FILIPƐ 2:30 - WE NU GALE 1995

³⁰ Mba gɔ, a hɔa fɛna fio kɔ dɛa toe 'da Kristo. A kã zi tɛ̃ a hã fio we gala mi do mɛ kɛ nɛ wè zi tɛ dɛ nɛ gɔ ni.

FILIPƐ 2:30 Cross References

Owi Nɛ Tonɔ 20:24

Nɛ nde we duzu mi, mi lénggé do kpasi 'da mi gɔ. Mi kɔ̃a tati nɛ na, mi dɛ toe 'da mi gbaa, kɔ mi hɔ ndɔti nɛ. Mi kɔ̃a na, mi hɔ sɔkpɔ toe kɛ Nwa Yezu hã ma hã mi na, mi tɔ̃ sako dia zã 'da Gale hã winɔ ni.

ROMA 16:4

Winɔ ni wa hɔa zi fɛna fio we kpasa mi kɔ ngamɔ. Mi gese iɔ̃nae hã wa wena. Nɛ tati a mi zu mi kpo iko gɔ, nɛ nde owi kɔ̃a wenɔ vɛ kɛ wa a Oyuda gɔ ni, wa hã 'bɔ iɔ̃nae hã wa.

1 KORINTƐ 15:53

Mba gɔ, ma wia na kili tɛ wi kɛ ma mbu mbulu ni, ma hɔ kili tɛ wi kɛ ma wè tɛ mbulu nɛ gɔ ni. Nɛ kili tɛ wi kɛ ma fe fia ni, ma hɔ kili tɛ wi kɛ ma wè tɛ fe nɛ gɔ ni.

1 KORINTƐ 16:10

Kɔ fala kɛ Timote hɔ 'da nɛ mɔ nde, nɛ nɛ gala a do dia nɛ, takɔ sila a gɛ, nɛ a dungu do yangga, we kɛ a dɛ toe 'da Nwa ɔ nɛ kɛ mi dɛ ni.

1 KORINTƐ 16:17

Tɛa 'da Stefanasi, do Fortunatusi, do Akaikusi, ma hã yangga hã mi wena. Mi zɔa wa, nɛ ma ɔ nɛ kɛ mi zɔa nɛ vɛ̃ ni.

2 KORINTƐ 12:15

Kɔ we mi, mi wia tɛ ɔ do yangga fala kɛ ma we na, mi 'dɔlɔ kpamɛnɔ 'da mi vɛ̃, nɛ mi 'dɔlɔ 'bɔ kili tɛ mi dɛ ngɔ nɛ we gala do kɔ̃a we 'da nɛ ni. Kɔ nɛ́ kɛ mi kɔ̃ gɛnɛ nɛ wena ni, nɛ gulu kɛ nɛ kɔ̃̀ gɛnɛ mi gɔ we ge nde?

2 KORINTƐ 4:12

Na mɛ ni, fio tɛ ngɛ'dɛ lɛ, nɛ nde nɛ do kpasi.

FILIPƐ 2:17

Kɔ̃a we 'da nɛ ɔ nɛ dɔnggamɔ kɛ nɛ dɔnggɔ do Gale ni. Kɔ fala kɛ ma we na, tɔkɔ tɛ mi ma a nù we mba do dɔnggamɛ 'da nɛ ni, nɛ mi dɛ sɛ yangga wena, nɛ nɛ mba sɛ do mi kɔ yangga ni.

FILIPƐ 2:27

A zi do zɛlɛ gbãlã we, nɛ ma 'bana zi sĩ na a fe. Nɛ nde Gale ĩ 'bako hã a, nɛ a kpasa a. Gale ĩ̀ 'bakoe ni tati nɛ hã a iko gɔ, nɛ nde a ĩ 'bakoe ni hã mi na, da dɛ kɔ mi kpá 'bɔ mbé 'bako dɛ ngɔ kɛ mi do ma gɛ gɔ.

FILIPƐ 4:10

Mi zɔa na, nɛ kpa wala, nɛ nɛ bia 'bɔ kɔ̃a zã 'da nɛ hã mi, nɛ mi dɛ yangga wena do zu li Nwa. Mi ĩ na, nɛ do kɔ̃a zã dɛ 'da mi boe fai, nɛ nde nɛ kpà zi wala we be ma gɔ.

FILIPƐ 4:18

Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.

FILEMƆ 1:13

Mi kɔ̃a sɔ na, a 'bana do mi kɔ tɔa bɔlɔkɛ kɛ mi lia we duzu Dia Sakoe gɛ, takɔ a gala mi olo li mɔ.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.