FILIPƐ 2:13 - WE NU GALE 1995

¹³ We kɛ Gale tɛ dɛ to kɔ sila nɛ na, nɛ kpa wɔ tɛ mɛnɔ kɛ ma de tɛ̃ a ni, nɛ nɛ kpa 'bɔ ngawi we dɛ ma.

FILIPƐ 2:13 Cross References

1 Onwanɔ 8:58

“Mi aka 'bɔ NWA na, a dɛ na sila lɛ 'bana ngɔ a fai, sɛ a lɛ dɛa to tɛ lɛ ɔ nɛ kɛ a kɔ̃a ni de. A dɛ 'bɔ ni, sɛ a lɛ dɛa olo nu a, do mbulanɔ a ba zi hã oyaa lɛ ni de.

2 Sakonɔ 30:12

Nɛ NWA Gale dɛa zi na, owinɔ ngɔ nù Yuda vɛ̃ wa ɔ do sila wa kpo, we zele we nu a do wala 'da nwa Ezekiasi do ogã winɔ.

Ɛsdrasi 1:1

Do kuti sabɛlɛ dɛa to 'da Sirusi, gã nwa ngɔ nù Pɛrsɛ, nɛ NWA Gale kɔ̃a zi we dɛ olo nu a kɛ a wila zɛ́ do wala 'da wi gba olo nu a Yeremi ni. Nɛ a ia linggamɔ kɔ sila Sirusi na, a sa mbula ngɔ nùi 'da a vɛ̃, nɛ wa kɔmɔ 'bɔ ma do mbɛti. Lɛnggɛ ni ma kɛ:

Ɛsdrasi 1:5

Nɛ okpasa wi nu fɛlɛ kulanɔ 'da Yuda do Bɛnzamɛ, wa 'dafa tɛ wa we si dɛ Yeruzalɛmɛ, fala nɛ kpo do onganganɔ, do olevitɛnɔ. Nɛ Gale 'dafa linggamɔ zu owinɔ vɛ̃ na, wa ba tɛ wa we dɛ mbé tɔa Tɛmpɛlo tɛ Yeruzalɛmɛ i.

Ɛsdrasi 7:27

Nɛ Ɛsdrasi tɔ̃ na: “E kɔ NWA Gale 'da oyaa lɛ kpa dɔ̃lɔ̃ li, we duzu kɛ a ia linggamɔ kɔ sila gã nwa we dɔnggɔ Tɛmpɛloe 'da a tɛ Yeruzalɛmɛ.

NEHEMIE 2:4

Nɛ gã nwa aka 'bɔ mi na: “Ní a mɔ kɔ̃a ge nde?” Nɛ mi aka Gale li nza i do ti,

YƆBƆ 33:29

Na mɛ ni, Gale kpasa Owele fala dɛlɛ wena, ɔ nɛ kɛ ma wia li a ni.

Zumanɔ 110:3

Do ngba soe mɔ nɛ bi Owi sɛnɛ mɔ ni, nɛ onga sodanɔ wa kã sɛ mɔ do dia sila, nɛ obe zagbãlãnɔ wa mba sɛ do mɔ fala nɛ kpo tɛ ngɔ kala santo, nɛ wa kpa falanɔ vɛ̃ ɔ nɛ mbɔɛ titole ni.

Zumanɔ 119:36

Mɔ é wɔ dɛ mbulanɔ 'da mɔ kɔ sila mi, nɛ ma nɛ ngɔ wɔ fa kpamɔ.

Zumanɔ 141:4

Mɔ fó linggamɔ dɛ 'dã mɔ kɔ sila mi, nɛ mɔ dɛ́ na, mi tɛ lè sanga o'dã winɔ, hã mi mba do wa we dɛ 'dã mɔ gɔ. E kɔ mɔ zɔ mɔ tɛ mi na, dɔ mi lé kɔ ɛngga 'da wa, hã mi nyɔngɔ mɛ 'da wa gɔ.

GBA WENƆ 21:1

Linggamɔ zã nwa ngɔ nù ma ɔ dɛ kɔ̃ Gale nɛ fua lì ni. Ma kɛ nwa ni a dɛ mɛnɔ vɛ̃ kɛ Gale kɔ̃a na a dɛ ni.

Ezai 26:12

NWA, lɛ ĩ na, mɔ hã sɛ dungu fio hã lɛ, nɛ mɛnɔ vɛ̃ kɛ lɛ dɛ sɛ ma ni, ma be sɛ na mɔ do dia zã we lɛ boe.

Yeremi 31:33

Mbé gba tɔkɛ mi gba sɛ do Oisraɛlɛ ni, ma sɛ nɛ́: Mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa, nɛ mi sɛ a Gale 'da wa, nɛ wa sɛ a owinɔ 'da mi.

Yeremi 32:38

Wa sɛ 'bɔ a owinɔ 'da mi, nɛ mi sɛ a Gale 'da wa.

LUKA 12:32

“Aa nɛ, owinɔ 'da mi, nɛ dɛ̀lɛ̀ gɔ, kɔ nɛ tɛ dɛ̀ kili gɔ. We kɛ Baa nɛ Gale kɔ̃a na, nɛ le kɔ le nwa 'da a.

LUKA 2:14

“Dɔngga wi hã Gale tɛ li nza i, nɛ dungu fio ɔ do winɔ kɛ a kɔ̃a gɛnɛ wa ngɔ nù gɛ ni!”

YOANƐ 3:27

Nɛ Yoanɛ gese hã wa na: “Mɛnɔ vɛ̃ kɛ wele kpa ni, wi a Gale a hã ma hã a.

