FILIPƐ 2:15 - WE NU GALE 1995

¹⁵ Nɛ dúngú do sa sila, nɛ nɛ tɛ dɛ̀ mɔ kɛ wa wia we kɔ'dɔ nɛ we nɛ ni gɔ. Nɛ ɔ́ benɔ 'da Gale, nɛ 'dã mɔ tɛ ɔ̀ kɔ nɛ gɔ. Nɛ nɛ tó ɔ nɛ sɔla ni sanga winɔ nù gɛ, kɛ wa a owi 'dã hã, do Owi nga zu ni.

FILIPƐ 2:15 Cross References

Zumanɔ 122:5

Obe zã Davidi wa dungu nwa dɛ dɛ, nɛ wa 'bili we 'da owinɔ 'da wa.

Kulu Tɔa 34:35

Nɛ do 'da fala ni, obe Israɛlɛ wa wia zi we zɔ sanga li a kɛ ma ndele ni. Dɛ 'do nɛ, nɛ Mɔizɛ gu tuli dɛ li ɛ gbaa, we 'bɔ 'da fala kɛ a nɛ we tɔ̃ lɛnggɛ do Gale ni.

GBA WENƆ 4:18

Nɛ nde dɛa to tɛ owi bɔlɔ zunɔ, ma ɔ nɛ wese kɛ ma gba do titole, nɛ ma to dɛ dati gbaa na, ma hɔa ngɔ ni.

GBA WENƆ 8:8

Mi wele tati a we kɛ ma ɔ bɔlɔ, nɛ bɛlɛ tabi ɔlɔ wi kɔ nu mi bina.

Ezai 60:1

Aa nɛ, owi Yeruzalɛmɛ, nɛ kúlú ngɔ hã nɛ nyɛ ɔ nɛ we ni. Nɛ bé dɔ̃lɔ̃ li 'da NWA kɛ ma to dɛ tɛ nɛ ɔ nɛ sala soe ni.

DANIƐLƐ 6:4

Hã zã dɛa toe 'da Daniɛlɛ nɛa ngɔ wanɔ bɔa ni, nɛ ma nɛ 'bɔ ngɔ kɛ 'da okosolo nwanɔ vɛ̃. We duzu ma, nwa Dariusi kɔ̃a we e to mbati ngɔ nùi 'da a vɛ̃ dɛ kɔ̃ Daniɛlɛ.

MATIE 10:16

“Nɛ zélé! Mi tumba nɛ, nɛ nɛ ɔ sɛ nɛ obata kɛ wa lia sanga ogɔ̃̀ ni. Kɔ li nɛ sɔ̃́ nɛ́ li gɔ̃ ni, nɛ sila nɛ gɛ̃ ɔ nɛ sila gbakulĩ ni.

MATIE 17:17

Nɛ Yezu tɔ̃ na: “O! Aa nɛ 'dã winɔ gɛ! Gulu kɛ nɛ do kɔ̃a we dɛ 'da Gale bina we ge nde? Mi 'bana sɛ 'bɔ do nɛ gbaa soe ki nge nde? Mi kunu sɛ sila mi dɛ tɛ nɛ fai nde? Nɛ tɛ́ do be hã mi!” Nɛ wa tɛa do be hã a.

MATIE 5:45

nɛ nɛ sɛ a ngbongbo benɔ 'da Baa nɛ, kɛ a li nza i ni. We kɛ a dɛ na, wese 'da a to dɛ ngɔ o'dã winɔ do odia winɔ, nɛ kole 'da a tɛ dɛ ngɔ owi dɛ de mɛnɔ do Owi dɛ 'dã mɛnɔ vɛ̃.

MATIE 5:48

Ma wia na, dɛa mɔ tɛ nɛ we ngboo, ɔ nɛ kɛ 'da Baa nɛ, kɛ a li nza i ni.

LUKA 1:6

Zakaria do wuke 'da a, wa zi bɔa nɛ a owi bɔlɔ zu dati Gale. Nɛ wa dɔnggɔ zi mbulanɔ 'da Nwa vɛ̃.

LUKA 6:35

Nɛ nde kɛ 'da nɛ, nɛ kɔ̃́ gɛnɛ owi sɛnɛ nɛ, nɛ nɛ dɛ de mɔ hã wa. Fala kɛ nɛ e gbã zu Owele nde, nɛ nɛ tɛ 'bɔ̀ na, wa gese olo nɛ hã nɛ gɔ. Nɛ nɛ kpa sɛ si olo nɛ gã wena, nɛ nɛ sɛ a obenɔ 'da Gale, kɛ a nɛa ngɔ mɛnɔ vɛ̃ ni. We kɛ Gale dɛ de mɔ hã o'dã winɔ, do owinɔ kɛ wa dɔ́nggɔ́ de mɛ wa dɛa do wa gɔ ni.

