FILIPƐ 3:13 - WE NU GALE 1995

¹³ Onyae, mi do linggamɔ na, mi kpa mɔ olo yui 'da mi ia ni bina. Nɛ nde mi fa kpo na, mi tɛ lènggè 'bɔ do mɛnɔ kɛ ma la ia ni gɔ, nɛ mi ba tɛ mi vɛ̃ we kpa kɛ ma 'bana dati mi i ni.

FILIPƐ 3:13 Cross References

Zumanɔ 27:4

Mɛ kɛ mi aka kɔ̃ NWA, mɛ tati a mɔ kpo iko, nɛ mɛ ni, mi do hɛ̃lɛ̃ we kpa ma. Mi kɔ̃a na, 'da fala fai, mi ɔ kɔ Tɛmpɛloe 'da NWA, nɛ mi dɛ yangga dia zã 'da a, nɛ mi yambala linggamɛ 'da a.

Zumanɔ 45:10

Obenɔ 'da ogele nwanɔ, wa sanga owukonɔ 'da mɔ kɛ wa kɔ̃a gɛnɛ mɔ ni. Wuke kɛ mɔ nɛ ba a ni, a 'dafa tɛ̃ a do dia mɔ mbali, nɛ a dungu tɛ ngɔ ngawili kɔ̃ mɔ.

LUKA 10:42

Kɔ mɔ ĩ́ na, mɛ kɛ ma do gã gulu nɛ ni, mɛ a mɔ kpo iko. Nɛ mɛ kɛ Maria saka ni, ma de wena, fo sɛ wi dolo zu nɛ kɔ̃ a bina.”

LUKA 9:62

Nɛ Yezu tɔ̃ hã a na: “Wi kɛ a ndo wa fɔ, kɔ a ka mɔ 'do a fai, nɛ nde a wè wi dɛ to kɔ le nwa 'da Gale gɔ.”

2 KORINTƐ 5:16

We duzu ma, ngangga gɛ, lɛ zɔ́ a kili tɛ wele iko gɔ. Gɛnɛ kɔ lɛ zɔ zi Kristo dati ɔ nɛ wele ni, nɛ nde dɔ̃ ni, lɛ zɔ́ 'bɔ a na mɛ ni gɔ.

FILIPƐ 2:12

Aa oyali ngba mi, 'da fala kɛ mi zi sanga nɛ i mɔ ni, nɛ zele zi nu mi zila fai. Kɔ ngangga ni, gɛnɛ kɔ mi sanga nɛ bina, nɛ nde ma dia fɛ̃ na, nɛ 'bana tɛ zele nu mi na mɛ ni. Gale kpasa nɛ ia, kɔ nɛ yú kili a, nɛ nɛ dɛ́ nganda na, kpasi 'da nɛ ni we vɛ̃.

FILIPƐ 3:12

Mi ĩ na, mi tɛ hɔ̀ ndɔti yui 'da mi gɔ, nɛ dungi 'da mi tɛ wè 'bɔ vɛ̃ gɔ. Nɛ nde mi 'bana tɛ yu dɛ dati, takɔ mi kpa mɔ olo yui ni, we kɛ Yezu Kristo ba mi do wi mɔ́ a ia.

FILIPƐ 3:8

Gbãlã we, mi zɔa na, gele mɛnɔ vɛ̃ kɛ mi zi do ma ni, ma 'bɔ do gulu nɛ we mi bina. We kɛ mi ĩ ti Nwa 'da mi Yezu Kristo ia, nɛ ki ni dia nɛa ngɔ mɔ vɛ̃. We duzu Kristo, ma kɛ mi bɛ̃a gɛnɛ ogele mɛnɔ vɛ̃, nɛ mi zɔ ma li mi nɛ́ wɔkɔsɔ ngɔ zubu ni, takɔ mi nɛ we kpa Yezu Kristo,

OHEBRE 6:1

Gulu nɛ a ma wia na, lɛ la fala be bi lɛnggɛnɔ kɛ lɛ ndua zi be ma ngɔ Kristo ni do'do, kɔ lɛ nɛ dɛ dati, nɛ lɛ yambala wenɔ kɛ ma wia do okpasa nɛ ni. Lɛ tɛ gìlì 'bɔ tɛ lɛ ngɔ bi lɛnggɛnɔ ni gɔ. Lɛ wè 'bɔ tɛ be tɛlɛ tɛ kɛ wele wia we la fala dɛ 'dã mɛnɔ kɛ ma kã a dɛ li fio ni, kɔ a kɔ̃ zu li Gale ni hã nɛ gɔ.

2 PETRO 3:8

Nɛ nde nɛ, oyali ngba mi, mɛ kɛ ma wè na ta zu nɛ ele ngɔ ma gɔ ni, ma kɛ: Nwa zɔ tũ kpo ɔ nɛ sabɛlɛ koto kpo ni, nɛ a zɔ sabɛlɛ koto kpo ɔ nɛ tũ kpo ni.