tɛ Owi gba olo nu a, kɛ wa tɔ̃ bɛlɛ do zu li a hã obe Israɛlɛ ni. A na: “Fala kɛ wele hã mbili hã nɛ, nɛ nɛ tɔ̃ hã a na, a kpa sɛ dia dungu. Kɔ fala kɛ a hã̀ mbili hã nɛ gɔ, nɛ nɛ tɔ̃ na, Owele wa bi sɛ a.

MALAKI 1:12

Nɛ nde nɛ, nɛ zɔ ma yala, nɛ nɛ ya fala gbagala 'da mi NWA, nɛ nɛ bà ma do dĩ gɔ. Nɛ kala odɔnggamɔ kɛ ma dè gɔ ni, we a ngɔ ma hã mi.

MATIE 16:23

Nɛ Yezu siki tɛ̃ ɛ, nɛ a tɔ̃ hã Petro na: “Fó tɛ mɔ li mi do'do, Satana! Mɔ fa we fi mi li wala dɛ 'dã mɔ, we kɛ linggamɔ zu mɔ mɛ a linggamɛ 'da Gale gɔ, mɛ a linggamɔ mɔ́ wele iko.”

MATIE 25:41

“Nɛ 'do nɛ, nɛ mi tɔ̃ sɛ hã wanɔ si ngɔ gale kɔ̃ mi ni na: ‘Nɛ fó tɛ nɛ li mi do'do, we kɛ Gale fɔmbɔ nɛ fɔmba! Nɛ lá dɛ li gba nyɛa we kɛ ma bí gɔ, nɛ Gale dɛa zɛ́ ma we Satana, fala nɛ kpo do oanzɛnɔ 'da a ni!

LUKA 12:19

Nɛ mi tɔ̃ sɛ na, mi do mɔ wena, mi kpasa sɛ do ma 'do sabɛlɛ dɛlɛ wena. Kɔ ma wia na, mi dungu iko, nɛ mi nyɔngɔ mɔ, nɛ mi nɔ dɔ̃, nɛ mi dɛ yangga.’

LUKA 16:19

Nɛ Yezu tɔ̃ gba we na: “Mbe wele zi kpo, a a wi kpamɔ, nɛ a he'de zi fai a dia tulu, kɛ gole nɛ gã wena ni. Nɛ tũ kpo kpo, a nyɔngɔ mɔ ɔ nɛ mɛ a 'da fala ɛngga ni.

LUKA 18:4

Nɛ ma la ni gbaa, nɛ nde wi 'bili we kɔ̃̀ we dɛ mɔ kpo gɔ. Nɛ 'do nɛ, nɛ a tɔ̃ do kɔ sila a na: ‘Gɛnɛ kɔ mi dɛ́ kili Gale gɔ, nɛ mi ĩ́ ti wele gɔ,

ROMA 16:18

We duzu kɛ winɔ ni, wa dɛ́ a toe 'da Nwa 'da lɛ Kristo gɔ, nɛ nde wa fa tati a wala kpasi 'da wa wele nɛ iko. Wa ɔlɔ owinɔ do ɛ̃fɛ̃ lɛnggɛ, nɛ wa tɔ̃ ogba du lɛnggɛ we vĩ do zu winɔ kɛ wa ĩ̀ ti mɔ ngboo gɔ ni.

ROMA 6:21

Kɔ mɛ nɛ kpa zi olo 'dã mɛnɔ, kɛ sape olo nɛ ba li nɛ sɔɛ gɛ ni a ge nde? Mɔ olo nɛ a fio iko.

1 KORINTƐ 3:3

we duzu kɛ nɛ 'bana tɛ dɛ mɔ tɛ nɛ ɔ kɛ 'da owinɔ ngɔ nù gɛ ni. Mba gɔ, mɔ̃lã kɛ nɛ mɔ̃lɔ̃, do bɔnɛ nɛ dɛ hã ngba nɛ ni, ma be na, nɛ 'bana dɛ mɔ tɛ nɛ ɔ nɛ owinɔ ngɔ nù gɛ.

1 KORINTƐ 5:2

Nɛ nɛ dɛ 'bɔ gã zu! Nɛ nde ma wia sɔ na, nɛ dɛ 'bako la li ngele, nɛ nɛ ndaka wi dɛ mɔ sape ni sanga nɛ do'do.