YOANƐ 5:35

Yoanɛ ɔ zi nɛ tanda kɛ ma nyɛ nyɛa ni, nɛ do be kɔ̃ tũi a zi nɛ ni, nɛ dɛa zi yangga we zɔ nyɛa we 'da a.

Owi Nɛ Tonɔ 2:40

Nɛ Petro tɔ̃a 'bɔ ogele lɛnggɛ hã wa wena, we kpãlã sila wa, takɔ wa kɔ̃ zu li Yezu. A na: “Nɛ yú tɛ nɛ sanga owinɔ kɛ wa yɔa wala ia gɛ, kɔ nɛ kpasa!”

Owi Nɛ Tonɔ 20:30

Dɛ sanga nɛ ni ngboo, ombe wa 'bili sɛ bɛlɛ we kala wi kɔ̃a wenɔ, takɔ wa nɛ 'dɔkɔlɔ wa.

ROMA 16:19

Nɛ nde kɛ 'da nɛ, nɛ kɔ̃a zu li Nwa, nɛ winɔ vɛ́ wa zila sako kɔ̃a we 'da nɛ, nɛ ma hã yangga hã mi wena. Nɛ mi kɔ̃a na, nɛ ĩ ti mɛ kɛ ma a dia ni, takɔ nɛ dɛ ma, nɛ nɛ tɛ kɔ̀lɔ̀ do 'dã mɔ gɔ.

1 KORINTƐ 1:8

Nɛ Gale a dɛ sɛ na, nɛ yolo nganda gbaa we hɔ tɛ ndɔti nɛ na, dɔ do ngba soe Nwa 'da lɛ Yezu Kristo a tɛ sɛ nɛ ni, nɛ nɛ kpá kɔ'da gɔ.

2 KORINTƐ 6:17

We duzu ma, Nwa Gale tɔ̃a na: “Nɛ yú wa, nɛ nɛ fó tɛ nɛ sanga wa. Nɛ tɛ kɔ̀lɔ̀ do mɔ ndinɔ 'da wa gɔ. Nɛ dɛ́ na mɛ ni, nɛ mi kɔ̃ sɛ gɛnɛ nɛ.

EFƐZƐ 5:27

A kɔ̃a zi na, Eklezia ma hɔ dia mɔ li a wele nɛ. A kɔ̃̀ zi na, mɔ ndi, do yɔa ti dɛa mɔ, do gele 'dã mɔ ɔ kɔ nɛ gɔ, nɛ nde ma ɔ santo, nɛ ma we ngboo.

Mbulanɔ 32:5

Nɛ nde nɛ a owi dɛ 'dã mɔ, nɛ do dia linggamɔ zu nɛ bina. Nɛ a owi dɛ mɔ sape, nɛ dɛa 'dã mɔ dɛ 'da NWA.

FILIPƐ 1:10

we saka mɛ kɛ ma dia nɛa ngɔ ngbɛ ɛ ni. Na mɛ ni, sila nɛ sɛ a sa, nɛ do ngba soe kɛ Yezu Kristo a tɛ sɛ nɛ ni, nɛ nde nɛ kpá sɛ kɔ'da gɔ.

FILIPƐ 3:6

Mi ba zi tɛ mi vɛ̃ we dɛ to hã Gale, nɛ mi zɛlɛ zi 'bɔ tɛ oeklezianɔ. Nɛ mi hã tɛ mi vɛ̃ we dɛ mbula 'da Oyudanɔ, takɔ mi hɔ wi bɔlɔ zu li Gale, nɛ a kpà mɔ kɛ na a kɔ'dɔ mi ngɔ nɛ ni gɔ.

1 TƐSALONIKƐ 5:23

E kɔ Gale, wele gɛa sila dɛ na, nɛ hɔ owinɔ 'da a ngboo, nɛ a zɔ́ mɔ tɛ hi nɛ, do sila nɛ, do kifi tɛ nɛ vɛ̃ do dia nɛ na, da dɛ kɔ nɛ kpá kɔ'dɔ wi do ngba soe kɛ Nwa 'da lɛ Yezu Kristo a tɛ sɛ nɛ ni gɔ.

1 TIMOTE 3:10

Nɛ nde ma wia na, wa yamba owinɔ ni dati. Kɔ fala kɛ wa zɔ na, fo mɔ kɔ'dɔ wa we nɛ bina, sɛ nɛ wa hɔ owi 'dafa to kɔ eklezia de.

1 TIMOTE 3:2

Ma wia na, wi zɔ mɔ tɛ eklezia ɔ wi kɛ wa wè tɛ kɔ'dɔ a tɛ mɔ kpo gɔ ni. A ɔ́ do kɛnɛ a kpo, a ɔ́ wi gbisa zu, a dĩ́lĩ́ fala tɛ a, nɛ a dɛ́ mɔ tɛ̃ a do li zuma nɛ. A dɛ́ gɛnɛ owinɔ wa tɛ 'da a ni, nɛ a ĩ́ ti be we ngboo.

