FILIPƐ 2:20 - WE NU GALE 1995

²⁰ I nga gɛ, fo gele wele kɛ lɛ do a ngɔ linggamɔ kpo, nɛ a lengge nɛ ngboo lingga ni bina, wi tati a Timote iko.

FILIPƐ 2:20 Cross References

Zumanɔ 55:13

Wi kɛ a dã mi ni, wi a wi sɛnɛ mi gɔ. A ɔ sɔ do wi sɛnɛ mi, nɛ mi kunu sɔ sila mi. Wi kɛ a be tɛ̃ a ngɔ mi ni, a ɔ sɔ do wi sɛnɛ mi, nɛ mi yu sɔ a.

GBA WENƆ 31:29

Wili a tɔ̃ na: “Sɔ̃a gbãlã tɛ wukonɔ wa dɛlɛ wena. Nɛ nde tɛ mɔ sɔ̃a nɛa ngɔ wa vɛ̃.”

YOANƐ 10:13

A yu, we kɛ a dɛ to fɔmɔ batanɔ we kpa mbili iko, nɛ nde a lénggé do wa ngboo gɔ.

YOANƐ 12:6

A tɔ̃̀ ni, we kɛ a lengge do owi sãnɔ lingga ni gɔ, nɛ nde we kɛ a zi a wi zũ, nɛ a zi a wi fɔmɔ mbili 'da ongba a, nɛ a nyɔngɔ nu nɛ do usu nɛ nyɔnga.

ROMA 15:5

E kɔ Gale, wele du sila, kɛ a hã kpã sila hã winɔ ni, a hã ngawi hã nɛ na, nɛ ɔ do linggamɔ kpo, ɔ nɛ kɛ Yezu Kristo bia ma hã lɛ ni.

1 KORINTƐ 16:10

Kɔ fala kɛ Timote hɔ 'da nɛ mɔ nde, nɛ nɛ gala a do dia nɛ, takɔ sila a gɛ, nɛ a dungu do yangga, we kɛ a dɛ toe 'da Nwa ɔ nɛ kɛ mi dɛ ni.

FILIPƐ 2:2

Kɔ ma ɔ ni, nɛ mi aka nɛ na, nɛ ɔ́ do linggamɔ kpo, nɛ kɔ̃́ gɛnɛ ngba nɛ, nɛ nɛ ɔ́ do sila nɛ kpo, nɛ ma hã sɛ yangga hã mi ngboo.

FILIPƐ 2:22

Nɛ nde kɛ 'da Timote, nɛ ĩ ti de dɛa mɔ tɛ̃ a. A dɛa to be Dia Sakoe do mi fala nɛ kpo, ɔ nɛ kɛ be dɛ to do baa ɛ ni.

KƆLƆSƐ 4:11

Nɛ Yezu, kɛ wa sa 'bɔ li a na Yustusi ni, a tumba 'bɔ balɛ hã nɛ. Sanga Oyudanɔ kɛ wa hɔa Owi Kristo ni, wi tati a wa zu wa talɛ ni a wa gala mi kɔ dɛa to nwa 'da Gale. Nɛ wa hã kpã sila hã mi wena.

1 TIMOTE 1:2

Mi kɔmɔ mbɛti gɛ hã mɔ Timote, kɛ mɔ a be 'da mi ngboo, we duzu kɔ̃a we kɛ mɔ kɔ̃a do wala 'da mi ni. E kɔ Gale Baa, do Nwa 'da lɛ Yezu Kristo wa be dia zã 'da wa hã mɔ, nɛ wa ĩ 'bako hã mɔ, nɛ wa dɛ na, mɔ dungu do gɛ̃a sila.

1 TIMOTE 4:6

Mɔ bé wenɔ ni vɛ̃ hã onya mɔ wi kɔ̃a wenɔ. Na mɛ ni, nɛ mɔ sɛ a dia wi dɛa toe 'da Yezu Kristo. Nɛ mɔ dálá kɔ̃a we kɔ sila mɔ do we nu Gale, do dia bia wenɔ kɛ mɔ kɔ̃a gɛnɛ nɛ ni.

2 TIMOTE 1:5

Mi 'bana lengge do ngbongbo kɔ̃a we 'da mɔ, kɛ ma do gele linggamɔ kɔ nɛ bina ni. Yaa mɔ wuko nɛ, Loisɛ, do naa mɔ Enisɛ, wa zi do kɔ̃a we na mɛ ni dati hã mɔ, nɛ mi ĩ na, mɔ 'bɔ do kpo kɔ̃a we ni boe.

2 TIMOTE 3:10

Nɛ nde kɛ 'da mɔ, mɔ zila bia wenɔ 'da mi, nɛ mɔ dɛa mbula nɛ, nɛ mɔ 'bã olo kɔ̃ mi, nɛ mɔ dɛa linggamɔ zã mi. Mɔ ĩ ti kɔ̃a we 'da mi, do du sila 'da mi, do kɛ mi kɔ̃a do gɛnɛ ongba mi wena ni. Nɛ mɔ ĩ ti kɛ mi kunu do sila mi ni,

1 SAMUƐLƐ 18:1

Davidi wila we do Saulo, kɔ ma nɛa we e nɛ, nɛ Yonatanɛ, be 'da Saulo dɛa yangga do Davidi wena. Nɛ a ma ngɔ kɔ̃ gɛnɛ a ɔ nɛ kili tɛ̃ a wele nɛ ni.

1 SAMUƐLƐ 18:3

Yonatanɛ kɔ̃a zi gɛnɛ Davidi la li ngele, nɛ wa ba 'bia do a.