FILIPƐ 2:7 - WE NU GALE 1995

⁷ A la dɔ̃lɔ̃ li 'da a, nɛ a hɔa wi dɛa to. A hɔa wele, nɛ wa zɔa kili tɛ̃ a.

FILIPƐ 2:7 Cross References

Zumanɔ 22:6

Wa zɛa zi nu wa hã mɔ, nɛ mɔ fua wa kɔ ngamɔ. Wa gbini zi zã wa do mɔ, nɛ mɔ bɛ̃̀ gɛnɛ wa gɔ.

Ezai 42:1

NWA tɔ́a na: “Nɛ zɔ́ wi dɛa toe 'da mi, mi saka a, nɛ mi hã ngawi hã a. Mi dɛ yangga we duzu a. Hi Wi 'da mi lia kɔ a na, a e bɔlɔ zu dɛa mɔ ngɔ nù gɛ.

Ezai 49:3

A tɔ̃a hã mi na: ‘Aa mɔ, Israɛlɛ, mɔ a wi dɛa toe 'da mi, Mba gɔ, ogele winɔ wa zɔ sɛ mɛnɔ kɛ mɔ dɛ ma ni, nɛ wa dɔnggɔ dɔ̃lɔ̃ li 'da mi.’ ”

Ezai 53:11

Wi dɛa toe 'da mi a kpa sɛ yangga olo ngamɛ kɛ a kpa zi ma ni. A ĩ sɛ na, a kpà zi zɛlɛ tɛ yala iko gɔ. Wi dɛa toe 'da mi ĩ ti mi, a a wi bɔlɔ zu, nɛ a kifi gba dɔa winɔ na, wa hɔ wi bɔlɔ zu, we kɛ a ba ku'da 'dã mɛ 'da wa dɛ zu a.

DANIƐLƐ 9:26

Nɛ do Sɔkpɔ kɔ̃ tũnɔ ni, nɛ wa gbɛ sɛ wi kɛ Gale saka a ni, nɛ fo sɛ wi amba zu a bina. 'Do nɛ, nɛ mbé gã wi a hɔ sɛ do osodanɔ 'da a, nɛ a 'danga sɛ le Yeruzalɛmɛ, do tɔa Tɛmpɛloe. Nɛ nde zã Gale ma nɔ̃lɔ̃ sɛ, nɛ a bi sɛ gã wi ni, nɛ a gbɛ a. Nɛ nde dati kɛ na gã wi ni fe ni, nɛ bolo ma te sɛ kɔ le ni, nɛ ma 'danga sɛ wena, ɔ nɛ kɛ Gale 'bili ni.

ZAKARIA 3:8

“Kɔ aa mɔ Yozue, gã nwa nganga, mɔ zélé! Nɛ nɛ, ongba a nganganɔ, nɛ zélé! Nɛ ɔ dɛ nɛ bia mɔ si ngɔ dia dungu kɛ ma tɛ sɛ 'do gɛ ni. Mi nɛ sa mɔ hã wi toe 'da mi kɛ li a a Kpalawele ni na, a tɛ.

ZAKARIA 9:9

Aa nɛ, owi Yeruzalɛmɛ, nɛ dɛ́ yangga, nɛ nɛ zɛ́ kaliã. Nɛ zɔ́ nwa 'da nɛ, a tɛ tɛ nɛ. A a wi bɔlɔ zu, nɛ a nɛa ngɔ owi sɛnɛ a li bolo. Nɛ nde a ba tɛ̃ a dɛ nù, nɛ a kũ ngɔ be punda.

MATIE 12:18

“Nɛ zɔ́ wi dɛa toe 'da mi kɛ mi saka ni, a kɛ! Mi kɔ̃ gɛnɛ a wena, nɛ mi dɛ 'bɔ yangga we duzu a. Mi tombo sɛ hi wi 'da mi dɛ kɔ a, nɛ a tɔ̃ sɛ hã owinɔ vɛ̃ na, mi nɛ dɛ bɔlɔ zu dɛa mɔ hã wa.

MATIE 20:28

We duzu kɛ mi Be 'da Wele, mi tɛ̀ na Owele wa dɛ to hã mi gɔ, nɛ nde mi tɛa we dɛ to hã Owele, nɛ mi hã 'bɔ tɛ mi hã fio, takɔ mi gɔnɔ zu ogba gili wele.”

MARKO 9:12

Nɛ Yezu gese hã wa na: “Mɛ a gbãlã we na, Elia a tɛ sɛ dati we 'dafa mɛnɔ vɛ̃. Kɔ gulu kɛ wa kɔma 'bɔ kɔ 'Buki 'da Gale na, Be 'da Wele a kpa sɛ zɛlɛ tɛ wena, nɛ wa dɛ sɛ a do yia dɛa mɔ wena ni we ge nde?

