FILIPƐ 2:12 - WE NU GALE 1995

¹² Aa oyali ngba mi, 'da fala kɛ mi zi sanga nɛ i mɔ ni, nɛ zele zi nu mi zila fai. Kɔ ngangga ni, gɛnɛ kɔ mi sanga nɛ bina, nɛ nde ma dia fɛ̃ na, nɛ 'bana tɛ zele nu mi na mɛ ni. Gale kpasa nɛ ia, kɔ nɛ yú kili a, nɛ nɛ dɛ́ nganda na, kpasi 'da nɛ ni we vɛ̃.

FILIPƐ 2:12 Cross References

Ɛsdrasi 10:3

Kɔ ma wia na, lɛ kpo mbulu hã Gale na, lɛ bɛ̃ sɛ owuko gele nunɔ do benɔ 'da wa vɛ̃. Lɛ dɛ sɛ olo mbula kɛ mɔ tɔ́a ni. Nɛ lɛ dɛ sɛ 'bɔ olo nu owinɔ kɛ wa dɛ kili mbula 'da Gale 'da lɛ dɛa ni. E kɔ lɛ dɛ mɛnɔ vɛ̃ kɛ mbula 'da Gale tɔ̃a ni.

Zumanɔ 119:120

Mi tana kili dati mɔ, nɛ kili 'bili wenɔ 'da mɔ ba mi wena.

Zumanɔ 2:11

Nɛ dɛ́ to hã NWA do kili. Nɛ dɔ́nggɔ́ a, nɛ nɛ gu nù ti a, dɔ dã ba a kɔ a gbɛ́ nɛ gɔ, we kɛ be mɔ sĩ, nɛ zã a nɔ̃lɔ̃ do ti. Mɛ a yangga we winɔ wa yu dɛ 'da a na, a kele zu lo ni.

GBA WENƆ 10:16

Dɛ mɔ do bɔlɔ zu, ma 'dafa wele fai. Nɛ nde dɛ mɔ do 'dã nɛ, ma 'danga wele dɛ dati.

GBA WENƆ 13:4

'Bã mɔ mɔ́ wi yɛlɛ do gulu nɛ bina. Nɛ nde wi kɔ̃ dɛa to a kpa sɛ mɛ kɛ a dɛ wɔ tɛ nɛ ni.

Ezai 66:2

Mɛnɔ nyanga nza gɛ vɛ̃, mi dɛa ma do kɔ̃ mi wele nɛ, nɛ mɛ a mɔ́ mi. Nɛ nde wi kɛ a hã yangga hã mi, wi a wi kɛ a ba tɛ̃ a dɛ nù, nɛ a kifi sila a, nɛ a yu kili mi ni.

Ezai 66:5

Aa nɛ, owinɔ kɛ nɛ tana kili we lɛnggɛnɔ kɛ nwa tɔ̃ ni, nɛ zélé we kɛ a tɔ̃a gɛ. A na: “Onya nɛ wa bɛ̃a gɛnɛ nɛ, nɛ wa ndaka nɛ sanga wa, we kɛ nɛ kɔ̃a zu li mi ni. Wa mɔmɔ nɛ, nɛ wa tɔ̃ na: ‘E kɔ nwa be dɔ̃lɔ̃ li 'da a hã nɛ, nɛ a kpasa nɛ, takɔ lɛ zɔ yangga 'da nɛ.’ Nɛ nde wa do tɛ wa, wa kpa sɛ sape.

MATIE 11:12

Ndo nyanga kɛ Yoanɛ ma zi ngɔ be we gbaa we hɔ sɔɛ gɛ ni, nɛ Owele wa wɛlɛ zu le nwa 'da Gale nganda wena. Nɛ owi ngawinɔ wa fa we ba ma.

MATIE 11:29

Nɛ hɔ́ owi dɛa tonɔ 'da mi, nɛ nɛ yambala wenɔ mi be ni, nɛ nɛ kpa sɛ gɛ̃a dungu. We kɛ mi a wi gɛ̃a sila, nɛ zu mi gbese wena.

Owi Nɛ Tonɔ 16:29

Nɛ wi ni sa mɔ na, wa tɛ do tanda, nɛ a wɛlɛ tɛ̃ a dɛ kɔ tɔa bɔlɔkɔ i, nɛ a gu nù ti Polo do Silasi, nɛ tɛ a tana gbulu gbulu.

Owi Nɛ Tonɔ 9:6

Kɔ mɔ kúlú ngɔ, hã mɔ lé dɛ kɔ le i, nɛ wa tɔ̃ sɛ we mɛ mɔ wia tɛ dɛ ma ni hã mɔ.”

ROMA 2:7

A hã sɛ kpasi kɛ ma é gɔ ni hã wanɔ kɛ wa hã tɛ wa we dɛ toe 'da wa do dia nɛ, nɛ wa fa we kpa dɔ̃lɔ̃ li ngboo, do dĩ li Gale, do kpasi kɛ ma 'dángá gɔ ni.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

1 KORINTƐ 2:3

Nɛ 'da fala kɛ mi hɔa zi 'da nɛ ni, nɛ nde mi mbɔkɔ zi wena, mi zi do kili, nɛ tɛ mi tana zi tana.

1 KORINTƐ 4:14

Mi kɔ̀mɔ̀ mbɛti gɛ na, ma hã sape hã nɛ gɔ, nɛ nde mi kɔma ma we gbese zu nɛ gbisa, we duzu kɛ nɛ a obenɔ 'da mi ngɔ sila mi.

