FILIPƐ 3:15 - WE NU GALE 1995

¹⁵ Ma wia na, lɛ winɔ kɛ kɔ̃a we 'da lɛ nganda ia ni, lɛ ɔ do kpo linggamɔ na mɛ ni. Kɔ fala kɛ ombe sanga nɛ, wa lengge si tɛ̃ ɛ nde, nɛ Gale a be sɛ gulu nɛ hã nɛ.

FILIPƐ 3:15 Cross References

Ezai 35:8

Nɛ owinɔ 'da NWA Gale, wa la sɛ wala do di ni. Nɛ wa sa sɛ li wala ni na: “Li wala 'da owinɔ 'da NWA.” 'Dã wi lá sɛ li wala ni gɔ, nɛ yia wi yɛ́nggɛ́ sɛ yali do di ni gɔ.

MATIE 5:48

Ma wia na, dɛa mɔ tɛ nɛ we ngboo, ɔ nɛ kɛ 'da Baa nɛ, kɛ a li nza i ni.

LUKA 11:13

Nɛ a Owi dɛ 'dã mɔ, kɔ nɛ hã dia mɔ hã obenɔ 'da nɛ ni, ní a tɔlɔ wá do Baa nɛ Gale li nza i ni nde? Nɛ aka a we Hi Wi Santo, nɛ a hã sɛ a hã nɛ.”

YOANƐ 6:45

Owi gba olo nu Gale wa kɔma zɛ́ na: ‘Gale a be sɛ we 'da a hã winɔ vɛ̃.’ Kɔ wele kɛ a zele bia we 'da Gale, kɔ a kɔ̃ gɛnɛ nɛ, nɛ a tɛ 'da mi.

YOANƐ 7:17

Kɔ fala kɛ wele dɛ mɛnɔ kɛ zã Gale kɔ̃a ni, sɛ nɛ a ĩ sɛ na, wenɔ mi be gɛ, ma yula 'da Gale, tabi ma yula kɔ mi zu mi kpo ni de.

ROMA 15:1

Lɛ owinɔ kɛ kɔ̃a we 'da lɛ a nga ni, ma wia na, lɛ gala ongba lɛ, wanɔ kɛ kɔ̃a we 'da wa ngàndà gɔ ni. Nɛ lɛ tɛ dɛ̀ mɔ kɛ ma hã yangga hã kili tɛ lɛ wele nɛ iko ni gɔ.

1 KORINTƐ 14:20

Onyae, nɛ tɛ lènggè mɔ ɔ nɛ obe ni gɔ. Ma ɔ do 'dã mɔ, nɛ nɛ dɛ mɔ tɛ nɛ ɔ nɛ obe, kɛ wa tɛ ĩ̀ ti 'dã mɔ gɔ ni. Kɔ nɛ ɔ́ do linggamɔ mɔ́ okpasa wi.

1 KORINTƐ 2:6

Gɛnɛ kɔ na mɛ ni, nɛ nde we mi be ma ni, mɛ a lɛnggɛ hã zã we duzu Owi Kristonɔ kɛ kɔ̃a we 'da wa nganda ia ni. Mɛ a hã zã mɔ́ Owi nù gɔ, nɛ mɛ 'bɔ a kɛ 'da Onwanɔ nù gɛ, kɛ Gale a kumu sɛ wa ni gɔ.

GALATI 5:10

Nɛ nde ɔ nɛ kɛ lɛ mba kpo do Nwa Yezu ni, mi gbini zã mi do nɛ na, linggamɛ 'da nɛ ma we sɛ kɔ̃ do kɛ 'da mi. Nɛ nde wi kɛ a vĩ zu nɛ ni, gɛnɛ kɔ a a wio nde, nɛ Gale a hã sɛ etumbu hã a.

EFƐZƐ 1:17

Mi aka Baa lɛ, Gale 'da Nwa 'da lɛ Yezu Kristo, kɛ a do dɔ̃lɔ̃ li wena ni na, a hũi linggamɛnɔ 'da nɛ, nɛ a be tɛlɛ tɛ̃ a hã nɛ, takɔ nɛ ĩ ti a ngboo.

KƆLƆSƐ 1:28

Ma kɛ, lɛ be we 'da Kristo hã winɔ vɛ̃. Lɛ tɔ̃ mbula, nɛ lɛ be we hã wa do wala hã zãnɔ vɛ̃ kɛ Gale hã ma hã lɛ ni, takɔ lɛ 'dafa winɔ kɛ wa mba kpo do Kristo ni na, kɔ̃a we 'da wa nganda.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

1 TƐSALONIKƐ 4:9

Kɔ ma wè 'bɔ na, lɛ kɔmɔ mbɛti hã nɛ ngɔ kɔ̃ ngba wi sanga nɛ Owi Kristonɔ kɔma gɔ. Mba gɔ, Gale a bia tɛlɛ tɛ kɛ nɛ wia tɛ kɔ̃ do ngba nɛ ni hã nɛ.

2 TIMOTE 3:17

Na mɛ ni, ma gala wi 'da Gale na, a hɔ gbãlã wele ngboo, nɛ a we tɛ dɛ de dɛa mɛnɔ vɛ.

OHEBRE 5:14

Nɛ nde wele gã ia, nɛ a nyɔngɔ nga nyɔngɔmɔ. Nɛ mɛnɔ a dɛ ni, ma sɔ̃ li a na, a ĩ ti gɔnɔ sanga dia mɔ do 'dã mɔ.

1 YOANƐ 2:5

Nɛ wi kɛ a dɛ mbulanɔ 'da Gale dɛa ni, a kɔ̃a gɛnɛ Gale do sila a vɛ́. Nɛ ki ni ma be na, lɛ a owinɔ 'da Gale ngboo.