FILIPƐ 2:26 - WE NU GALE 1995

²⁶ Ngangga gɛ, wɔ zɔ tɛ nɛ ba a wena, nɛ a do linggamɔ wena, we kɛ a ĩ na, nɛ zila zi sako zɛlɛ 'da ɛ.

FILIPƐ 2:26 Cross References

2 SAMUƐLƐ 13:39

Sila Davidi nɛa we gɛ̃ olo fio be 'da a do'do, nɛ a la fala sɛnɛ Absalɔmɛ.

2 SAMUƐLƐ 24:17

Davidi zɔa anzɛ kɛ a gbɛ winɔ ni, nɛ a tɔ̃ hã NWA na: “Wi a mi a mi tia do ngbangga, wi a mi a mi dɛa 'dã mɔ. Nɛ nde owinɔ kɛ wa kpa 'bakoe gɛ, wa dɛ̀ 'dã mɔ gɔ. Kɔ ma wia na, mɔ hã etumbu hã mi, do nu fɛlɛ mi.”

YƆBƆ 9:27

Mi fa na ta zu mi ele ngɔ zɛlɛ tɛ mi, kɔ mi 'dafa bula li mi we dɛ yangga,

Zumanɔ 69:20

Mɔ ĩ ti tɛlɛ tɛ kɛ wa dã do mi ni, nɛ mɔ ĩ 'bɔ ti sape kɛ mi kpa ni. Mɔ zɔ Owi sɛnɛ mi vɛ̃ wa dɛ dati mi gɛ.

GBA WENƆ 12:25

Mɔ dungu fai do linggamɔ, nɛ mɔ sɛ do yangga bina. Nɛ nde dia lɛnggɛ ma nganda sɛ sila mɔ.

Ezai 61:3

nɛ mi hã yangga hã owi Sioni kɛ wa tɛ dungu gɛla ni. Mi kifi 'bakoe 'da wa do yangga, nɛ mi kifi 'bɔ zuma ala nui 'da wa do zuma dɔnggɔ NWA. Mi kpolo sɛ tulu gɛla 'da wa do tulu ɛngga. Wa ɔ sɛ nɛ odia te kɛ NWA do tɛ̃ a ngboo a mi ma ni. Wa dɛ sɛ mɔ vɛ̃ do bɔlɔ nɛ, nɛ wa hã sɛ dɔ̃lɔ̃ li hã NWA.

MATIE 11:28

“Nɛ, owinɔ vɛ̃ kɛ nɛ mbɔka tɛ ba dĩ tolenɔ ni, nɛ tɛ́ 'da mi, nɛ mi kusu sɛ tole zu nɛ, nɛ mi hã sɛ fala ɔmɔ tɛ wi hã nɛ.

MATIE 26:37

Nɛ Yezu kala Petro, do benɔ 'da Zebede bɔa ni dɛ tɛ̃ a, nɛ a la do wa. Nɛ 'bako ngamɔ fie tɛa dɛ tɛ̃ a, nɛ kili ba a wena.

Owi Nɛ Tonɔ 21:13

Nɛ a gese hã lɛ na: “Gulu kɛ nɛ he, nɛ nɛ gɛ tɛ mi ni we ge nde? Gɛnɛ kɔ wa ba mi Yeruzalɛmɛ i, kɔ wa ɛnzɛ mi, kɔ wa gbɛ mi we Nwa Yezu, nɛ mi kɔ̃ sɛ iko.”

ROMA 1:11

Mba gɔ, mi do wɔ wena we zɔ nɛ, takɔ Gale wele nu ɛ tɛ nɛ do wala 'da mi, hã kɔ̃a we 'da nɛ nganda.

ROMA 12:15

Nɛ dɛ́ yangga do winɔ kɛ wa do yangga ni, nɛ nɛ hé kɔ̃a do wanɔ wa he kɔ̃a ni.

ROMA 9:2

Mi do gã 'bako, nɛ sila mi zɛlɛ fai,

1 KORINTƐ 12:26

Kɔ fala kɛ mbe mɔ tɛ wele kpa ngamɔ nde, nɛ tala kɛnɔ ni vɛ, ma kpa sɛ ngamɔ do ma fala nɛ kpo. Kɔ tabi mbe mɔ tɛ wele kpa dɔ̃lɔ̃ li nde, nɛ tala kɛnɔ ni vɛ, ma dɛ sɛ yangga do ma fala nɛ kpo.

2 KORINTƐ 9:14

Wa sambala sɛ Gale we duzu nɛ, nɛ wa kɔ̃ sɛ gɛnɛ nɛ wena, we duzu gã dia zã Gale bia hã nɛ ni.

GALATI 6:2

Nɛ gálá ngba nɛ kɔ ngamɔ. Nɛ dɛ na mɛ ni, nɛ nde nɛ dɛa mbula 'da Kristo ia.

EFƐZƐ 3:13

We duzu ki ni, mi aka nɛ na, nɛ tɛ zɔ̀ zɛlɛ tɛnɔ kɛ mi kpa we duzu nɛ ni, kɔ nɛ mbɔkɔ gɔ. Zɛlɛ tɛnɔ ni ma hã dia mɔ hã nɛ, nɛ nɛ dɔnggɔ tɛ nɛ do ma.

FILIPƐ 1:3

'Da falanɔ vɛ̃ kɛ mi lengge do nɛ ni, nɛ mi hã iɔ̃nae hã Gale.

FILIPƐ 1:8

Gale ĩ na, we mi nɛ tɔ̃ nɛ gɛ a gbãlã we: Mi kɔ̃a gɛnɛ nɛ wena ɔ nɛ kɛ Yezu Kristo kɔ̃a do gɛnɛ nɛ ni.

FILIPƐ 2:25

Nɛ nde mi zɔa na, ma dia fɛ̃ na, mi tombo nya mi Epafroditɛ hã nɛ. A a ngba mi wi dɛa to, nɛ lɛ bi zi bole do a kpo we be Dia Sakoe. Nɛ nɛ tumba zi a hã mi, takɔ a gala mi do mɛnɔ kɛ mi zɔla ni.

FILIPƐ 2:27

A zi do zɛlɛ gbãlã we, nɛ ma 'bana zi sĩ na a fe. Nɛ nde Gale ĩ 'bako hã a, nɛ a kpasa a. Gale ĩ̀ 'bakoe ni tati nɛ hã a iko gɔ, nɛ nde a ĩ 'bakoe ni hã mi na, da dɛ kɔ mi kpá 'bɔ mbé 'bako dɛ ngɔ kɛ mi do ma gɛ gɔ.

FILIPƐ 4:1

We duzu ma, onyae ngɔ sila mi gɛ, mi do wɔ wena we zɔ nɛ. Mi dɛ yangga we duzu nɛ, nɛ mi dɔnggɔ tɛ mi do nɛ. Kɔ oyali ngba mi, mi aka nɛ na, nɛ yóló nganda we duzu Nwa kɛ nɛ mba do a ni.

1 PETRO 1:6

We duzu ki ni, gɛnɛ kɔ nɛ kpa ngamɔ kpi do kpi kɔ bi tũnɔ sĩ lɛ do ma gɛ nde, nɛ nɛ dɛ́ yangga.