FILIPƐ 3:18 - WE NU GALE 1995

¹⁸ Mi tɔ̃a zi hã nɛ fala dɛlɛ wena, nɛ sɔɛ gɛ mi tɔ̃ 'bɔ do mili kɔ̃a li mi na, dɛa mɔ tɛ ombe winɔ wena ma 'danga gulu fie 'da Kristo ngɔ finda te.

FILIPƐ 3:18 Cross References

Zumanɔ 119:136

Mi hia, nɛ mili kɔ̃a li mi 'bɔa tɛ mi vɛ̃, we kɛ mi zɔa na owinɔ wa dɛ́ mbula 'da mɔ gɔ.

Ezai 8:11

Ngawi 'da NWA lia kɔ mi, nɛ a tɔ̃ hã mi na, mi tɛ nɛ 'do dɛa mɔ tɛ winɔ gɛ gɔ. A na:

Yeremi 13:17

Fala kɛ nɛ zèlè mbisa we gɛ gɔ, nɛ mi gbɔtɔ sɛ tɛ mi sanga nɛ, nɛ mi la, nɛ mi usu tɛ mi, nɛ mi he kɔ̃a we duzu ngatɛ 'da nɛ. Mili kɔ̃a ma fo sɛ li mi yɛgbɛgbɛ we duzu kɛ wa kala nɛ, owinɔ 'da NWA do ngbá.

Yeremi 9:1

Mi kɔ̃a sɔ na, mi kpa mbe fala usu tɛ wi tɛ li gba zɔ̃ i, sɛ a mi wia we yu owinɔ 'da mi dɛ i mɔ de. We kɛ wa a owi vũ to tɛ wi, do owi bɛ̃ gɛnɛ Gale.

Levitɛnɔ 13:8

Nɛ nganga a zɔ sɛ 'bɔ dani ni mbé nɛ. Kɔ fala kɛ a zɔ na, dani ma yɛ'bɛ tɛ ndala tɛ wi ni, nɛ a tɔ̃ sɛ hã a na, a hɔa wi ndi li Gale, we kɛ mɛ a zɛlɛ ngbɛlɛ.

LUKA 19:41

Yezu kɔla do Yeruzalɛmɛ, kɔ a nɛa we zɔ le, nɛ a ma ngɔ he kɔ̃a tɛ nɛ na:

Owi Nɛ Tonɔ 20:19

Mi dɛa zi toe 'da Nwa Yezu, nɛ mi ba tɛ mi dɛ nù. Nɛ Oyudanɔ wa ba zã zu we dɛ ngɔ mi, nɛ wa hã ngamɔ hã mi, nɛ mi dungu zi do mili kɔ̃a li mi.

ROMA 9:2

Mi do gã 'bako, nɛ sila mi zɛlɛ fai,

1 KORINTƐ 1:18

Owinɔ wa ngɔ wala fio ni, wa zele sako fie 'da Yezu Kristo ngɔ finda te, nɛ ma ɔ zala wa nɛ wila we bɔ ni. Nɛ nde we lɛ winɔ kɛ lɛ ngɔ wala kpasi ni, lɛ zɔ ma ɔ nɛ ngawi 'da Gale ni.

1 KORINTƐ 6:9

Nɛ ĩ de wena na, o'dã winɔ wa lé sɛ kɔ le nwa 'da Gale gɔ. Kɔ nɛ tɛ ɔ̀lɔ̀ tɛ nɛ gɔ. Owi dɛ mɔ sapenɔ, do Owi dɔnggɔ okpikimanɔ, do owi ɔ do wukonɔ tabi wilinɔ 'da ngba wa, do owinɔ kɛ wa ɔ do kpo kpo ngba wa ni, wa lé sɛ kɔ le nwa 'da Gale gɔ.

2 KORINTƐ 11:13

Owinɔ ni, wa a ongbongbo wi nɛ tonɔ 'da Kristo gɔ, wa dɛ toe 'da wa do bɛlɛ, nɛ wa be tɛ wa na, lo a ngbongbo wi nɛ tonɔ 'da Kristo.

2 KORINTƐ 11:29

Fala kɛ wi Kristo kpo mbɔkɔ, nɛ mi mbɔkɔ tɛ mɛ 'bɔ. Tabi wi Kristo te kɔ 'dã mɔ, nɛ mi kpa 'bako wena.

2 KORINTƐ 2:4

Ma kɛ 'da fala mi kɔma zi mbɛti hã nɛ ni, nɛ nde mi zi do 'bako, do mili kɔ̃a li mi, nɛ mi zi do yangga bina. Mi kɔ̀mɔ̀ zi mbɛti ni we hã 'bako hã nɛ gɔ, nɛ nde mi kɔma takɔ nɛ ĩ na, mi kɔ̃ gɛnɛ nɛ wena.

GALATI 1:7

Fo mbé gele Dia Sako bina. Nɛ nde mbe winɔ wa vĩ zu nɛ, nɛ wa fa we 'danga Dia Sakoe 'da Kristo.

