FILIPƐ 2:16 - WE NU GALE 1995

¹⁶ Nɛ nɛ bé Dia Sakoe kɛ ma hã kpasi ni hã wa. Kɔ nɛ dɛ ni, nɛ mi dɔnggɔ sɛ tɛ mi do nɛ, do 'da fala kɛ Kristo a tɛ sɛ nɛ ni. Mba gɔ, ki ni ma be sɛ na, olo toe mi dɛa zi, do ngamɛnɔ mi zɔa zi ni, ma ɔ̀ yala iko gɔ.

FILIPƐ 2:16 Cross References

Zumanɔ 40:9

Aa Gale 'da mi, mi kɔ̃a we dɛ mɛnɔ kɛ ma de tɛ mɔ ni, nɛ mi usu mbulanɔ 'da mɔ dɛ kɔ sila mi.”

Zumanɔ 71:17

Aa Gale, yolo ngɔ be tɛ mi, mɔ bia zi mbula hã mi, nɛ mi 'bana tɛ tɔ̃ lɛnggɛ ɔngbamɛnɔ 'da mɔ gbaa tia do sɔɛ gɛ.

Ezai 49:4

Mi lengge zi na, mi dɛa to, nɛ ngawi 'da mi ia yala iko, mi kpà mɔ kpo olo nɛ gɔ. Nɛ nde ma a ni gɔ, NWA Gale bia hã mi na, a yolo sɛ 'do mi, nɛ a hã sɛ dia mɔ olo dɛa toe 'da mi hã mi.

MATIE 10:27

Wenɔ vɛ̃ kɛ mi tɔ̃ hã nɛ do ti tũ nɛ ni, nɛ bé ma dɛ wila fala, nɛ wenɔ kɛ wa fɔ̃lɔ̃ dɛ zala nɛ ni, nɛ sá do mbila li fanda nza nga.

LUKA 12:8

“Mi tɔ̃ hã nɛ na, wi kɛ a tɔ̃ dɛ li owele na, ɛ a wi 'da mi ni, nɛ mi Be 'da Wele, mi tɔ̃ sɛ tɛ mɛ 'bɔ dɛ li oanzɛnɔ 'da Gale vɛ̃ na, wi ni a wi 'da mi.

YOANƐ 6:63

Wi a Hi Wi 'da Gale a hã kpasi hã winɔ. Wele wè tɛ dɛ mɔ do ngawi 'da a zu a kpo gɔ. Kɔ wenɔ mi tɔ̃ ma gɛ, ma yula kɔ Hi Wi 'da Gale, nɛ ma hã kpasi hã wele.

YOANƐ 6:68

Nɛ Simɔ Petro gese hã a na: “Nwa, lɛ nɛ la dɛ 'da wio nde? Wenɔ mɔ tɔ̃ ni, mɛ a we kɛ ma hã kpasi kɛ ma é sɛ gɔ ni.

Owi Nɛ Tonɔ 13:26

“Onyae, obe zã Abrahama, do nɛ, ogele winɔ kɛ nɛ dɔnggɔ Gale dɔngga ni, owinɔ kɛ Gale tumba toe gɛ hã wa na, ɛ kpasa wa ni, wi a lɛ do nɛ vɛ̃.

1 KORINTƐ 1:8

Nɛ Gale a dɛ sɛ na, nɛ yolo nganda gbaa we hɔ tɛ ndɔti nɛ na, dɔ do ngba soe Nwa 'da lɛ Yezu Kristo a tɛ sɛ nɛ ni, nɛ nɛ kpá kɔ'da gɔ.

1 KORINTƐ 9:26

Kɔ we duzu ma, mi ma ngɔ yu nɛ, nɛ mi kala li mi vɛ dɛ tɛ mɛ mi yu we nɛ ni. Nɛ mi ɔ 'bɔ nɛ wi bi bolo, kɛ a dá kɔ̃ a mba mba iko gɔ, nɛ nde a ha haka, sɛ nɛ a da de ni.

