FILIPƐ 3:11 - WE NU GALE 1995

¹¹ Nɛ mi e sila mi ngɔ Gale na, a kɔ̃, nɛ a tunu mi kɔ fio.

FILIPƐ 3:11 Cross References

Zumanɔ 49:7

Owinɔ ni wa gbini zã wa do kpamɛnɔ 'da wa, nɛ wa dɔnggɔ tɛ wa do ma.

LUKA 14:14

Nɛ mɔ sɛ do yangga, we kɛ wa wé sɛ tɛ gese olo nɛ hã mɔ gɔ. Nɛ nde wi nɛ gese sɛ olo nɛ hã mɔ, wi a Gale, do 'da fala a tunu sɛ owi bɔlɔ zunɔ kɔ fio ni.”

YOANƐ 11:24

Nɛ Marta gese na: “Mi ĩ na, a za'da sɛ nza do ngba soe ofionɔ wa za'da sɛ nɛ do ndɔti nùi ni.”

Owi Nɛ Tonɔ 23:6

Polo ĩ zi na, Owi 'bili wenɔ wa gɔnɔ sanga tɛ ngba wa bɔa. Ombe nɛ wa a Osadisiɛ, nɛ ombe a Ofariziɛ. Ma kɛ a hia mɔ dɛ sanga wa ni na: “Onyae, nɛ zɔ́ mi gɛ a Fariziɛ̃, nɛ obaa mi wa zi a Ofariziɛ. Ma kɛ wa kũ we dɛ tɛ mi, we kɛ mi gbini zã mi do Gale na, a tunu sɛ ofionɔ kɔ fio ni!”

Owi Nɛ Tonɔ 26:7

Nɛ mɛ a kpo kpo mbuli kɛ nu kpala lɛ 'bu ngɔ wa bɔa ni, wa ia sila wa ngɔ nɛ na, Gale a dɛ sɛ ma kpa li wa ni. Nɛ wa tɛ dɔnggɔ a we nɛ tũ do gba wese. Kɔ aa nwa, we kɛ mi tɛ e sila mi ngɔ wenɔ ni, ma kɛ Oyudanɔ wa da mi gɛ.

Owi Nɛ Tonɔ 27:12

Nɛ le nu lì ni ma dè zi 'bɔ we ɔ tɛ nɛ do zɔlɔ gɛɛ gɔ. Ma kɛ mbe winɔ wena, wa kɔ̃a zi na, lo yamba we nɛ dɛ kɔ le Feniksi, nɛ lo ɔ di ni we 'bɔ na zɔlɔ gɛɛ e. Feniksi zi a le nu kolo, tɛ ngolo lì Krɛtɛ kɛ mɔ yolo si ba gɔtɔ, tabi si gbãlã ngɔ, nɛ mɔ zɔ ma iko.

ROMA 11:14

Mi kɔ̃a na, toe 'da mi ma fi bɔnɛ kɔ sila onya mi Yudanɔ, nɛ ma kpasa ombe sanga wa ni.

1 KORINTƐ 15:23

Nɛ nde wele do wele a tunu sɛ do ngba soe 'da a. Kristo a kuti wi kɛ a tunu zi ni, nɛ dɛ 'do a, owinɔ 'da a wa tunu sɛ do ngba soe a tɛ sɛ nɛ ni.

1 KORINTƐ 9:22

Kɔ fala kɛ mi hɔ sanga owinɔ kɛ kɔ̃a we 'da wa tɛ gã̀ gɔ ni, nɛ mi dɛ mɔ tɛ mi ɔ nɛ mi a wi bi kɔ̃a we ni, takɔ mi kpa wa hã Kristo. Na mɛ ni, mi ba dɛa to tɛ winɔ vɛ, nɛ mi dɛ do wala vɛ we kpasa ombe sanga wa.

1 KORINTƐ 9:27

Kɔ mi hã ngamɔ hã kili tɛ mi, takɔ ma ɔ nɛ kɛ mi kɔ̃a ni, dɔ do 'do, nɛ Gale bé gɛnɛ mi olo kɛ mi bia we nu a hã owinɔ ni gɔ.

2 KORINTƐ 11:3

Nɛ mi do kili na, da dɛ kɔ hã zã 'da nɛ 'dángá, ɔ nɛ kɛ gɔ̃ɛ dɛa zɛ́ 'dã hã zã, nɛ a 'danga do hã zã 'da Eva ni gɔ, dɔ nɛ lá fala gã kɔ̃a zã 'da nɛ dɛ 'da Kristo gɔ.

1 TƐSALONIKƐ 3:5

Gulu nɛ a mi wè tɛ kunu sila mi gɔ, nɛ mi tumba Timote we zɔ na, kɔ̃a we 'da nɛ ɔ tabi nɛ nde? We kɛ mi dɛ kili na, da dɛ kɔ Satana ɔ́lɔ́ nɛ, kɔ do toe 'da lɛ ɔ yala iko gɔ.

2 TƐSALONIKƐ 2:3

Da dɛ kɔ wele ɔlɔ nɛ do gele we gɔ. Mba gɔ, dati kɛ na kɔ̃ tũi ni ma we, nɛ Owele wena wa bé sɛ gɛnɛ Gale, nɛ Wi 'danga mbula 'da Gale a be sɛ tɛ a nza. A a wi kɛ Gale a gbɛ sɛ a do ndɔti nɛ.

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

OHEBRE 11:35

Nɛ we duzu kɔ̃a we 'da mbe wi fio wilinɔ, ma kɛ Gale tunu zɛ́ wili wa kɔ fio, nɛ a gisa wa hã wa ni. Nɛ ombe kɔ wa ni, wa saka zɛ́ na, Owele wa hã zɛlɛ tɛ hã lo, nɛ wa gbɛ lo. Wa bɛa zɛ́ na, wa tɛ dà kɔ̃ wa tɛ lo, hã lo kpasa gɔ. Mba gɔ, wa ia zɛ́ sila wa ngɔ Gale na, a tunu sɛ lo kɔ fio, nɛ a hã sɛ kpasi kɛ ma dia nɛa ngɔ mɛnɔ vɛ̃ ni hã lo.

USU MƐNƆ 20:5

Kuti kɛ na winɔ wa tunu kɔ fio a ni. (Nɛ nde tala fionɔ, wa wè zi tɛ tunu nɛ gɔ, gbaa na sabɛlɛ kote kpo ni ma e sɛ nɛ de.)