1 KORINTƐ 5:6

Fo mɔ kɛ nɛ wia tɛ dɔnggɔ tɛ nɛ we nɛ ni bina. Nɛ ĩ̀ na, be ina hana mapa sĩ iko, ma wia we hana zanga mapa vɛ ni gɔ nde?

2 KORINTƐ 11:12

Nɛ mɛ mi dɛ ni, mi dɛ sɛ ma fai, takɔ ma kpe nu owinɔ kɛ wa dɔnggɔ tɛ wa na, lo dɛ toe ɔ nɛ kɛ lɛ dɛ gɛ ni.

2 KORINTƐ 11:15

Ní a nɛ tɛ ɔ̀ngbɔ̀ do kɛ na, Owi dɛa tonɔ 'da a wa be tɛ wa li winɔ nɛ́ bɔlɔ zu wi dɛa to ni gɔ. Nɛ nde ndɔti wa ma sɔkpɔ sɛ do tɛlɛ tɛ kɛ wa dɛ ma ni.

GALATI 6:13

Gɛnɛ kɔ owinɔ wa nɛa gaza nɛa ni, nɛ nde wa dɛ́ mbulanɔ 'da Oyudanɔ do olo tɛ nɛ vɛ́ gɔ. Nɛ wa kɔ̃a na, nɛ nɛ gaza, takɔ wa dɔnggɔ tɛ wa na, nɛ zila we nu wa, kɔ nɛ nɛa gaza.

FILIPƐ 2:21

Tala winɔ vɛ̃, wa lengge tati a dia mɛ 'da wa wele nɛ iko, wa lénggé do we 'da Yezu Kristo gɔ.

KƆLƆSƐ 3:2

Nɛ lénggé do omɛnɔ li nza i. Nɛ tɛ lènggè do kɛnɔ ngɔ nù gɛ gɔ,

2 TƐSALONIKƐ 1:9

Nɛ etumbui wa kpa sɛ olo 'dã mɛ 'da wa ni, mɛ a gã ngamɔ kɛ fo ndɔti nɛ bina ni. Nwa a ndaka sɛ wa ngɔ li a do'do, nɛ wa zɔ sɛ dɔ̃lɔ̃ li 'da a gɔ.

2 TƐSALONIKƐ 2:12

Na mɛ ni, winɔ kɛ wa bɛa gɛnɛ gbãlã we, nɛ wa kɔ̃a gɛnɛ 'dã mɔ ni, wa te sɛ li ngbangga.

2 TƐSALONIKƐ 2:8

Do 'da fala nɛ ni, nɛ Wi sɛnɛ Gale a be sɛ tɛ a nza. Kɔ fala kɛ Nwa Yezu hɔ, nɛ a gbɛ sɛ a do bũ nu a, nɛ a kumu sɛ a do dɔ̃lɔ̃ li kɛ a tɛ sɛ nɛ ni.

1 TIMOTE 6:5

Nɛ ma dɛ 'bɔ na, kafi le sanga owinɔ kɛ hã zã wa 'danga do'do, nɛ wa ĩ̀ ti gbãlã we gɔ, nɛ wa zɔ ba tɛ wi hã Gale nɛ́ wala fa do kpamɔ ni.

2 TIMOTE 3:4

Wa vũ sɛ to tɛ ngba wa, nɛ wa dɛ sɛ nu we wena. Kɔ sila wa ma dunu sɛ do wali, nɛ wa kɔ̃ sɛ gɛnɛ odia mɛnɔ ngɔ nù gɛ nɛ ngɔ Gale.

ZAKE 4:16

Nɛ nde do li tɔ̃ na mɛ ni, nɛ nɛ dɛ wali, nɛ nɛ dɔnggɔ tɛ nɛ. Ĩ na, dɛ wali na mɛ ni, ma dè gɔ.

2 PETRO 2:1

Zɛ́ dati, Owi gba olo nu Gale do bɛlɛ wa zɛ́ sanga owinɔ 'da Gale boe. Na mɛ ni, ombe wi be we bɛlɛnɔ, wa hɔ sɛ 'bɔ sanga nɛ gɛ, nɛ wa be sɛ we bɛlɛ, kɛ ma wia tɛ 'danga kɔ̃a we 'da winɔ ni hã nɛ. Nɛ wa bɛ̃ sɛ 'bɔ gɛnɛ Nwa Yezu Kristo, kɛ a gɔnɔ zi zu wa ni. Nɛ nde 'da kala sɛ gɔ, nɛ gi'da 'dã mɛ wa dɛ ni, ma te sɛ zu wa wele nɛ.

