FILIPƐ 3:14 - WE NU GALE 1995

¹⁴ Ma kɛ mi tɛ yu a nga we hɔ ndɔti yui, takɔ mi kpa de mɛ kɛ Gale sa zi mɔ hã lɛ we nɛ li nza i do wala 'da Yezu Kristo ni.

FILIPƐ 3:14 Cross References

LUKA 16:16

Zɛ́ dati, gbaa we hɔ ngba soe 'da Yoanɛ wi batisa winɔ, mɛ be zi wala hã winɔ a mbula 'da Mɔizɛ, do 'bukunɔ 'da owi gba olo nu Gale. Nɛ yolo do Yoanɛ, nɛ wa ma ngɔ be Dia Sako ngɔ le nwa 'da Gale, nɛ wele do wele dɛ nganda wena na, ɛ le kɔ le ni.

ROMA 11:29

Mba gɔ, Gale hã mɔ hã wele ia, nɛ nde a bá 'bɔ ma kɔ̃ a gɔ. Nɛ a kpóló 'bɔ linggamɛ 'da a ngɔ wanɔ kɛ a sa zɛ́ mɔ hã wa ia ni gɔ.

1 KORINTƐ 9:24

Nɛ ĩ vɛ na, tɛ li fanda dɛa sanɔ, owinɔ kɛ wa dɛ sa yu ni, wa yu vɛ, nɛ nde wi kpa mɔ olo nɛ, wi tati a wele kɛ a la ongba a ni zu a kpo iko. Kɔ we duzu ki ni, nɛ yú nganda we do kɛ na, nɛ kpa mɔ olo yui ni.

2 KORINTƐ 4:17

Obe zɛlɛ tɛnɔ kɛ lɛ kpa ma ngangga gɛ, nɛ ma la dɔ̃ iko ni, ma 'dafa lɛ we kpa gã dɔ̃lɔ̃ li kɛ ma 'bana sɛ fai, nɛ ma nɛa ngɔ zɛlɛ tɛnɔ ni fala dɛlɛ wena ni.

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

KƆLƆSƐ 2:18

Nɛ tɛ lènggè do winɔ kɛ wa a tɛ wa do mɛnɔ wa zɔa li yalɛ, nɛ wa dɛ yangga ba tɛ wa dɛ nù, do dɔnggɔ anzɛnɔ nɛ́ ogale ni gɔ. Nɛ tɛ hã̀ wala hã wa na, wa nɛ ngɔ nɛ gɔ. We kɛ linggamɛnɔ 'da wa mɛ a linggamɔ mɔ́ wele iko, nɛ kɔ sila wa dunu do wali.

1 TƐSALONIKƐ 2:12

Lɛ kpãlã zi sila nɛ, nɛ lɛ hã ngawi hã nɛ, nɛ lɛ hɛ̃lɛ̃ nɛ na, nɛ 'dafa dɛa mɔ tɛ nɛ na, ma de li Gale. Mba gɔ, a sa mɔ hã nɛ na, nɛ kpa dɔ̃lɔ̃ li do a kɔ le nwa 'da a.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

OHEBRE 3:1

Na mɛ ni, onyae wi kɔ̃a wenɔ, kɛ Gale sa zi 'bɔ mɔ hã nɛ ni, nɛ á linggamɛnɔ 'da nɛ dɛ ngɔ Yezu, kɛ Gale tumba a we ɔ gã nwa nganga ngɔ wenɔ lɛ kɔ̃a ma gɛ ni.

OHEBRE 6:1

Gulu nɛ a ma wia na, lɛ la fala be bi lɛnggɛnɔ kɛ lɛ ndua zi be ma ngɔ Kristo ni do'do, kɔ lɛ nɛ dɛ dati, nɛ lɛ yambala wenɔ kɛ ma wia do okpasa nɛ ni. Lɛ tɛ gìlì 'bɔ tɛ lɛ ngɔ bi lɛnggɛnɔ ni gɔ. Lɛ wè 'bɔ tɛ be tɛlɛ tɛ kɛ wele wia we la fala dɛ 'dã mɛnɔ kɛ ma kã a dɛ li fio ni, kɔ a kɔ̃ zu li Gale ni hã nɛ gɔ.

1 PETRO 1:13

We duzu ma, nɛ 'dáfá linggamɛnɔ 'da nɛ we dɛ to hã Gale. Nɛ ɔ́ do sɔ̃a li, nɛ nɛ é sila nɛ ngɔ dia mɛ kɛ nɛ kpa sɛ do ngba soe kɛ Yezu a tɛ sɛ nɛ ni.

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.

2 PETRO 1:3

Wi a Yezu Kristo hã a hũi zi li lɛ we ĩ ti Gale, kɛ a sa zi mɔ hã lɛ na, lɛ le kɔ dɔ̃lɔ̃ li do dia zã 'da a ni. Nɛ ngawi 'da Kristo hã zi dia mɛnɔ kɛ ma gala lɛ we ɔ do kpasi, nɛ ma 'dafa dungi 'da lɛ na, ma de li Gale ni hã lɛ.

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.