FILIPƐ 2:6 - WE NU GALE 1995

⁶ Gɛnɛ kɔ a a kpo tɛlɛ tɛ Gale, nɛ nde a bà zi tɛ̃ a na, ɛ wɛlɛ we we kɔ̃ do Gale gɔ.

FILIPƐ 2:6 Cross References

Ezai 7:14

Nɛ ĩ́ na, NWA do tɛ̃ a ngboo, a dɛ sɛ mɔ hã nɛ. Be zɔnga a ba sɛ zã, nɛ a ko bulu be, nɛ a e li a na Emanuɛlɛ, gulu nɛ na: ‘Gale do lɛ boe.’

Ezai 8:8

Ma dunu sɛ kɔla, nɛ ma hɔ sɛ ngɔ nù Yuda, nɛ ma ba sɛ winɔ ti gɛlɛ wa, nɛ ma kpa sɛ ngɔ nùi 'da mɔ Emanuɛlɛ vɛ̃.”

Ezai 9:6

Gale tombo a na, a e dungu fio ngɔ nù nga fai, nɛ dɛa to nwa 'da a ma gã dɛ dati. A dungu sɛ ngɔ kpongbo nwa 'da Davidi, nɛ a dɛ to nwa ngɔ nùi 'da a, takɔ ma nganda, nɛ ma ɔ fai. Ngangga gɛ, a dɛ sɛ toe 'da a do bɔlɔ zu, do wala olo nɛ ngboo, nɛ ma 'bana sɛ fai. Nɛ zɔ́, mɛnɔ kɛ NWA ngɔ mɔ nyanga nza vɛ̃, a do hɛ̃lɛ̃ we dɛ ma gɛ a ni.

Yeremi 23:6

'Da fala a dungu sɛ nwa ni, nɛ Oyuda wa kpasa sɛ, nɛ Oisraɛlɛ wa kpa sɛ gɛ̃a dungu. Wa sa sɛ li a na: ‘NWA, wele bɔlɔ zu.’ ”

Mike 5:2

NWA a la sɛ owinɔ 'da a dɛ kɔ owi sɛnɛ wa gbaa na, wuke kɛ a saka a ni, a ko be 'da a. Olo nɛ, nɛ tala obe Israɛlɛ kɛ wa 'bana nza tɛ kɔla 'duli 'di ni, wa si sɛ dɛ ngɔ nù Israɛlɛ, nɛ wa mba li ngba wa do onya wa.

ZAKARIA 13:7

NWA ngɔ mɔ nyanga nza vɛ̃ tɔ̃a na: “Aa du kɔya, mɔ sí ngɔ, nɛ mɔ gbɛ́ wi fɔmɔ batanɔ kɛ a dɛ toe do mi ni. Mɔ gbɛ́ a, nɛ obatanɔ wa pɛsɛ sɛ ndɛ̃ ndɛ̃. “Mi NWA, mi bi sɛ owinɔ 'da mi,

MATIE 1:23

“Be zɔnga a ba sɛ zã, nɛ a ko sɛ bulu be, nɛ wa sa sɛ li a na Emanuɛlɛ” ni, ma dɛ tɛ̃ ɛ. (Gulu li Emanuɛlɛ na: “Gale do lɛ boe.”)

YOANƐ 1:18

Wele kpo tɛ zɔ̀ Gale gɔ, nɛ nde wi a Yezu, kpo Be 'da a, kɛ a ɔ fala nɛ kpo do a ni, hã a tɔ̃ gulu Baa a Gale hã lɛ.

YOANƐ 10:30

Lɛ do Baa mi, lɛ a wele kpo iko.”

YOANƐ 10:33

Nɛ wa gese hã a na: “Lɛ nɛ lo mɔ we odia mɛnɔ mɔ dɛa ni gɔ, nɛ nde mɛ a we kɛ mɔ dã zu li Gale. Mɔ a wele iko, nɛ mɔ ba tɛ mɔ na, ɛ a Gale.”

YOANƐ 10:38

Kɔ fala kɛ mi dɛ toe 'da a, kɔ gɛnɛ kɔ nɛ kɔ̃ zu li mi gɔ, nɛ nɛ wia sɔ we kɔ̃ gɛnɛ mɛnɔ mi dɛ ni, takɔ nɛ ĩ fai na, lɛ do Baa mi, lɛ a wele kpo iko.”

YOANƐ 14:28

Nɛ zila we mi tɔ̃a na: ‘Mi la nɛ, nɛ 'do nɛ, nɛ mi kpolo sɛ 'bɔ tɛ mi 'da nɛ’ ni. Kɔ fala kɛ nɛ kɔ̃ sɔ gɛnɛ mi kɔ̃a, nɛ nɛ dɛ sɔ yangga kɛ na, mi si 'da Baa mi i ni. We kɛ Baa mi nɛa ngɔ mi.

