FILIPƐ 2:9 - WE NU GALE 1995

⁹ Ma kɛ Gale ba a dɛ ngɔ, nɛ a hã dɔ̃lɔ̃ li hã a la li ngele. A ia li zu a, nɛ li ni nɛa ngɔ linɔ vɛ̃.

FILIPƐ 2:9 Cross References

Ndo Nyanga Dɛ Mɔ 3:15

Mi fi sɛ sɛnɛmɔ sanga mɔ do wuko, sanga obe zã mɔ do obe zã a, nɛ obe zã a wa ma sɛ zu mɔ, nɛ mɔ nyɔngɔ sɛ tɛ mɛ 'bɔ timili nyanga wa.”

Zumanɔ 110:1

Zuma 'da Davidi NWA Gale tɔ̃a hã nwa ngɔ nùi 'da lɛ na: “Mɔ tɛ́ hã mɔ dungu tɛ ngɔ ngawili kɔ̃ mi, kɔ mi a Owi sɛnɛ mɔ nu, kɔ mɔ ma wa ti tambala nyanga mɔ.”

Zumanɔ 110:5

NWA Gale do mɔ boe. Do ngba soe 'bili ngbangga 'da onu kɔnggɔnɔ, nɛ zã a ma nɔ̃lɔ̃ sɛ dɛ tɛ ogã winɔ, nɛ a gbɛ sɛ wa, nɛ a da wɔlɔ wa, nɛ ma dunu kɔ gbangɔlɔ̃nɔ.

Zumanɔ 89:27

A tɔ̃ sɛ hã mi na: ‘Mɔ a Baa mi, nɛ mɔ a Gale 'da mi, nɛ mɔ a wi kpasa mi.’

Zumanɔ 91:14

Gale na: “Mi kpasa sɛ a, we kɛ a nda'ba tɛ̃ a do mi, mi zɔ sɛ mɔ tɛ̃ a, we kɛ a ĩ ti mi de wena.

Ezai 52:13

NWA tɔ̃a na: “Wi dɛa toe 'da mi a kpa sɛ de mɔ wena olo toe 'da a, nɛ a sɛ do gã dɔ̃lɔ̃ li.

Ezai 53:12

Nɛ mi e sɛ a fala dɔ̃lɔ̃ li, a sɛ a sanga onga winɔ. Mba gɔ, a hã tɛ̃ a hã fio, nɛ wa fi a sanga Owi dɛ 'dã mɛnɔ. A kpa ngamɔ olo 'dã mɛ 'da owinɔ, nɛ a 'dafa we ngɔ owi dɛ 'dã mɛnɔ.”

Ezai 9:7

NWA gɔnɔ we 'da Owi ngɔ nù Israɛlɛ, a fi obe zã Yakɔbɔ li ngbangga.

DANIƐLƐ 7:14

Wa hã ngawi do dɔ̃lɔ̃ li hã a, nɛ wa ia a do nwa, takɔ onu kɔnggɔnɔ vɛ̃, do nu fɛlɛ kulanɔ vɛ̃, do lɛnggɛnɔ vɛ̃, wa dɛ to hã a. To nwa 'da a, ma ɔ sɛ fai, ma sɛ do ndɔti nɛ bina. Nɛ le nwa 'da a, ma 'dángá sɛ gɔ.

MATIE 11:27

“Baa mi ia mɛnɔ vɛ̃ dɛ tambala kɔ̃ mi. Nɛ wele wè tɛ ĩ ti mi Be 'da a gɔ. Wi ĩ ti mi, wi a Baa mi. Nɛ wele ĩ̀ ti Baa mi gɔ. Wi ĩ ti a, wi tati a mi Be 'da a, do owinɔ kɛ mi kɔ̃a we be Baa mi hã wa ni.

MATIE 28:18

Nɛ Yezu tili dɛ 'da wa, nɛ a tɔ̃ hã wa na: “Gale hã ngawi ngɔ mɛnɔ li nza i, do kɛnɔ nù gɛ vɛ̃ hã mi.

LUKA 10:22

“Baa mi ia mɛnɔ vɛ̃ dɛ tambala kɔ̃ mi. Nɛ wele wè tɛ ĩ ti mi Be 'da a gɔ. Wi ĩ ti mi, wi a Baa mi. Nɛ wele ĩ̀ ti Baa mi gɔ. Wi ĩ ti a, wi tati a mi Be 'da a, do owinɔ kɛ mi kɔ̃a we be Baa mi hã wa ni.”

YOANƐ 13:3

Nɛ Yezu ĩ zi na, ɛ yula 'da Gale, nɛ ɛ kpolo sɛ 'bɔ tɛ̃ ɛ dɛ 'da Gale. Nɛ a ĩ 'bɔ na, Gale a zi mɛnɔ vɛ̃ dɛ kɔ̃ ɛ ni.

YOANƐ 17:11

Mi sɛ 'bɔ mbé nɛ ngɔ nù gɛ bina, mi nɛ si dɛ 'da mɔ i, nɛ nde wa 'bana sɛ ngɔ nù gɛ. Kɔ Baa mi, mɔ a santo, ma wia na, mɔ fɔmɔ wa do ngawi 'da mɔ. Mɛ a ngawi kɛ mɔ hã zi ma hã mi ni. Mɔ fɔ́mɔ́ wa, takɔ wa ɔ wele kpo, ɔ nɛ kɛ lɛ do mɔ, lɛ kpo ni.

