FILIPƐ 2:22 - WE NU GALE 1995

²² Nɛ nde kɛ 'da Timote, nɛ ĩ ti de dɛa mɔ tɛ̃ a. A dɛa to be Dia Sakoe do mi fala nɛ kpo, ɔ nɛ kɛ be dɛ to do baa ɛ ni.

FILIPƐ 2:22 Cross References

Owi Nɛ Tonɔ 16:2

Nɛ owi Kristonɔ tɛ Listrɛ, do wanɔ tɛ Ikoniumɛ ni, wa tɔ̃ zi dia we tɛ Timote wena.

ROMA 5:4

Nɛ kpã sila ni, ma hã ngawi hã lɛ, takɔ lɛ nɛ ngɔ yamba mɛnɔ. Nɛ ngawi ni, ma dɛ na, lɛ gbini zã lɛ do mbuli kɛ Gale kpua ni.

1 KORINTƐ 16:10

Kɔ fala kɛ Timote hɔ 'da nɛ mɔ nde, nɛ nɛ gala a do dia nɛ, takɔ sila a gɛ, nɛ a dungu do yangga, we kɛ a dɛ toe 'da Nwa ɔ nɛ kɛ mi dɛ ni.

1 KORINTƐ 4:17

Ma kɛ mi tumba Timote hã nɛ, takɔ a gba sɛ tɛ zu nɛ ngɔ mbula ngɔ dɛa toe 'da Kristo, kɛ mi dɛ ma, nɛ mi be ma hã Owi Kristonɔ falanɔ vɛ́ ni. Timote ni a be kɛ a ngɔ sila mi, nɛ a dɛ mbulanɔ 'da Nwa do wala do nɛ.

2 KORINTƐ 2:9

Gulu kɛ mi kɔma zi mbɛti hã nɛ gɛ a ni, we kɛ mi kɔ̃a zi we yamba nɛ we zɔ na, nɛ dɛ olo nu mi vɛ́ dɛa nde.

2 KORINTƐ 8:22

Lɛ tumba winɔ bɔa ni fala nɛ kpo do mbe nya lɛ, kɛ lɛ yamba a fala dɛlɛ wena, nɛ lɛ zɔa na, sila a kpãlã kɔ dɛa tonɔ 'da Gale wena ni. Nɛ ngangga gɛ, sila a nganda 'bɔ dɛ dati, we kɛ a gbini zã a do nɛ wena.

2 KORINTƐ 8:24

Kɔ nɛ bé hã wa na, nɛ kɔ̃a gɛnɛ wa ngboo, takɔ oeklezianɔ wa ĩ na, lɛ dɔnggɔ tɛ lɛ do nɛ gbãlã we.

2 KORINTƐ 8:8

Mi è ma hã nɛ ɔ nɛ mbula gɔ, nɛ nde mi be tɛlɛ tɛ kɛ ombe winɔ gele falanɔ wa bi we gala do ongba wa ni, takɔ nɛ zɔ, tabi kɔ̃a zã 'da nɛ a ngbongbo kɔ̃a zã nde?

FILIPƐ 1:12

Onyae, mi kɔ̃a na nɛ ĩ́ na, ngamɛnɔ mi kpa ma ni, ma gala Dia Sakoe na, ma yɛ'bɛ dɛ dati.

FILIPƐ 1:16

Wanɔ ni wa dɛ to we duzu kɛ wa kɔ̃a gɛnɛ mi, nɛ wa ĩ na, Gale ia mi do wi bi ngɔ Dia Sakoe.

FILIPƐ 1:5

we duzu kɛ ndo do kɔ̃ tũi kɛ nɛ kɔ̃a zi do zu li Yezu ni, nɛ gala lɛ tɛ to be Dia Sakoe gbaa we hɔ sɔɛ gɛ.

FILIPƐ 1:7

Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

FILIPƐ 2:20

I nga gɛ, fo gele wele kɛ lɛ do a ngɔ linggamɔ kpo, nɛ a lengge nɛ ngboo lingga ni bina, wi tati a Timote iko.

1 TIMOTE 1:18

Aa Timote, be 'daa, mi a mbulanɔ gɛ dɛ kɔ̃ mɔ, nɛ ma lua ngbɛ ɛ do mbe wenɔ kɛ owi gba olo nu Gale wa tɔ̃a zi dɛ ngɔ mɔ ni. Kɔ ma wia na, wenɔ ni ma hã ngawi hã mɔ, takɔ sila mɔ nɔ li dia bole mɔ bi gɛ.

1 TIMOTE 1:2

Mi kɔmɔ mbɛti gɛ hã mɔ Timote, kɛ mɔ a be 'da mi ngboo, we duzu kɔ̃a we kɛ mɔ kɔ̃a do wala 'da mi ni. E kɔ Gale Baa, do Nwa 'da lɛ Yezu Kristo wa be dia zã 'da wa hã mɔ, nɛ wa ĩ 'bako hã mɔ, nɛ wa dɛ na, mɔ dungu do gɛ̃a sila.

1 TIMOTE 4:6

Mɔ bé wenɔ ni vɛ̃ hã onya mɔ wi kɔ̃a wenɔ. Na mɛ ni, nɛ mɔ sɛ a dia wi dɛa toe 'da Yezu Kristo. Nɛ mɔ dálá kɔ̃a we kɔ sila mɔ do we nu Gale, do dia bia wenɔ kɛ mɔ kɔ̃a gɛnɛ nɛ ni.

2 TIMOTE 1:2

Mi kɔma mbɛti gɛ hã mɔ, be 'da mi Timote kɛ mɔ ngɔ sila mi ni. E kɔ Baa lɛ Gale do Nwa 'da lɛ Yezu Kristo, wa be dia zã 'da wa hã mɔ, nɛ wa ĩ 'bako hã mɔ, nɛ wa dɛ na, mɔ dungu do gɛa sila.

2 TIMOTE 3:10

Nɛ nde kɛ 'da mɔ, mɔ zila bia wenɔ 'da mi, nɛ mɔ dɛa mbula nɛ, nɛ mɔ 'bã olo kɔ̃ mi, nɛ mɔ dɛa linggamɔ zã mi. Mɔ ĩ ti kɔ̃a we 'da mi, do du sila 'da mi, do kɛ mi kɔ̃a do gɛnɛ ongba mi wena ni. Nɛ mɔ ĩ ti kɛ mi kunu do sila mi ni,

TITO 1:4

Mi kɔmɔ mbɛti gɛ hã mɔ Tito, kɛ mɔ a ngbongbo be 'da mi ni, we kɛ lɛ do mɔ, lɛ kɔ̃a zu li Kristo. E kɔ Baa lɛ Gale, do Wi kpasa lɛ Yezu Kristo, wa be dia zã 'da wa hã mɔ, nɛ wa dɛ na, mɔ dungu do gɛ̃a sila.