2 PETRO 2:13

Nɛ tɛ wa ma zɛlɛ sɛ olo ngamɛ wa hã zi hã ogele winɔ ni. Wa dɛ yangga wena we dɛ 'dã mɛnɔ 'da wa do gbo gba wese. Kɔ 'da fala kɛ wa mba li ngba wa fala nɛ kpo do nɛ we nyɔngɔ mɔ, nɛ wa 'danga sako li nɛ, nɛ wa hã sape hã nɛ. Nɛ 'da fala wa ma ngɔ ɔlɔ nɛ na mɛ ni, nɛ ma de tɛ wa wena.

2 PETRO 2:3

Owi 'bili bɛlɛnɔ ni, wa sɛ do wɔ mbili wena, nɛ wa ɔkɔlɔ sɛ nɛ do bɛlɛnɔ 'da wa we kpa mɔ kɔ̃ nɛ. Nɛ nde Gale 'bili zi we 'da wa belee ia, nɛ etumbu 'bɔ 'da wa 'bɔa iko.

YUDA 1:10

Kɔ owinɔ gɛ, wa tɔ̃ 'dã we tɛ omɛnɔ kɛ wa ĩ́ ti gulu nɛ gɔ, nɛ wa dɛ mɛnɔ do ta zu wa iko ɔ nɛ osa'de ni. Kɛ wa dɛ ni, wa 'danga kili tɛ wa wele nɛ.

YUDA 1:16

Winɔ ni wa lungu we, nɛ wa he tɛ wa fai, nɛ wa dɛ tati a 'dã mɛnɔ kɛ zã wa kɔ̃a ni. Wa wele we do wali, nɛ wa tɛmbɛlɛ owinɔ we kpa mɔ kɔ̃ wa.

YUDA 1:4

Mi tɔ̃ we gɛ hã nɛ, we kɛ ombe wele kɛ wa dɔ́nggɔ́ Gale gɔ ni, wa lia sanga nɛ do 'dã hã, nɛ wa kpolo lɛnggɛ dia zã 'da Gale kɛ a bia ma hã lɛ ni. Wa kpolo ma, takɔ wa yolo dɛ ngɔ nɛ we dɛ mɔ sape kɛ zã wa kɔ̃a ni. Nɛ wa bɛa gɛnɛ Yezu Kristo, kɛ a zu a kpo a Wele lɛ, do Nwa 'da lɛ ni. Nɛ nde wa kɔmɔ zɛ́ li wa belee ia na, Gale a fi sɛ wa li ngbangga.

USU MƐNƆ 18:7

Nɛ hã́ zɛlɛ tɛ do 'bako hã a we kɔ̃ do omɔ walinɔ, do dɔ̃lɔ̃ linɔ kɛ a dɔnggɔ zi do tɛ a ni. We kɛ a tɔ̃ zi do kɔ sila a na, ɛ a wuko nwa, ɛ a wi fio wili gɔ, nɛ ɛ dúngú sɛ gɛla fala kpo gɔ.

USU MƐNƆ 19:20

Nɛ wa bi gbaa, nɛ wa ba sa'de ni, nɛ wa ba 'bɔ wi gba olo nu Gale do bɛlɛ, kɛ a dɛ zi gba sɔ̃ mɛnɔ dɛ li sa'de, nɛ ma ɔlɔ winɔ, nɛ wa gɔnɔ zi dã 'da sa'de dati wa, nɛ wa dɔnggɔ hi a ni. Nɛ wa da wa bɔa nɛ do tunu li wa dɛ li gba nyɛa we, kɛ ma nyɛ gile gile ni.

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.

1 SAMUƐLƐ 2:29

Kɔ gulu kɛ dɔnggamɛnɔ mi ba nu mi na, wa tɛ nɛ tɛ fala dɔnggɔ do mi ni, nɛ zɔ ma yala we ge nde? Nɛ gulu kɛ nɛ kala dia nɔ sa'denɔ kɛ owinɔ 'da mi, obe Israɛlɛ, wa tɛ nɛ hã mi ni, nɛ nɛ nyɔngɔ ma takɔ nɛ gã nɛ ni we ge nde? Ma dè gɔ. Nɛ mɔ Heli, gulu kɛ mɔ dɔnggɔ benɔ 'da mɔ nɛa ngɔ mi ni we ge nde?