YOANƐ 14:9

Nɛ Yezu gese hã a na: “Filipɛ, kɛ mi ɔa do nɛ gbaa gɛ, mɔ tɛ ĩ̀ ti mi gɔ nde? Wi kɛ a zɔ mi, nɛ nde a zɔa Baa mi ia. Kɔ gulu kɛ mɔ aka 'bɔ mi na, mi be Baa mi hã nɛ ni we ge nde?

YOANƐ 17:5

Kɔ ngangga ni, Baa mi, mɔ bá mi dɛ 'da mɔ i, nɛ mɔ hã 'bɔ dɔ̃lɔ̃ li hã mi, ɔ nɛ kɛ mi zɛ́ do ma dati kɛ na, mɔ dɛ nùi gɛ ni.

YOANƐ 20:28

Nɛ Toma gese hã a na: “Mɔ a Nwa 'da mi, mɔ a Gale 'da mi!”

YOANƐ 5:18

Kɔ Yezu nɛa we tɔ̃ na mɛ ni, nɛ onwa Yudanɔ wa ma ngɔ fa 'bɔ mbé wala we gbɛ a. Mba gɔ, a gbìnì tati a mbula ngɔ tũ ɔmɔ tɛ wi iko gɔ, nɛ nde a tɔ̃a 'bɔ na, Gale a baa ɛ, nɛ a ba tɛ̃ a na, ɛ wia kɔ̃ do Gale.

YOANƐ 5:23

A dɛa na mɛ ni, takɔ winɔ vɛ̃ wa dɔnggɔ mi Be 'da a, ɔ nɛ kɛ wa dɔnggɔ do a ni. Kɔ wele kɛ a dɔ́nggɔ́ mi gɔ ni, a dɔ́nggɔ́ tɛ mɛ 'bɔ Baa mi, kɛ a tumba mi ni gɔ.

ROMA 9:5

Wa a obe zã okpasa baa lɛ, nɛ Kristo hɔa wele, nɛ wa kua a kɔ nu fɛlɛ wa. Nɛ Kristo ni, a a Gale kɛ a ngɔ mɛnɔ vɛ. E kɔ lɛ dɔnggɔ a kɔ sabɛlɛ do sabɛlɛ! Amɛ.

2 KORINTƐ 4:4

Owinɔ ni wa kɔ̃̀ zu li Gale gɔ, we kɛ 'dã gale ngɔ nùi gɛ, a bi gbãlã zã wa do'do. A dɛa na, dɔ wa zɔ́ tɛlɛ tɛ kɛ Dia Sakoe yele ngɔ nùi gɛ, nɛ ma be dɔ̃lɔ̃ li 'da Kristo, kɛ a ba tɛlɛ tɛ Gale ngboo ni gɔ.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

1 TIMOTE 1:17

E kɔ owele wa dɔnggɔ Gale, kɛ a a Nwa fai ni. A fé fio gɔ, wele zɔ́ a gɔ, nɛ a zu a kpo a Gale. E kɔ wa hã dɔ̃lɔ̃ li hã a kɔ sabɛlɛ do sabɛlɛ! Amɛ.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.

TITO 2:13

Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.

OHEBRE 1:3

A bia yele ngbala dɔ̃lɔ̃ li 'da Gale, nɛ tɛlɛ tɛ̃ a be tɛlɛ tɛ Gale ngboo. Ngawi 'da wila we nu a tɔndɔ mɛnɔ nyanga nza gɛ vɛ́, nɛ ma yolo. 'Do kɛ a fɔlɔ 'dã mɛnɔ 'da owinɔ do'do ni, nɛ a kũ li nza i, nɛ a dungu tɛ ngɔ ngawili kɔ̃ Gale, kɛ a do nganda nɛa ngɔ mɛnɔ vɛ ni.

OHEBRE 1:6

Nɛ nde do 'da fala kɛ Gale nɛa we tombo kuti Be 'da a dɛ ngɔ nù gɛ ni, nɛ a tɔ̃a na: “Ma wia na, anzɛnɔ 'da Gale vɛ wa dɔnggɔ a.”

OHEBRE 1:8

Nɛ nde a tɔ̃a hã Be 'da a na: “Aa Gale, kpongbo nwa 'da mɔ ma 'bana sɛ kɔ sabɛlɛ do sabɛlɛ. Mɔ dɛ to nwa 'da mɔ do bɔlɔ nɛ ngboo.

OHEBRE 13:8

Yezu Kristo kífí gɔ, a zɛ́ boe, nɛ a sɔɛ gɛ boe, nɛ a sɛ boe fai nɛ́ ã do tɛ̃ a ni.

USU MƐNƆ 21:6

Nɛ a tɔ̃ 'bɔ hã mi na: “Ma wia ia! Mi a Alfa do Omega, ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ̃ wi 'bɔ a mi. Wi kɛ wɔ lì ba a, nɛ mi so sɛ 'de kɛ ma hã kpasi ni hã a do dia sila iko.