YOANƐ 17:12

'Da fala zi mi fala nɛ kpo do wa ni, mi fɔmɔ zi wa do ngawi 'da mɔ, kɛ mɔ hã zi ma hã mi ni. Mi fɔmɔ zi wa de wena, nɛ wele kpo yɔ̀ zi gɔ, tati a wele kɛ wa kɔma zɛ́ kɔ 'Buki na, a yɔ sɛ ni iko. Ma la ní, takɔ we wa kɔma kɔ 'Buki ni dɛ tɛ̃ ɛ.

YOANƐ 17:5

Kɔ ngangga ni, Baa mi, mɔ bá mi dɛ 'da mɔ i, nɛ mɔ hã 'bɔ dɔ̃lɔ̃ li hã mi, ɔ nɛ kɛ mi zɛ́ do ma dati kɛ na, mɔ dɛ nùi gɛ ni.

Owi Nɛ Tonɔ 5:31

Nɛ a dungu ngɔ ngawili kɔ̃ Gale. Nɛ Gale ia a do nwa, do wi kpasa wi, takɔ ma hã wala hã obe Israɛlɛ na, wa kifi sila wa, hã Gale fo 'dã mɛnɔ zu wa.

EFƐZƐ 1:10

Kɔ fala kɛ tũ nɛ ma we, nɛ a ngɛmɛ sɛ mɛnɔ li nza i, do kɛnɔ nù nga gɛ vɛ́ dɛ kɔ̃ Nwa kpo, wi a Kristo.

KƆLƆSƐ 1:18

A a zu Eklezia, nɛ Eklezia a kili tɛ̃ a. Nɛ a a ndua nyanga kpasi 'da Eklezia. A a kuti be, nɛ a 'bɔ a kuti wi kɛ Gale tunu a sanga ofionɔ, takɔ a dungu nwa ngɔ owinɔ do mɛnɔ vɛ̃.

2 TƐSALONIKƐ 1:12

Na mɛ ni, nɛ Nwa 'da lɛ Yezu a kpa sɛ dɔ̃lɔ̃ li kɔ̃ nɛ, nɛ a dɔnggɔ sɛ tɛ mɛ 'bɔ nɛ. Ma dɛ sɛ ní, we duzu dia zã 'da Gale 'da lɛ, do Nwa 'da lɛ Yezu Kristo.

OHEBRE 1:4

Be ni gã nɛa ngɔ anzɛnɔ vɛ, ma kɛ Gale sa li a na Be 'dɛ ɛ. Nɛ li ni dia nɛa ngɔ kɛ 'da anzɛnɔ vɛ.

OHEBRE 1:9

Mɔ kɔ̃a gɛnɛ mɔ kɛ ma a bɔlɔ, nɛ mɔ bɛa gɛnɛ 'dã mɔ. We duzu ma, ma kɛ mi Gale 'da mɔ, mi saka mɔ sanga ongba mɔ, nɛ mi hã yangga hã mɔ la li ngele.”

OHEBRE 12:2

Nɛ lɛ ká mɔ kpo dɛ tɛ Yezu, kɛ kɔ̃a we 'da lɛ yolo kɔ a ni, nɛ a kã sɛ 'bɔ lɛ gbaa we hɔ ndɔti nɛ. 'Da fala wa nɛa zi we gbɛ a ngɔ finda te ni, nɛ a kunu sila a, nɛ a lènggè do fio sape ni gɔ, we duzu kɛ a zɔa yangga kɛ ma 'bɔ 'da a ni. Nɛ ngangga gɛ, a dungu kɛ zã kpongbo nwa 'da Gale, si ngɔ ngawili kɔ̃.

OHEBRE 2:9

Kɔ lɛ zɔa na mɛ gɛ: Gale ia zi Yezu do ti anzɛnɔ 'do be ngba soe sĩ, takɔ a fe we winɔ vɛ. Gale dɛa ni we dia zã 'da a dɛ 'da lɛ. Nɛ ngangga ni, Gale hã dɔ̃lɔ̃ li hã a, nɛ a ia a do nwa we fie a fia ni.

1 PETRO 3:22

nɛ a si dɛ li nza i, nɛ a dungu tɛ ngawili kɔ̃ Gale. I mɔ ni, a dungu nwa ngɔ anzɛnɔ, do ogã winɔ do ohi winɔ vɛ kɛ wa do ngawi ni.

2 PETRO 1:17

'Da fala Gale Baa hã zi dɔ̃lɔ̃ li do dɔngga wi hã a ni, nɛ nde lɛ zi boe. Lɛ zila zi wala gɛlɛ a, ma yula kɔ gã yele ngbala 'da a li nza i, tɛ tɔ̃ na: “Wele kɛ gɛ a Be 'da mi ngɔ sila mi, mi do yangga wena we a.”

3 YOANƐ 1:7

Mba gɔ, wa nɛ gɛnɛnɔ ni do zu li Yezu Kristo, nɛ wa kɔ̃̀ we kpa mɔ kɔ̃ paganɔnɔ gɔ.

USU MƐNƆ 1:5

Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 19:16

Wa kɔma li a tɛ gba tuli 'da a do tɛ ku a na: “Nwa ngɔ Onwanɔ, kɛ to nwa 'da a nɛa ngɔ to nwanɔ vɛ ni.”

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.

USU MƐNƆ 5:12

tɛ ga zuma nganda wena na: “Be Bata kɛ wa gbɛa zi a ni, a wia do nwa, nɛ a do kpamɔ, do hã zã, do ngawi. E kɔ a kpa dɔ̃lɔ̃ li, do dɔngga wi, nɛ wa tɔ̃ de sako li a.”