FILIPƐ 3:17 - WE NU GALE 1995

¹⁷ Onyae, nɛ vɛ̃ nɛ 'bã́ olo kɔ̃ mi. Nɛ kálá li nɛ, hã nɛ zɔ mɛ kɛ winɔ dɛa mɔ tɛ wa wia kɔ̃ do kɛ nɛ zɔa kɔ̃ lɛ ni, wa dɛ ni.

FILIPƐ 3:17 Cross References

Zumanɔ 37:37

Mɔ ká mɔ hã mɔ zɔ dia wi, mɔ sókó wi bɔlɔ zu kɛ a do gɛ̃a sila, wi ni, a ko obe zã a, nɛ wa nɛ ngɔ.

ROMA 16:17

Kɔ onyae, mi aka nɛ na, li nɛ sɔ̃ tɛ owinɔ kɛ wa dɛ na, nɛ, Owi kɔ̃a wenɔ, nɛ gɔnɔ sanga tɛ ngba nɛ, nɛ zu nɛ vĩ, nɛ nɛ tɛ kɔ̃̀ 'bɔ gɛnɛ bia wenɔ kɛ nɛ kɔ̃a zi ma dati ni gɔ ni. Nɛ yú wa do'do!

1 KORINTƐ 10:32

Nɛ dɛ́ mɔ tɛ nɛ do tɛlɛ tɛ kɛ na, nɛ tɛ ɔ̀ nɛ zugbulu te kɔ zu nyanga wele, we duzu be Yuda, tabi gele wi, tabi Eklezia 'da Gale gɔ.

1 KORINTƐ 11:1

Kɔ nɛ 'bã́ olo kɔ̃ mi, ɔ nɛ kɛ mi 'bã do olo kɔ̃ Kristo ni.

1 KORINTƐ 4:16

Kɔ mi tɔ̃ hã nɛ na, nɛ dɛ́ ɔ nɛ kɛ mi dɛ ni.

FILIPƐ 4:9

Nɛ dɛ́ mɛnɔ vɛ̃ kɛ mi bia zi hã nɛ, nɛ nɛ yambala zi kɔ̃ mi, nɛ nɛ zila dɛ nu mi, nɛ nɛ zɔa mi tɛ dɛ nɛ ni. Nɛ Gale, wele gɛ̃a sila sɛ fala nɛ kpo do nɛ.

1 TƐSALONIKƐ 1:6

Nɛ nɛ 'bã zi do kɔ̃ lɛ, do olo kɔ̃ Nwa Yezu. Nɛ gɛnɛ kɔ nɛ zɔ zi ngamɔ wena, nɛ nde nɛ kɔ̃a zi gɛnɛ we 'da Gale do yangga kɛ Hi Wi Santo hã ma hã nɛ ni.

2 TƐSALONIKƐ 3:14

'Da fala kɛ wele kɔ̃̀ we zele mbulanɔ kɛ lɛ kɔma ma kɔ mbɛti gɛ gɔ, nɛ nɛ zɔ́ a do sɔ̃a li, nɛ nɛ lá fala yɛnggɛ do a, takɔ sape ba li a.

2 TƐSALONIKƐ 3:7

Nɛ do tɛ nɛ, nɛ ĩ ti tɛlɛ tɛ kɛ nɛ wia tɛ 'bã do olo kɔ̃ lɛ ni. Mba gɔ, lɛ dùngù zi sanga nɛ ɔ nɛ osulu wi gɔ.

2 TƐSALONIKƐ 3:9

Lɛ wia zi tɛ gɔ mɔ kɔ̃ nɛ gbãlã we, nɛ nde lɛ dè ma gɔ, we kɛ lɛ kɔ̃a zi we be dia wala hã nɛ na, nɛ 'bã olo kɔ̃ lɛ.

1 TIMOTE 4:12

Dɔ li wele gbó do mɔ, we kɛ mɔ 'bana do be zagbãlã iko ni gɔ. Nɛ nde ma wia na, Owi kɔ̃a wenɔ wa nɛ 'do dia wila we nu mɔ, do dia dɛa to tɛ mɔ, do kɔ̃a zã, do kɔ̃a we, do dia mɛnɔ mɔ dɛ li Gale ni.

OHEBRE 13:7

Ta zu nɛ tɛ èlè ngɔ owinɔ wa kpia zi dati nɛ, nɛ wa bia we nu Gale hã nɛ ni gɔ. Nɛ lénggé tɛlɛ tɛ kɛ wa zi nɛ ngɔ nù gɛ, do fie wa fia zi ni, nɛ nɛ ɔ́ do kɔ̃a we dɛ 'da Gale nɛ́ kɛ 'da wa ni.

1 PETRO 5:3

Nɛ nɛ tɛ bà tɛ nɛ ngɔ owinɔ kɛ Gale hã wa hã nɛ ni, ɔ nɛ kɛ nɛ a onwa ni gɔ. Nɛ nde nɛ bé wala hã wa do dia dɛa mɔ tɛ nɛ.