Nɛ lénggé na, wi nɛa ngɔ ngbɛ ɛ a wio nde? Wi a wi kɛ a dungu nù nu nyɔngɔmɔ ni, tabi wi a wele kɛ a yolo dɛ ngɔ, we hã nyɔngɔmɔ hã wele kɛ a dungu nù ni nde? Wi a wele kɛ a nyɔngɔ mɛ ni gɔ nde? Kɔ we mi, mi ɔ sanga nɛ gɛ nɛ wi kɛ a dɛ to hã ngba a ni!
Nɛ nɛ ĩ tɛlɛ tɛ kɛ Gale hã zi ngawi, do Hi Wi Santo hã Yezu Kristo, wi Nazarɛtɛ ni. Nɛ a yɛnggɛ kɔ le do le tɛ dɛ odia mɔ. A kpasa owinɔ kɛ wa zi kɔ ngbá 'da Satana ni, we kɛ Gale fala nɛ kpo do a.
Mi bia zi hã nɛ do walanɔ vɛ na, nɛ dɛ to, sɛ nɛ nɛ we sɛ we gala wi 'bakonɔ de. Nɛ lɛ lénggé wenɔ kɛ Nwa Yezu ngboo tɔ̃a zi na: ‘'Dɔlɔ mɔ hã ngba wi, ma hã yangga nɛa ngɔ kpɔ kɔ̃ wi ti mɔ mɔ́ ngba wi ni!’ ”
Kɔ fala kɛ mɔ nyɔngɔ mɔ, kɔ nyɔngɔmɛ ni yɛkɛ sila ngba mɔ yɛka, nɛ nde ma be na, mɔ kɔ̃̀ gɛnɛ a gɔ. Ma wè na mɔ 'danga ngba mɔ kɛ Yezu fia we a ni, do wala nyɔngɔmɔ nu mɔ gɔ.
Mba gɔ, Kristo fà zi we hã yangga hã kili tɛ a wele nɛ gɔ, nɛ nde ma ɔ nɛ kɛ wa kɔma kɔ 'Buki 'da Gale na: “Dɛlanɔ kɛ winɔ wa dã do mɔ ni, ma si vɛ dɛ ngɔ mi” ni.
Nɛ ibã́ olo kɔ̃ mi! Mi dɛ nganda wena na, mɛnɔ vɛ mi dɛ ma ni, ma hã yangga hã winɔ vɛ. Mi fá dia mɔ we mi wele nɛ gɔ, nɛ nde mi fa ma we winɔ vɛ, takɔ wa kpasa.
Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.
Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.
Mba gɔ, Gale sa mɔ hã nɛ na, nɛ zɔ ngamɔ na mɛ ni, we kɛ Kristo zɔa zi tɛ mɛ 'bɔ ngamɔ we duzu nɛ. Nɛ a bia wala hã nɛ, takɔ nɛ zɔ tɛlɛ tɛ kɛ a dɛa zi ni, nɛ nɛ 'bã do kɔ̃ a.
Nɛ ĩ na, kili tɛ Yezu Kristo kpa ngamɔ. We duzu ma, ma wia na, nɛ ɔ do kpo linggamɛ nɛ́ Yezu ni, nɛ nɛ kpãlã sila nɛ kɔ ngamɛnɔ. Mba gɔ, wi kɛ kili tɛ̃ a kpa ngamɔ ni, a dɛ́ 'bɔ 'dã mɔ gɔ.