LUKA 22:27

Nɛ lénggé na, wi nɛa ngɔ ngbɛ ɛ a wio nde? Wi a wi kɛ a dungu nù nu nyɔngɔmɔ ni, tabi wi a wele kɛ a yolo dɛ ngɔ, we hã nyɔngɔmɔ hã wele kɛ a dungu nù ni nde? Wi a wele kɛ a nyɔngɔ mɛ ni gɔ nde? Kɔ we mi, mi ɔ sanga nɛ gɛ nɛ wi kɛ a dɛ to hã ngba a ni!

YOANƐ 1:14

We nu Gale hɔa wele, nɛ a ɔa sanga lɛ, nɛ lɛ zɔa dɔ̃lɔ̃ li 'da a. Mɛ a dɔ̃lɔ̃ li kɛ Baa a Gale hã hã a, kɛ a a kpo Be 'da a ni. Be ni do dia zã wena, nɛ a tɔ̃ zi gbãlã we ngɔ Baa a.

ROMA 1:3

Sakoe ni ma tɔ̃ gulu we 'da e 'da a Yezu Kristo, kɛ a a Nwa 'da lɛ ni. A a wele, nɛ wa kua a dɛ kɔ nu fɛlɛ kula 'da nwa Davidi.

ROMA 15:3

Mba gɔ, Kristo fà zi we hã yangga hã kili tɛ a wele nɛ gɔ, nɛ nde ma ɔ nɛ kɛ wa kɔma kɔ 'Buki 'da Gale na: “Dɛlanɔ kɛ winɔ wa dã do mɔ ni, ma si vɛ dɛ ngɔ mi” ni.

ROMA 15:8

Mba gɔ, mi tɔ̃ hã nɛ do gbãlã we na, Yezu hɔa zi wi dɛa toe 'da Oyudanɔ, nɛ a dɛa mɛnɔ vɛ kɛ Gale kpua zi mbulu nɛ hã oyaa lɛ ni. Na mɛ ni, a bia na, Gale kpóló nu ɛ gɔ.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

2 KORINTƐ 13:4

Gbãlã we, wa bɛlɛ zi a ngɔ finda te, we kɛ a a wele, a mbɔ mbɔka. Kɔ ngangga ni, a do kpasi we duzu ngawi 'da Gale. Nɛ lɛ mbɔkɔ tɛ 'bɔ mbɔka, we kɛ lɛ a wele ɔ nɛ a ni. Nɛ nde lɛ be sɛ hã nɛ na, lɛ do kpasi fala nɛ kpo do a, we duzu ngawi 'da Gale.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

GALATI 4:4

Nɛ nde 'da fala ngba soe nɛ wia zi ni, nɛ Gale tumba Be 'da a ngɔ nù gɛ. Wuko kua a, nɛ a zi ti mbula 'da Oyudanɔ.

FILIPƐ 2:6

Gɛnɛ kɔ a a kpo tɛlɛ tɛ Gale, nɛ nde a bà zi tɛ̃ a na, ɛ wɛlɛ we we kɔ̃ do Gale gɔ.

OHEBRE 12:2

Nɛ lɛ ká mɔ kpo dɛ tɛ Yezu, kɛ kɔ̃a we 'da lɛ yolo kɔ a ni, nɛ a kã sɛ 'bɔ lɛ gbaa we hɔ ndɔti nɛ. 'Da fala wa nɛa zi we gbɛ a ngɔ finda te ni, nɛ a kunu sila a, nɛ a lènggè do fio sape ni gɔ, we duzu kɛ a zɔa yangga kɛ ma 'bɔ 'da a ni. Nɛ ngangga gɛ, a dungu kɛ zã kpongbo nwa 'da Gale, si ngɔ ngawili kɔ̃.

OHEBRE 13:3

Nɛ lénggé do owi bɔlɔkɔnɔ, ɔ nɛ kɛ nɛ do wa kɔ bɔlɔkɛ fala nɛ kpo ni. Nɛ nɛ lénggé do wanɔ kɛ owele wa zɛlɛ tɛ wa ni, ɔ nɛ kɛ nɛ kpa zɛlɛ tɛ do wa fala nɛ kpo ni.

OHEBRE 4:15

A a gã nwa nganga, nɛ a wia we dɛ 'bako do lɛ 'da fala kɛ lɛ mbɔkɔ ni, we kɛ Satana ɔlɔ zi a do walanɔ kpi do kpi, ɔ nɛ kɛ a ɔlɔ do lɛ ni, nɛ nde Yezu tè kɔ 'dã mɔ gɔ.