YOANƐ 6:45

Owi gba olo nu Gale wa kɔma zɛ́ na: ‘Gale a be sɛ we 'da a hã winɔ vɛ̃.’ Kɔ wele kɛ a zele bia we 'da Gale, kɔ a kɔ̃ gɛnɛ nɛ, nɛ a tɛ 'da mi.

YOANƐ 6:65

Nɛ a tɔ̃ 'bɔ hã wa na: “Nɛ zɔ́ gulu kɛ mi tɔ́a hã nɛ na, fala kɛ Baa mi tòmbò wele gɔ, nɛ nde a wè tɛ tɛ dɛ 'da mi gɔ gɛ a ni.”

Owi Nɛ Tonɔ 11:21

Nɛ Nwa Gale hã ngawi hã wa, nɛ Owele wena wa kifi sila wa, nɛ wa kɔ̃a zu li Yezu.

ROMA 12:3

Kɔ we duzu dia zã 'da Gale dɛ 'da mi, mi tɔ̃ hã wele kpo kpo sanga nɛ ni na, nɛ tɛ bà tɛ nɛ dɛ ngɔ nɛ ngɔ kɛ nɛ do ma ni gɔ. Nɛ nde ma wia na, nɛ ɔ do dia linggamɔ, dɔ nɛ hɔ́ wi gã zu gɔ, nɛ wele do wele zɔ́ tɛ̃ a we do kɔ̃a we kɛ Gale hã ma hã a ni.

ROMA 9:11

Nɛ gɛnɛ kɔ benɔ bɔa ni wa 'bana zi dɛ kɔ zã naa wa i, nɛ nde Gale saka zɛ́ mbe sanga wa bɔa ni ia. Nɛ dati kɛ Rebɛka tɛ kò wa, kɔ wa ĩ ti dia mɔ do 'dã mɔ gɔ ni, nɛ nde Gale tɔ̃a zɛ́ hã Rebɛka na: “Kuti be a dɛ sɛ to hã be 'do.” Kɔ Gale dɛa zɛ́ na mɛ ni we be na, a saka winɔ 'da a ɔ nɛ kɛ zã a kɔ̃a ni, nɛ nde mɛ a we duzu dɛa mɔ tɛ wi kɛ a saka a ni gɔ.

ROMA 9:16

Ma be na, Gale sàkà wele we duzu linggamɛ, tabi dɛa mɔ tɛ̃ a gɔ. Nɛ nde a saka wele we 'bakoe a dɛ hã a ni.

1 KORINTƐ 12:6

Wala dɛ do to hã Gale ma dɛlɛ wena, nɛ nde Gale zu a kpo hã a 'dafa tonɔ ni vɛ dɛ kɔ wele do wele na, a dɛ ma.

1 KORINTƐ 15:10

Nɛ nde Gale bia dia zã 'da a hã mi, gulu nɛ a mi ɔ sɔɛ gɛ na mɛ gɛ. Nɛ dia zã Gale bia hã mi ni, ma là yala iko gɔ, we kɛ mi dɛ to wena, mi dɛa nɛa ngɔ Owi nɛ tonɔ vɛ́. Nɛ nde mi dɛ̀ ma do ngawi 'da mi wele nɛ gɔ, mi dɛa do ngawi 'da Gale, kɛ a hã ma hã mi do dia zã 'da a ni.

2 KORINTƐ 3:5

Lɛ ĩ na, lɛ wè tɛ dɛ mɛnɔ ni do ngawi 'da lɛ wele nɛ gɔ, nɛ nde wi a Gale hã a hã ngawi nɛ hã lɛ.

EFƐZƐ 1:11

Nɛ́ kɛ lɛ mba kpo do Kristo ni, Gale ia lɛ do owinɔ 'da a. A dɛa ni, we kɛ a 'bili zɛ́ do kɔ sila a belee we dɛ ma, nɛ a dɛ mɛnɔ vɛ́ nɛ́ kɛ a kɔ̃a ni.

EFƐZƐ 1:5

Gale kɔ̃a gɛnɛ lɛ, ma kɛ a 'bili zɛ́ do kɔ sila a belee na, lɛ sɛ a benɔ 'da a do wala 'da Yezu Kristo. A dɛa zi na mɛ ni do kɔ̃a zã 'da a.

EFƐZƐ 1:9

nɛ a bia usu mɛnɔ kɛ a 'dafa ni hã lɛ na, lɛ ĩ ti nɛ. A 'dafa zɛ́ belee na, a dɛ sɛ linggamɛ 'da a do wala 'da Kristo.

EFƐZƐ 2:8

Mba gɔ, nɛ kpasa we dia zã 'da Gale, do wala kɔ̃a we kɛ nɛ kɔ̃a ni. Kpasi ni ma yòlò kɔ̃ nɛ gɔ, wi a Gale a hã ma hã nɛ.

2 TƐSALONIKƐ 1:11

Gulu nɛ a lɛ sambala Baa lɛ Gale we duzu nɛ fai na, a 'dáfá nɛ, kɔ nɛ we do kpasi kɛ a sa zi mɔ hã nɛ we nɛ ni. Nɛ lɛ aka a na, a hã ngawi 'da a hã nɛ, takɔ nɛ dɛ dia mɛnɔ vɛ kɛ nɛ kɔ̃a we dɛ nɛ ni, nɛ a dɛ 'bɔ na, to olo kɔ̃a we 'da nɛ we ngboo.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

OHEBRE 13:21

E kɔ Gale, wele gɛa sila hã ngawi hã nɛ, we dɛ mɛnɔ vɛ kɛ a kɔ̃a na, nɛ dɛ ma ni. E kɔ Gale dɛ mɛ kɛ ma hã yangga hã a ni kɔ lɛ, do wala 'da Yezu Kristo. E kɔ Yezu Kristo ɔ́ do dɔ̃lɔ̃ li fai! Amɛ.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.