FILIPƐ 2:8 - WE NU GALE 1995

⁸ A ba tɛ a dɛ nù, nɛ a zila nu Gale gbaa ndɔti nɛ a fio, nɛ a fia ngɔ finda te.

FILIPƐ 2:8 Cross References

Zumanɔ 22:16

Kɔ gɛlɛ mi kula kparr, nɛ lɛfɛ mi nãlã dɛ kɔ langgala mi. Mɔ la mi na, mi fe, hã mi le ti nù.

GBA WENƆ 15:33

Dɛ kili NWA Gale, mɛ a wala kpa hã zã. Nɛ dati kɛ na mɔ kpa dɔ̃lɔ̃ li ni, ma wia na, mɔ ba tɛ mɔ dɛ nù.

MATIE 17:2

Wa hɔa i mɔ, nɛ tɛ Yezu kifi dɛ li wa. Nɛ bula li a ma ngɔ to ɔ nɛ wese ni, nɛ tulu tɛ̃ a ndele kpala kpala kpala.

MATIE 26:39

Nɛ a nɛ la dɛ dati bi sĩ, nɛ a te nù, nɛ a ma ngɔ sambala Gale na: “Baa mi, fala kɛ ma we, nɛ mɔ fó ngamɛ kɛ ma nɛ kpa mi gɛ do'do. Nɛ nde mɔ tɛ dɛ̀ ɔ nɛ kɛ mi kɔ̃a ni gɔ, mɔ dɛ́ ɔ nɛ kɛ mɔ kɔ̃a ni.”

MATIE 26:42

Nɛ Yezu la 'bɔ, nɛ a sambala Baa a na: “Baa mi, fala kɛ mɔ kɔ̃̀ we fo ngba soe ngamɛ gɛ dati mi gɔ, kɔ mɔ kɔ̃ na mi kpa ma nde, nɛ e kɔ ma dɛ tɛ̃ ɛ ɔ nɛ kɛ zã mɔ kɔ̃a ni!”

LUKA 9:29

Kɔ a ma ngɔ sambala nɛ, nɛ bula li a kifi, nɛ tulu tɛ̃ a fɛnga nde nde nde.

YOANƐ 10:18

Wele wé sɛ we gbɛ mi gɔ, nɛ nde mi wele nɛ mi 'dɔlɔ sɛ kili tɛ mi. Mi do ngawi we 'dɔlɔ ma, nɛ mi 'bɔ do ngawi we kpa ma mbé nɛ. We duzu kɛ Baa mi ba nu a hã mi na, mi dɛ ɔ na mɛ ni.”

YOANƐ 14:31

Nɛ ma wia na, winɔ nù gɛ wa ĩ na, mi kɔ̃a gɛnɛ Baa mi, nɛ mi dɛ olo nu a. Kɔ nɛ kúlú ngɔ, hã lɛ lá dɛ gele fala!

YOANƐ 15:10

Fala kɛ nɛ dɛ mbula 'da mi, nɛ mi kɔ̃ sɛ gɛnɛ nɛ fai, ɔ nɛ kɛ mi dɛ mbulanɔ 'da Baa mi, nɛ a 'bana tɛ kɔ̃ gɛnɛ mi fai ni.

YOANƐ 4:34

Nɛ Yezu tɔ̃ hã wa na: “Nyɔngɔmɛ 'da mi kɛ mi tɔ̃ nɛ ni, mɛ a kɛ na mi zele nu Wi tombo mi, nɛ mi dɛ toe kɛ a hã ma hã mi ni gbaa we hɔ ndɔti nɛ.”

Owi Nɛ Tonɔ 8:33

Wa hã zi sape hã a, nɛ wa 'bìlì we 'da a do bɔlɔ nɛ gɔ. Wi nɛ anga sɛ li a dɛ nza, takɔ wa tɔ̃ lɛnggɛ 'da a a wio nde? Mba gɔ, wa gbɛa a ngɔ nùi gɛ ia.”

ROMA 5:19

Nɛ ɔ nɛ kɛ ogili winɔ wa hɔa o'dã wi we duzu Adamu zu a kpo, kɛ a bɛ̃a we nu Gale ni, na mɛ ni, ogili winɔ wa hɔa Owi bɔlɔ zu li Gale, we duzu Yezu Kristo kɛ a zila we nu Gale ni.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

GALATI 3:13

Kristo kpa fɔmba we duzu lɛ. Na mɛ ni, a gɔna zi zu lɛ kɔ fɔmba kɛ lɛ nɛ kpa sɔ ma, we kɛ lɛ zɔla dɛ mbula ni. Mba gɔ, wa kɔma kɔ 'Buki 'da Gale na: “Wi kɛ wa gãlã a nu te ni, fɔmba 'da Gale tia ngɔ a.”

Mbulanɔ 21:23

nɛ ma wè na, wɔlɛ ni ɔ dɛ nu te ni gbaa tũ gɔ. Ma wia na, nɛ mi ma do ngba soe ni. We kɛ le kɛ owi kɔ nɛ wa gãlã wɔlɔ wele nu te gbaa we hɔ tũ ni, nɛ NWA fɔmbɔ ma fɔmba. Nɛ mí wɔlɔ wi ni. Na mɛ ni, nɛ nɛ fáká sɛ le kɛ NWA Gale 'da nɛ, a nɛ hã ma hã nɛ ni gɔ.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 12:2

Nɛ lɛ ká mɔ kpo dɛ tɛ Yezu, kɛ kɔ̃a we 'da lɛ yolo kɔ a ni, nɛ a kã sɛ 'bɔ lɛ gbaa we hɔ ndɔti nɛ. 'Da fala wa nɛa zi we gbɛ a ngɔ finda te ni, nɛ a kunu sila a, nɛ a lènggè do fio sape ni gɔ, we duzu kɛ a zɔa yangga kɛ ma 'bɔ 'da a ni. Nɛ ngangga gɛ, a dungu kɛ zã kpongbo nwa 'da Gale, si ngɔ ngawili kɔ̃.

OHEBRE 12:4

Mba gɔ, nɛ tɛ bi bolo do 'dã mɛnɔ, nɛ nde nɛ tɛ kpà fio li bole ni gɔ.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.