FILIPƐ 2:27 - WE NU GALE 1995

²⁷ A zi do zɛlɛ gbãlã we, nɛ ma 'bana zi sĩ na a fe. Nɛ nde Gale ĩ 'bako hã a, nɛ a kpasa a. Gale ĩ̀ 'bakoe ni tati nɛ hã a iko gɔ, nɛ nde a ĩ 'bakoe ni hã mi na, da dɛ kɔ mi kpá 'bɔ mbé 'bako dɛ ngɔ kɛ mi do ma gɛ gɔ.

FILIPƐ 2:27 Cross References

2 Onwanɔ 20:1

Do ngba soe ni, nɛ zɛlɛ fio ba nwa Ezekiasi. Nɛ Ezai, wi gba olo nu Gale, kɛ a a be 'da Amɔtisi ni kulu ngɔ, nɛ a nɛ we zɔ Ezekiasi. A hɔa i mɔ, nɛ a tɔ̃ hã Ezekiasi na: “NWA Gale tɔ̃a hã mɔ na, mɔ 'dafa mɛnɔ 'da mɔ vɛ̃ do dia nɛ. Mba gɔ, zɛlɛmɛ tɛ mɔ gɛ ma gbɛ sɛ mɔ.”

YƆBƆ 5:19

A kpasa sɛ mɔ kɔ ngamɔ fala dɛlɛ wena, nɛ nde mbé ngamɔ kpá sɛ 'bɔ mɔ gɔ.

Zumanɔ 34:19

NWA fala nɛ kpo do owinɔ kɛ sila wa 'bɔa, nɛ ngawi 'da wa ma ia ni, nɛ a kpasa winɔ kɛ gbãlã tɛ wa gbini, nɛ wa mbɔkɔ ni.

Ezai 27:8

NWA hã etumbu hã owinɔ 'da a obe Israɛlɛ, a tombo wa kɔlɔ 'duli. A dɛa na, owi sɛnɛ wa wa yolo do si 'biti gba wese, nɛ wa tɛ ɔ nɛ gba bũ ni, nɛ wa kala wa la do wa.

Ezai 38:17

Nɛ ngangga ni, 'bakoe 'da mi ma kifi yangga. Mba gɔ, mɔ kɔ̃ gɛnɛ mi wena, nɛ mɔ kpasa mi kɔ fio, nɛ mɔ fua ku'da 'dã mɛnɔ zu mi do'do.

Ezai 43:2

Mi sɛ do nɛ boe 'da falanɔ vɛ̃. Na mɛ ni, fala kɛ nɛ kũ gba 'du lì, nɛ nde ma gúlú sɛ zu nɛ gɔ. Fala kɛ nɛ la do kɔ nyɛa we, nɛ nde ma bɛ́lɛ́ sɛ nɛ gɔ, nɛ galagula we ni ma á sɛ tɛ nɛ gɔ.

Yeremi 10:24

Aa NWA, mɔ ha etumbu hã lɛ owinɔ 'da mɔ, nɛ ma we dɛ tɛ nɛ, mɔ tɛ ha do nɔ̃lɔ̃ zã gɔ. Mba gɔ, mɔ hã do nɔ̃lɔ̃ zã, nɛ mɔ kumu sɛ lɛ.

Yeremi 45:3

we kɛ a bi zi tɛ̃ a fai na: “'Bakoe 'daa! NWA gã 'da zɛlɛ tɛ 'daa gã iko! Mi mbɔkɔ tɛ he kɔ̃a do'do, nɛ mi kpá mbe fala we kpe tɛ mi gɔ.”

Yeremi 8:18

Mi Yeremi, sila mi zɛlɛ wena, 'bakoe 'da mi gã la li, nɛ fo ina nɛ bina.

HABAKUKƐ 3:2

A na: “Aa NWA, mi zila we mɛnɔ vɛ̃ kɛ mɔ dɛa ni, nɛ mi dɛ kili ma wena. Mɔ dɛ́ 'bɔ kpo kpo gã dɛa mɛnɔ ni do kɔ̃ tũnɔ gɛ, nɛ mɔ bé ma dɛ li winɔ, takɔ wa ĩ ti ma. Gɛnɛ kɔ zã mɔ nɔ̃lã gbãlã we, nɛ nde mɔ bé dia zã 'da mɔ hã lɛ.

Owi Nɛ Tonɔ 9:37

Nɛ ngba soe kpo, nɛ a te do zɛlɛ, nɛ a fe. Nɛ wa fɔlɔ a, nɛ wa e a kɔ mbe tɔa kpo, ma do ngɔ.

1 KORINTƐ 10:13

Mɛnɔ ma fa we ɔkɔlɔ sila nɛ gɛ, mɛ a kɛnɔ ma ɔkɔlɔ winɔ vɛ ni. Nɛ nde ta zu Gale élé ngɔ mbuli kɛ a kpua ma ni gɔ, nɛ a hã̀ sɛ wala hã Satana na, a ɔkɔlɔ nɛ, nɛ ma nɛ ngɔ ngawi 'da nɛ gɔ. Kɔ fala kɛ a ɔkɔlɔ nɛ nde, nɛ Gale a kpãlã sɛ sila nɛ na, nɛ bɛ ma, nɛ a dɛ sɛ na, nɛ hɔ nza kɔ nɛ.

2 KORINTƐ 2:7

Kɔ ngangga gɛ, ma wia na, nɛ ele 'dã mɛ 'da a, nɛ nɛ kpãlã sila a, dɔ 'bako nɛ ngɔ a, kɔ a mbɔkɔ vɛ́ gɔ.

FILIPƐ 2:26

Ngangga gɛ, wɔ zɔ tɛ nɛ ba a wena, nɛ a do linggamɔ wena, we kɛ a ĩ na, nɛ zila zi sako zɛlɛ 'da ɛ.

FILIPƐ 2:28

Ma kɛ mi kɔ̃a we gese a hã nɛ dɔ̃, takɔ nɛ zɔ tɛ a, nɛ nɛ dɛ yangga, nɛ 'bakoe 'da mi mbɔkɔ mbe.

FILIPƐ 2:30

Mba gɔ, a hɔa fɛna fio kɔ dɛa toe 'da Kristo. A kã zi tɛ̃ a hã fio we gala mi do mɛ kɛ nɛ wè zi tɛ dɛ nɛ gɔ ni.