1 TIMOTE 5:14

Ma kɛ mi kɔ̃a na, wuko fio wilinɔ kɛ wa 'bana do be zɔnga ni, wa bá mbé wili, hã wa ko obe, nɛ wa dɛ to nu tɔa wili 'da wa na, dɔ ma hã wala hã Owi sɛnɛ lɛ na, wa tɔ̃ 'dã we tɛ lɛ gɔ.

1 TIMOTE 5:20

Fala kɛ mbe winɔ wa dɛ 'dã mɔ nde, nɛ mɔ dãlã dɛ tɛ wa dɛ li owinɔ vɛ, sɛ nɛ ogele wanɔ wa dɛ sɛ kili de.

1 TIMOTE 5:7

Ma wia na, mɔ tɔ̃ we ni do mbula hã wa, dɔ owele wa kɔ́'dɔ́ wa gɔ.

TITO 1:6

Wi mɔ nɛ e a ni, a ɔ wi kɛ wa wè tɛ kɔ'dɔ a tɛ mɔ kpo gɔ ni. A ɔ do kɛnɛ a kpo, nɛ obenɔ 'da a wa ɔ owi kɔ̃a we, kɛ Owele wa wè tɛ kɔ'dɔ wa we yia dɛa mɔ, tabi we nga zu gɔ ni.

TITO 2:10

nɛ wa tɛ zu mɔ kɔ̃ wa gɔ. Nɛ nde ma wia na, wa dɛ tonɔ 'da wa we do kɛ na, Owele wa kɔ̃ gɛnɛ wa. Na mɛ ni, nɛ we nu Gale, Wi kpasa lɛ, ma kpa sɛ dɔ̃lɔ̃ li kɔ mɛnɔ vɛ̃ wa dɛ ni.

TITO 2:15

Kɔ mɔ té wenɔ gɛ hã winɔ 'da mɔ. Mɔ kpala sila wa, nɛ mɔ kɔ'dɔ wa do ngawi kɛ Gale hã hã mɔ ni. Nɛ mɔ tɛ kɔ na, wele zɔ mɔ li a yala iko gɔ.

OHEBRE 7:26

Na mɛ ni, Yezu a gã nwa nganga kɛ a wia do lɛ ngboo ni. A a santo, a dè 'dã mɔ gɔ, nɛ fo 'dã mɔ kɔ a bina. Gale fua zi a sanga o'dã winɔ, nɛ a ba a dɛ li nza ngɔ i.

1 PETRO 2:12

Nɛ dɛ́ bɔlɔ zu dɛa mɔ sanga owinɔ kɛ wa tɛ ĩ̀ ti Gale gɔ ni. Nɛ dɛ ní, hã gɛnɛ kɔ wa tɔ̃ na, nɛ a o'dã wi, nɛ wa zɔ sɛ de dɛa mɛnɔ kɛ nɛ dɛ ma fai ni, nɛ wa dɔnggɔ sɛ Gale do ngba soe kɛ a tɛ sɛ nɛ ni.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.

2 PETRO 3:14

We duzu ma, oyali ngba mi, mi tɔ̃ hã nɛ na, 'da fala nɛ tɛ 'bɔ 'da tũ hɔa 'da Nwa 'da lɛ ni, ma wia na, nɛ dɛ nganda, dɔ nɛ hɔ́ li a do 'dã mɔ gɔ, kɔ nɛ ɔ do gɛ̃a sila dati a.

USU MƐNƆ 2:5

Kɔ nɛ lénggé do tɛlɛ tɛ kɛ kɔ̃a we 'da nɛ zi nɛ, nɛ ma dia nɛ ge nde ni, kɔ nɛ kífí sila nɛ, nɛ nɛ dɛ́ mɔ tɛ nɛ ɔ nɛ kɛ nɛ dɛ zi dati ni. Ní gɔ, nɛ mi tɛ sɛ, nɛ mi fo mɔ e do mwinda 'da nɛ tɛ fala ma nɛ ni do'do.

USU MƐNƆ 3:9

Kɔ nɛ zɔ́ mɛnɔ mi nɛ dɛ sɛ do gili winɔ 'da Satana, kɛ wa 'bili bɛlɛ, nɛ wa tɔ̃ na, lo a Oyuda, nɛ nde wa a Yuda gɔ ni. Mi ngbɔkɔ sɛ wa na, wa nɛ 'da nɛ i, nɛ wa gu gba zugolo dati nɛ, nɛ wa ĩ sɛ na, mi kɔ̃a gɛnɛ nɛ.