FILIPƐ 2:19 - WE NU GALE 1995

¹⁹ Mi gbini zã mi do Nwa Yezu na, a hã wala hã mi, hã mi tombo Timote 'da nɛ i dɔ̃ gɛ, kɔ a si do Sakonɔ 'da nɛ hã mi, hã sila mi gɛ.

FILIPƐ 2:19 Cross References

Yeremi 17:5

NWA tɔ̃a na: “Wi kɛ a siki 'do a hã mi, hã a gbini zã a do wele, hã a fa ngawi 'da a kɔ̃ Owele yala iko ni, nɛ mi fɔmbɔ sɛ a.

MATIE 12:21

Nɛ onu kpala winɔ ngɔ nù gɛ vɛ̃ wa gbini sɛ zã wa do a.”

Owi Nɛ Tonɔ 16:1

Polo yɛnggɛ gbaa, nɛ a hɔ Dɛrbɛ, do Listrɛ, nɛ a kpa mbe wi kɔ̃a we di ni, li a a Timote. Naa a zi a wi Kristo, nɛ a a boko Yuda. Nɛ nde baa a zi a Grɛkɛ.

ROMA 15:12

Nɛ Ezai, wi gba do nu Gale tɔ̃a 'bɔ na: “Mbe be zã Yɛse a tɛ sɛ, nɛ a dungu sɛ nwa ngɔ ogele winɔ, nɛ wa gbini sɛ zã wa do a.”

ROMA 16:21

Timote, ngba mi wi dɛa toe 'da Nwa, fala nɛ kpo do onya mi be Yudanɔ, Lusiusi, Yasoni, do Sosipatɛrɛ, wa hã balɛ hã nɛ.

1 KORINTƐ 4:17

Ma kɛ mi tumba Timote hã nɛ, takɔ a gba sɛ tɛ zu nɛ ngɔ mbula ngɔ dɛa toe 'da Kristo, kɛ mi dɛ ma, nɛ mi be ma hã Owi Kristonɔ falanɔ vɛ́ ni. Timote ni a be kɛ a ngɔ sila mi, nɛ a dɛ mbulanɔ 'da Nwa do wala do nɛ.

EFƐZƐ 1:13

Nɛ nɛ, ogele winɔ tɛ mɛ 'bɔ, kɛ nɛ mba kpo do Kristo ni, nɛ zila Dia Sakoe, kɛ mɛ a gbãlã we 'da Gale ni, nɛ ma hã kpasi hã nɛ, nɛ nɛ kɔ̃a zu li Kristo. Nɛ Gale gɔnɔ dã tɛ nɛ we be na, nɛ hɔa owinɔ 'da a. Dã ni wi a Hi Wi Santo, kɛ Gale kpua zɛ́ mbulu hã a hã owinɔ 'da a ni.

FILIPƐ 1:1

Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.

FILIPƐ 2:18

Kɔ ma wia tɛ mɛ 'bɔ na, nɛ dɛ yangga, nɛ mi mba do nɛ kɔ yangga ni.

FILIPƐ 2:28

Ma kɛ mi kɔ̃a we gese a hã nɛ dɔ̃, takɔ nɛ zɔ tɛ a, nɛ nɛ dɛ yangga, nɛ 'bakoe 'da mi mbɔkɔ mbe.

1 TƐSALONIKƐ 3:2

nɛ lɛ tumba nya lɛ Timote hã nɛ. A a wi kɛ a mba do lɛ kpo kɔ dɛa to 'da Gale we be Dia Sakoe 'da Kristo. Lɛ tumba a na, a kpãlã sila nɛ, nɛ a nganda kɔ̃a we 'da nɛ na,

1 TƐSALONIKƐ 3:5

Gulu nɛ a mi wè tɛ kunu sila mi gɔ, nɛ mi tumba Timote we zɔ na, kɔ̃a we 'da nɛ ɔ tabi nɛ nde? We kɛ mi dɛ kili na, da dɛ kɔ Satana ɔ́lɔ́ nɛ, kɔ do toe 'da lɛ ɔ yala iko gɔ.

2 TƐSALONIKƐ 1:3

Onyae, ma wia na, lɛ hã iɔ̃nae hã Gale we duzu nɛ 'da fala fai. Lɛ wia tɛ dɛ na mɛ ni gbãlã we, mba gɔ, kɔ̃a we 'da nɛ dɛ 'da Gale, do kɔ̃ ngba wi 'da nɛ ma gã dɛ dati gã fai.

2 TIMOTE 1:12

Kɔ we duzu ki ni, ma kɛ mi kunu sila mi kɔ ngamɛnɔ mi kpa gɛ. Nɛ sape nɛ bá li mi gɔ, we kɛ mi ĩ ti wi kɛ mi gbini zã mi do a ni. Nɛ mi ĩ ngboo na, a do ngawi we fɔmɔ wenɔ kɛ a hã hã mi ni, gbaa we hɔ ngba soe tɛa 'da a.

ZAKE 4:15

Nɛ wia sɔ we tɔ̃ na: “Nwa kɔ̃, hã lɛ 'bana nza, nɛ lɛ dɛ sɛ kɛ gɛ, tabi ki ni.”

1 PETRO 1:21

Kɔ we duzu a, nɛ nɛ kɔ̃a zu li Gale, kɛ a tunu zi a kɔ fio, nɛ a hã dɔ̃lɔ̃ li hã a ni. Gale dɛa ni, takɔ nɛ ɔ do kɔ̃a we, nɛ nɛ gbini 'bɔ zã nɛ do a.