GALATI 2:2

Mi gili zi tɛ mi i mɔ, we kɛ Gale bia zi hã mi na mi nɛ. Kɔ mi hɔa i mɔ, nɛ lɛ mba li ngba lɛ tati nɛ do Owi zɔ mɔ tɛ eklezianɔ iko, nɛ mi bia gulu Dia Sakoe kɛ mi be hã winɔ kɛ wa a Oyuda gɔ ni hã wa. Mba gɔ, mi dɛ zi kili na, da dɛ kɔ dɛa toe kɛ mi tɛ dɛ ma ni, tabi kɛ mi dɛa zi ia ni, ma ɔ́ yala iko gɔ.

GALATI 4:11

Kɛ nɛ dɛ ni, kili nɛ ba mi wena na, dɔ olo dɛa toe 'da mi sanga nɛ ɔ́ yala iko gɔ.

FILIPƐ 1:10

we saka mɛ kɛ ma dia nɛa ngɔ ngbɛ ɛ ni. Na mɛ ni, sila nɛ sɛ a sa, nɛ do ngba soe kɛ Yezu Kristo a tɛ sɛ nɛ ni, nɛ nde nɛ kpá sɛ kɔ'da gɔ.

FILIPƐ 1:6

Gbãlã we, mi ĩ na, Gale kɛ a ndua nyanga dɛ dia to kɔ sila nɛ ni, a 'bana sɛ tɛ dɛ na mɛ ni fai, gbaa we sɔkpɔ do ngba soe kɛ Yezu Kristo a tɛ sɛ nɛ ni.

1 TƐSALONIKƐ 2:19

Mba gɔ, 'da fala Nwa 'da lɛ Yezu a hɔ sɛ nɛ ni, nɛ lɛ gbini sɛ zã lɛ do wio nde? Nɛ lɛ dɛ sɛ yangga we wio nde? Lɛ dɔnggɔ sɛ tɛ lɛ gbali a do wio nde? Lɛ dɔ́nggɔ́ sɛ tɛ lɛ tati a do nɛ gɔ nde?

1 TƐSALONIKƐ 3:5

Gulu nɛ a mi wè tɛ kunu sila mi gɔ, nɛ mi tumba Timote we zɔ na, kɔ̃a we 'da nɛ ɔ tabi nɛ nde? We kɛ mi dɛ kili na, da dɛ kɔ Satana ɔ́lɔ́ nɛ, kɔ do toe 'da lɛ ɔ yala iko gɔ.

OHEBRE 4:12

Nɛ ĩ na, we nu Gale ma do kpasi, nɛ ma do ngawi. Nu nɛ tɔ̃a nɛa ngɔ tɔ̃a nu kɔya kɛ nu ma bɔa ni. Ma dumu wele, nɛ ma le gbaa nɛ ma kɛ sanga sila wi do hi wi, nɛ ma nɛ, nɛ ma kpa gbãlã, do mbɔnggɔ zã nɛ. We nu Gale ma be linggamɔ kɔ sila wele, do mɛnɔ a do wɔ nɛ ni dɛ nza.

1 PETRO 1:23

Nɛ ĩ́ na, wa kua nɛ fala bɔa. Wi ko nɛ, wi a obaa wi kɛ wa fe fio fia ni gɔ, nɛ nde wi a Baa nɛ Gale kɛ a fé fio gɔ ni. A kua nɛ do we nu a kɛ ma hã kpasi, nɛ ma 'bana sɛ fai ndɔti nɛ bina ni.

1 YOANƐ 1:1

Lɛ kɔma mbɛti gɛ hã nɛ ngɔ We nu Gale kɛ ma hã kpasi ni. Do kuti kɛ kurr na, Gale dɛ mɛnɔ ngɔ nù gɛ vɛ ni, nɛ nde We nu Gale zɛ́ boe. Nɛ We nu Gale bia tɛ ɛ, nɛ lɛ zila wala gɛlɛ a do zala lɛ, nɛ lɛ zɔ a do gbali lɛ. Lɛ soko zi a ngboo, nɛ lɛ 'be tɛ̃ a do kɔ̃ lɛ.

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.