GALATI 2:14

Kɔ mi nɛa we zɔ na, wa nɛ̀ 'do gbãlã we Dia Sakoe gɔ ni, nɛ mi tɔ̃a hã Petro dɛ li winɔ vɛ na: “Mɔ a Yuda, nɛ nde mɔ dɛ mɔ tɛ mɔ ɔ nɛ gele wi ni, nɛ mɔ la fala dɛ mɔ nɛ́ be Yuda do'do. Kɔ gulu kɛ mɔ hɛ̃lɛ̃ ogele winɔ na, wa dɛ mbula 'da Oyudanɔ we ge nde?”

GALATI 2:21

Mi kɔ̃̀ na, olo dia zã 'da Gale dɛ 'da mi ɔ iko gɔ. Mba gɔ, fala kɛ wele fa we hɔ wi bɔlɔ zu li Gale do wala dɛ mbula, nɛ nde ki ni ma be na, gulu fie 'da Kristo bina.

GALATI 5:21

'bã mɔ, te bá dɔ̃, dɛ nga'ba, do ogele 'dã mɛnɔ vɛ́ kɛ ma wia kɔ̃ do ma ni. Mi tɔ̃ hã nɛ, ɔ nɛ kɛ mi tɔ̃a zi 'bɔ hã nɛ ni na, owinɔ wa dɛ mɛnɔ ní ni, wa lé sɛ kɔ le nwa 'da Gale gɔ.

GALATI 6:12

Owinɔ kɛ wa hɛ̃lɛ̃ nɛ na, nɛ nɛ gaza ni, wi a owanɔ kɛ wa fa we be tɛ wa nɛ́ bɔlɔ zu wele li owinɔ ni. Wa dɛ ní na, da dɛ kɔ Owele wa zɛ́lɛ́ tɛ wa 'da fala kɛ wa be gulu we fie 'da Yezu ngɔ finda te ni gɔ.

GALATI 6:14

Kɛ 'da mi, mi kɔ̃a we dɔnggɔ tɛ mi tati a do fie 'da Nwa 'da lɛ Yezu Kristo ngɔ finda te. We duzu fie 'da a ngɔ finda te, ma a mɛnɔ ngɔ nù gɛ vɛ ɔ li mi nɛ kɛ ma fi fia ni, nɛ mi ɔ tɛ mɛ 'bɔ li mɛnɔ ngɔ nù gɛ nɛ kɛ mi fi fia ni.

EFƐZƐ 4:17

Ma a mi tɔ̃ hã nɛ, nɛ mi dala nu mi do zu li Nwa na: Nɛ tɛ dɛ̀ mɔ tɛ nɛ ɔ nɛ opaganɔnɔ, kɛ wa ĩ̀ ti Gale gɔ, nɛ wa nɛ 'do yia linggamɛnɔ 'da wa iko ni gɔ.

FILIPƐ 1:4

Nɛ 'da falanɔ vɛ̃ mi sambala Gale we nɛ ni, mi sambala do yangga,

1 TƐSALONIKƐ 4:6

Kɔ ba ngba wi ni, ma wè na wele ɔlɔ ngba ɛ, nɛ a dɛ a 'danga gɔ. Lɛ tɔ̃a zi hã nɛ ia, nɛ lɛ dala nu lɛ hã nɛ na, Nwa Gale a bili sɛ gbã hã winɔ kɛ wa dɛ yɔa ti mɛnɔ ɔ nɛ ki ni ni.

2 TƐSALONIKƐ 3:11

Lɛ tɔ̃ na mɛ ni, we kɛ lɛ zila na, ombe sanga nɛ wa dungu iko, wa kɔ̃̀ we dɛ to gɔ, nɛ wa yɛnggɛ tɛ fĩ nu wa kɔ toe 'da ngba wa iko.

2 PETRO 2:10

Nɛ nde dati ngboo, a hã sɛ gã etumbu hã owinɔ kɛ wa dɛ 'dã mɔ kɛ wɔ zã wa kɔ̃a, nɛ wa bɛ na, Gale a Nwa ngɔ lo gɔ ni. Owi be we bɛlɛnɔ kɛ mi tɔ̃a sɔ we 'da wa hã nɛ ni, wa do kili bina, nɛ zu wa nganda wena. Nɛ wa dɛ́ 'bɔ kili dã Owi dɔ̃lɔ̃ linɔ li nza i ni gɔ.

YUDA 1:13

Wa ɔ nɛ ngele gba lì ni, wa dúngú zirr gɔ, nɛ 'dã mɛnɔ 'da wa ma be tɛ́ ɛ nza ɔ nɛ ngɔnzɔlɔ ndi kɛ fua lì a ma nu kolo lì ni. Wa ɔ́ nɛ osɔla kɛ wa yɔa wala olo wa do'do ni. Gale 'dafa fala kɔ gba tũ hã wa, nɛ wa 'bana sɛ dɛ di ni fai ndɔti nɛ bina.