FILIPƐ 2:25 - WE NU GALE 1995

²⁵ Nɛ nde mi zɔa na, ma dia fɛ̃ na, mi tombo nya mi Epafroditɛ hã nɛ. A a ngba mi wi dɛa to, nɛ lɛ bi zi bole do a kpo we be Dia Sakoe. Nɛ nɛ tumba zi a hã mi, takɔ a gala mi do mɛnɔ kɛ mi zɔla ni.

FILIPƐ 2:25 Cross References

GBA WENƆ 25:13

Wi nɛ to kɛ zu a bɔlɔ wena ni, a dia li nwa 'da a ɔ nɛ bila gɛ̃a lì nu wi kɛ a yula li wese, tɛ kala kpalɛ li fɔ ni.

YOANƐ 13:16

Mi tɔ̃ hã nɛ do gbãlã we na, wi dɛa to nɛ ngɔ gɛlɛ nwa 'da a gɔ, nɛ wi nɛ to nɛ̀ ngɔ wi tombo a gɔ.

YOANƐ 17:18

Mi tumba wa ngɔ nù gɛ, ɔ nɛ kɛ mɔ tumba do mi ni.

ROMA 16:3

Nɛ hã́ balɛ hã Prisilɛ do Akilasi, kɛ wa a ongba mi wi tonɔ 'da Yezu Kristo ni.

ROMA 16:9

Nɛ fáná Urbɛnɛ, ngba lɛ wi dɛa toe 'da Kristo, do Stakisi, kɛ a ngɔ sila mi ni.

1 KORINTƐ 3:9

Mba gɔ, lɛ do Apolosi a wi dɛa to kɔ fɔɛ 'da Gale, nɛ fɔɛ 'da Gale, wi a nɛ. Nɛ nɛ ɔ 'bɔ nɛ tɔa kɛ Gale dɛ ma ni.

2 KORINTƐ 2:13

Nɛ nde sila mi zi dɛ ngɔ, we kɛ mi kpà zi nya lɛ Tito di ni gɔ. We duzu ma, nɛ mi hã balɛ hã Owi Troasi iko, nɛ mi la dɛ ngɔ nù Masedɔanɛ i.

FILIPƐ 2:26

Ngangga gɛ, wɔ zɔ tɛ nɛ ba a wena, nɛ a do linggamɔ wena, we kɛ a ĩ na, nɛ zila zi sako zɛlɛ 'da ɛ.

FILIPƐ 4:18

Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.

FILIPƐ 4:3

Nɛ kɛ 'da mɔ, ngbongbo ngba mi wi dɛa toe, mi aka mɔ na, mɔ gálá wa, we kɛ wa dɛa zi to do mi we yɛ'bɛ Dia Sakoe, fala nɛ kpo do Klema, do tala ongba mi wi dɛa tonɔ, kɛ li wa vɛ̃ kɔ 'Buku Kpasi ni.

KƆLƆSƐ 1:7

Wi bia zi we ni hã nɛ, wi a Epafrasi, yali ngba lɛ wi toe 'da Kristo, kɛ a ngɔ sila lɛ ni. A dɛ toe 'da Kristo sanga nɛ do wala do nɛ ngboo.

KƆLƆSƐ 4:11

Nɛ Yezu, kɛ wa sa 'bɔ li a na Yustusi ni, a tumba 'bɔ balɛ hã nɛ. Sanga Oyudanɔ kɛ wa hɔa Owi Kristo ni, wi tati a wa zu wa talɛ ni a wa gala mi kɔ dɛa to nwa 'da Gale. Nɛ wa hã kpã sila hã mi wena.

1 TƐSALONIKƐ 3:2

nɛ lɛ tumba nya lɛ Timote hã nɛ. A a wi kɛ a mba do lɛ kpo kɔ dɛa to 'da Gale we be Dia Sakoe 'da Kristo. Lɛ tumba a na, a kpãlã sila nɛ, nɛ a nganda kɔ̃a we 'da nɛ na,

FILEMƆ 1:24

Nɛ Marko, do Aristarkɛ, Demasi, do Luka, kɛ wa a ongba mi wi dɛa toe ni, wa fana 'bɔ mɔ.

OHEBRE 3:1

Na mɛ ni, onyae wi kɔ̃a wenɔ, kɛ Gale sa zi 'bɔ mɔ hã nɛ ni, nɛ á linggamɛnɔ 'da nɛ dɛ ngɔ Yezu, kɛ Gale tumba a we ɔ gã nwa nganga ngɔ wenɔ lɛ kɔ̃a ma gɛ ni.