2 KORINTƐ 7:15

'Da fala kɛ Tito ma ngɔ lengge do tɛlɛ tɛ kɛ nɛ kɔ̃a zi gɛnɛ a, nɛ nɛ zila we nu a, nɛ nɛ dɛa kili a ni, nɛ kɔ̃a zã 'da a dɛ 'da nɛ ma gã dɛ dati.

EFƐZƐ 6:5

Nɛ, ongbánɔ, nɛ zélé nu Owele nɛ ngɔ nù gɛ. Nɛ dɛ́ kili wa, nɛ nɛ dɔ́nggɔ́ wa do sila nɛ kpo, ɔ nɛ kɛ nɛ dɛ hã Kristo ni.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

FILIPƐ 1:29

Mba gɔ, Gale bia dia zã 'da a hã nɛ na, nɛ ɔ owinɔ 'da Kristo. A sàkà nɛ na, nɛ kɔ̃ zu li Kristo iko gɔ, nɛ nde nɛ zɔ 'bɔ ngamɔ we duzu a.

FILIPƐ 1:5

we duzu kɛ ndo do kɔ̃ tũi kɛ nɛ kɔ̃a zi do zu li Yezu ni, nɛ gala lɛ tɛ to be Dia Sakoe gbaa we hɔ sɔɛ gɛ.

FILIPƐ 1:6

Gbãlã we, mi ĩ na, Gale kɛ a ndua nyanga dɛ dia to kɔ sila nɛ ni, a 'bana sɛ tɛ dɛ na mɛ ni fai, gbaa we sɔkpɔ do ngba soe kɛ Yezu Kristo a tɛ sɛ nɛ ni.

FILIPƐ 2:19

Mi gbini zã mi do Nwa Yezu na, a hã wala hã mi, hã mi tombo Timote 'da nɛ i dɔ̃ gɛ, kɔ a si do Sakonɔ 'da nɛ hã mi, hã sila mi gɛ.

FILIPƐ 4:1

We duzu ma, onyae ngɔ sila mi gɛ, mi do wɔ wena we zɔ nɛ. Mi dɛ yangga we duzu nɛ, nɛ mi dɔnggɔ tɛ mi do nɛ. Kɔ oyali ngba mi, mi aka nɛ na, nɛ yóló nganda we duzu Nwa kɛ nɛ mba do a ni.

FILIPƐ 4:15

Nɛ, owi Filipɛ, nɛ ĩ na, 'da fala mi ndua zi nyanga be Dia Sakoe, nɛ mi kulu ngɔ Masedɔanɛ ni, nɛ nde eklezia kpo gbàkà zi mi do mbili gɔ, fo tati a nɛ iko.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

2 TIMOTE 2:10

We duzu ma, mi kunu sila mi kɔ ngamɛnɔ vɛ̃, we lengge do winɔ kɛ Gale saka wa ia ni, takɔ wa kpa tɛ mɛ 'bɔ kpasi kɛ ma kɔ Yezu Kristo, do dɔ̃lɔ̃ li kɛ ma é sɛ gɔ ni.

OHEBRE 12:1

Nɛ nde kɛ 'da lɛ, ɔ nɛ kɛ ogba gili wi kɔ̃a wenɔ wa linggi lɛ zĩ takpa ni, ma wia na, lɛ fo mɛnɔ vɛ kɛ ma kpe wala ti lɛ na, lɛ tɛ là dɛ dati gɔ ni do'do. Lɛ lá fala 'dã mɛnɔ kɛ ma ɛnzɛ lɛ, nɛ ma gbɔtɔ lɛ dɛ 'do ni, kɔ lɛ yú yui kɛ Gale wia hã lɛ ni do kpã sila.

OHEBRE 4:1

Gale kpua zɛ́ mbulu hã lɛ na, lɛ wia sɛ we le fala kpe do tɛ wi 'da ɛ, nɛ mbuli ni ma 'bana. We duzu ma, lɛ dɛ́ nganda na, dɔ mbe kpo sanga lɛ 'báná 'do, kɔ a zɔlɔ le nɛ gɔ.

OHEBRE 4:11

Kɔ lɛ dɛ́ nganda wena we le fala kpe do tɛ wi ni, nɛ da dɛ kɔ mbe kpo sanga lɛ bɛ̃́ we nu Gale, kɔ a dɛ 'dã mɔ ɔ nɛ wanɔ wa zi li gba zɔ̃ i ni gɔ.

OHEBRE 5:9

Kɔ Gale zɔa na, Yezu dɛa toe 'da a, nɛ ma wia vɛ ia ni, nɛ Gale ia a do wi hã kpasi kɛ ma é sɛ gɔ ni hã winɔ vɛ̃, kɛ wa zele nu a ni.

1 PETRO 2:11

Aa oyali ngba mi, nɛ ĩ na, nɛ ngɔ nù gɛ a gɛnɛ iko, ngbongbo le 'da nɛ ngɔ nù gɛ bina. We duzu ma, mi ala nu mi hã nɛ na, nɛ bɛ̃́ gɛnɛ 'dã wɔ kɔ kili tɛ nɛ, kɛ ma bi do dia linggamɛnɔ kɔ sila nɛ ni do'do.

2 PETRO 3:18

Nɛ nde nɛ yɛ́nggɛ́ do li wala 'da Nwa 'da lɛ Yezu Kristo kɛ a a Wi kpasa lