FILIPƐ 2:17 - WE NU GALE 1995

¹⁷ Kɔ̃a we 'da nɛ ɔ nɛ dɔnggamɔ kɛ nɛ dɔnggɔ do Gale ni. Kɔ fala kɛ ma we na, tɔkɔ tɛ mi ma a nù we mba do dɔnggamɛ 'da nɛ ni, nɛ mi dɛ sɛ yangga wena, nɛ nɛ mba sɛ do mi kɔ yangga ni.

FILIPƐ 2:17 Cross References

Tɔlɔ Mɔ 28:6

Dɔnggamɛ tũi kpo kpo ni, ma we sɛ kɔ do kɛ nɛ dɔngga zi do mi dati tɛ ngɔ kala Sinai i, nɛ zɛ̃ we nɛ unu zi mi, nɛ ma dɛ yangga tɛ mi ni.

Tɔlɔ Mɔ 28:7

Nɛ dɛ ngɔ bata wele kɛ nɛ dɔ sɛ a do titole ni, nɛ tɛ sɛ do dɔ́ litrɛ kpo do dɔ nɛ, nɛ nɛ tɛnɛ ma dɛ ngɔ gbagala we dɔnggɔ do mi NWA.

Owi Nɛ Tonɔ 20:24

Nɛ nde we duzu mi, mi lénggé do kpasi 'da mi gɔ. Mi kɔ̃a tati nɛ na, mi dɛ toe 'da mi gbaa, kɔ mi hɔ ndɔti nɛ. Mi kɔ̃a na, mi hɔ sɔkpɔ toe kɛ Nwa Yezu hã ma hã mi na, mi tɔ̃ sako dia zã 'da Gale hã winɔ ni.

Owi Nɛ Tonɔ 21:13

Nɛ a gese hã lɛ na: “Gulu kɛ nɛ he, nɛ nɛ gɛ tɛ mi ni we ge nde? Gɛnɛ kɔ wa ba mi Yeruzalɛmɛ i, kɔ wa ɛnzɛ mi, kɔ wa gbɛ mi we Nwa Yezu, nɛ mi kɔ̃ sɛ iko.”

ROMA 12:1

Aa onyae, ɔ nɛ kɛ Gale bia dia zã 'da a hã lɛ na mɛ ni, mi aka nɛ na, nɛ há kpasi 'da nɛ vɛ hã Gale ɔ nɛ dɔnggamɔ kɛ wa dɔ hã a ni, nɛ hã tɛ nɛ we do kɛ na, nɛ hã yangga hã a, nɛ a kɔ̃ gɛnɛ nɛ. Ki ni mɛ a ngbongbo wala kɛ nɛ wia we dɔnggɔ do Gale gɛ a ni.

ROMA 15:16

nɛ a ia mi do wi dɛa toe 'da Yezu Kristo sanga ogele winɔ. Mi dɛa to be Dia Sakoe 'da a, ɔ nɛ kɛ mi a nganga ni, takɔ owinɔ kɛ wa a Oyuda gɔ ni, wa hɔ dia dɔnggamɔ kɛ mi hã ma hã Gale ni. Dɔnggamɛ ni, Hi Wi Santo 'dafa ma na, ma ɔ santo li Gale, nɛ ma hã yangga hã a.

2 KORINTƐ 12:15

Kɔ we mi, mi wia tɛ ɔ do yangga fala kɛ ma we na, mi 'dɔlɔ kpamɛnɔ 'da mi vɛ̃, nɛ mi 'dɔlɔ 'bɔ kili tɛ mi dɛ ngɔ nɛ we gala do kɔ̃a we 'da nɛ ni. Kɔ nɛ́ kɛ mi kɔ̃ gɛnɛ nɛ wena ni, nɛ gulu kɛ nɛ kɔ̃̀ gɛnɛ mi gɔ we ge nde?

2 KORINTƐ 4:12

Na mɛ ni, fio tɛ ngɛ'dɛ lɛ, nɛ nde nɛ do kpasi.

2 KORINTƐ 6:10

Lɛ ɔ li wa nɛ Owi 'bako ni, nɛ nde lɛ fai do yangga. Wa zɔ lɛ nɛ́ Owi sã ni, nɛ nde Owele wena wa hɔa wi kpamɔ li Gale we duzu lɛ. Ma ɔ nɛ kɛ fo mɔ mɔ́ lɛ bina ni, nɛ nde lɛ zɔ̀lɔ̀ mɔ kpo gɔ.

2 KORINTƐ 7:4

Mi do kafi ngɔ nɛ bina, nɛ mi dɔnggɔ tɛ mi do nɛ. Nɛ kɔ 'bakonɔ vɛ́ lɛ kpa ni, nɛ nde mi mbɔ́kɔ́ gɔ, nɛ mi do yangga wena.

FILIPƐ 1:20

Mɛ mi kɔ̃a ma ngboo, nɛ mi e sila mi ngɔ ma vɛ ni, mɛ a kɛ na, dɔ mi dɛ́ mɔ kɛ ma hã sape hã mi ni gɔ. Nɛ nde di ngangga ni, do 'da fala fai, tabi mi 'bana nza, tabi mi fe nde, nɛ mi sɛ do nɔa sila na, dɛa mɔ tɛ mi vɛ́ hã dɔ̃lɔ̃ li hã Yezu Kristo.

FILIPƐ 2:18

Kɔ ma wia tɛ mɛ 'bɔ na, nɛ dɛ yangga, nɛ mi mba do nɛ kɔ yangga ni.

FILIPƐ 2:30

Mba gɔ, a hɔa fɛna fio kɔ dɛa toe 'da Kristo. A kã zi tɛ̃ a hã fio we gala mi do mɛ kɛ nɛ wè zi tɛ dɛ nɛ gɔ ni.

FILIPƐ 4:18

Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.

KƆLƆSƐ 1:24

Nɛ ngangga gɛ, zɛlɛ tɛnɔ mi kpa we duzu nɛ ni, ma hã yangga hã mi. Mba gɔ, ngamɛnɔ mi zɔ kɔ kili tɛ mi ni, ma gbala nu kɛnɔ Yezu zɔa zi ma we Eklezia, kɛ mɛ a kili tɛ̃ a ni.

1 TƐSALONIKƐ 2:8

Lɛ kɔ̃ zi gɛnɛ nɛ wena, ma kɛ lɛ bè zi hã nɛ tati a Dia Sakoe 'da Gale iko gɔ, nɛ nde lɛ kɔ̃a zi 'bɔ we ba tɛ lɛ vɛ hã nɛ, we kɛ nɛ ngɔ sila lɛ.

2 TIMOTE 4:6

Kɔ we mi, ngba soe kɛ na mi hã tɛ mi nɛ́ dɔnggamɔ hã Gale ni ma wia ia. Tũ fio 'da mi ma kɔla ia.

1 PETRO 2:5

Kɔ ma wia na, nɛ winɔ kɛ nɛ kpa kpasi ni, nɛ ɔ tɛ mɛ 'bɔ nɛ tanɔ ni, takɔ Gale dɛ nɛ do tɔa ɔi 'da Hi Wi 'da a. Kɔ tɔa ni, nɛ sɛ a onganga santonɔ 'da a, takɔ nɛ hã dɔnggamɔ hã a do sila nɛ kpo. Dɔnggamɛ ni ma hã sɛ yangga hã a, we kɛ nɛ hã ma do wala 'da Yezu Kristo ni.

1 YOANƐ 3:16

Yezu bia tɛlɛ tɛ kɛ wele wia we kɔ̃ do gɛnɛ ngba a ni hã lɛ: A hã tɛ̃ a, nɛ a fia we duzu lɛ. Kɔ ní, nɛ lɛ wia we hã tɛ mɛ 'bɔ tɛ lɛ we duzu ongba lɛ.