FILIPƐ 2:21 - WE NU GALE 1995

²¹ Tala winɔ vɛ̃, wa lengge tati a dia mɛ 'da wa wele nɛ iko, wa lénggé do we 'da Yezu Kristo gɔ.

FILIPƐ 2:21 Cross References

2 Onwanɔ 12:6

Nganga kpo kpo a kala sɛ ma kɔ̃ winɔ kɛ a dɛ toe hã wa ni, nɛ a e ma we 'dafa do falanɔ kɛ ma 'danga tɛ tɔa Tɛmpɛloe ni.”

Ezai 56:11

Nɛ wa ɔ 'bɔ nɛ otolo kɛ wa nyɔngɔ mɔ fai, nɛ nde zã wa hɛ̃́ gɔ ni. Onwanɔ ni, wa kpe dati owinɔ, nɛ nde wa ĩ̀ ti gɔnɔ sanga dia mɔ do 'dã mɔ gɔ. Wele kpo kpo ba li wala 'da ɛ, nɛ a dɛ nɛ́ kɛ ma ɛ̃fɛ̃ tɛ̃ a ni.

MALAKI 1:10

Ma wia sɔ na, mbe kɔ nɛ kpo nɛ, nɛ a kpe nu ngbo Tɛmpɛloe, dɔ nɛ lé 'bɔ i mɔ we dã we ngɔ gbagala, we dɔ do sa'de hã mi gɔ. Nɛ ĩ na, mi do yangga we zɔ nɛ bina, nɛ dɔnggamɛnɔ kɛ nɛ hã ma hã mi gɛ, ma dé tɛ mi gɔ. Mi NWA ngɔ mɔ nyanga nza vɛ̃, mi tɔ̃a ní.

MATIE 16:24

'Do nɛ, nɛ Yezu tɔ̃ hã owi yambala mɛnɔ 'da a na: “Fala kɛ wele kɔ̃ we hɔ wi 'da mi, nɛ ma wia na, a bɛ̃ gɛnɛ kili tɛ̃ a wele nɛ, nɛ a ba tole finda te 'da a, nɛ a tɛ 'do mi.

LUKA 14:26

“Fala kɛ wele tɛ 'da mi, takɔ a hɔ wi 'da mi, kɔ a bɛ gɛnɛ baa a, do naa a, do kɛnɛ a, do benɔ 'da a, do onya a, do kili tɛ̃ a wele nɛ gɔ, nɛ nde a wè wi 'da mi gɔ.

Owi Nɛ Tonɔ 13:13

Polo do winɔ 'da a, wa yula tɛ Pafosi, nɛ wa le masua, nɛ wa la dɛ Pɛrzɛ, tɛ ngɔ nù Pamfili. Wa hɔa i mɔ, nɛ Yoanɛ Marko la wa dɛ di ni, nɛ a kpolo tɛ̃ a dɛ Yeruzalɛmɛ i.

Owi Nɛ Tonɔ 15:38

Nɛ Polo zɔa na, we yɛnggɛ do a ma wè gɔ. We kɛ Yoanɛ Marko la zi wa tɛ Pamfili i, nɛ a yɛ̀nggɛ̀ zi do wa we dɛ tala toe 'da Gale gbaa sɔkpɔ nɛ gɔ.

1 KORINTƐ 10:24

Ma wia na, wele do wele fa we gala ngba a, nɛ a tɛ fà dia mɛ 'da a wele nɛ gɔ.

1 KORINTƐ 10:33

Nɛ ibã́ olo kɔ̃ mi! Mi dɛ nganda wena na, mɛnɔ vɛ mi dɛ ma ni, ma hã yangga hã winɔ vɛ. Mi fá dia mɔ we mi wele nɛ gɔ, nɛ nde mi fa ma we winɔ vɛ, takɔ wa kpasa.

1 KORINTƐ 13:5

Kɔ̃a zã dɛ na, wele tɛ dɛ̀ mɔ kɛ ma hã sape hã a ni gɔ, nɛ a tɛ lènggè do kili tɛ a wele nɛ iko gɔ. Zã a tɛ nɔ̃̀lɔ̃̀ gɔ, nɛ a tɛ bà mãlã dɛ kɔ sila a gɔ.

2 KORINTƐ 1:5

Mba gɔ, ɔ nɛ kɛ lɛ mba kpo do Kristo kɔ gba gili 'bakonɔ 'da a ni, Gale a nganda 'bɔ sila lɛ wena do wala 'da kpo Kristo ni.

FILIPƐ 2:4

Nɛ wele do wele tɛ fà dia mɔ tati a we a wele nɛ iko gɔ, nɛ nde a fa we dɛ dia mɔ hã ongba a.

2 TIMOTE 1:15

Mɔ ĩ na, Owi Azi wa yu mi vɛ̃ do'do. Ombe wi a Fizɛlɛ do Hɛrmɔgɛnɛ.

2 TIMOTE 3:2

Mba gɔ, Owele wa lengge sɛ do kili tɛ wa wele nɛ iko, nɛ wa kɔ̃ sɛ gɛnɛ mbili wena. Wa ma sɛ ngɔ dɔnggɔ tɛ wa, nɛ zu wa ma gã sɛ wena. Wa dã sɛ zu li Gale, nɛ wa bɛ sɛ we nu owi ko wa. Wa dɔ́nggɔ́ sɛ wi dɛ de mɔ hã wa gɔ, nɛ wa dĩ́lĩ́ sɛ fala mɛnɔ 'da Gale gɔ.

2 TIMOTE 4:10

Mba gɔ, Demasi yu mi do'do, we kɛ wɔ tɛ mɛnɔ nù gɛ ma gã kɔ sila a wena, kɔ a la dɛ Tɛsalonikɛ. Nɛ Krɛsansɛ la dɛ Galati, nɛ Tito la dɛ Dalmati.

2 TIMOTE 4:16

Kuti kɛ mi nɛa zi we tɔ̃ gulu we 'da mi dati Owi 'bili wenɔ ni, nɛ nde fo zi wi yolo 'do mi bina. Winɔ vɛ̃ wa yu zi mi. E kɔ Gale mbɔkɔ wa!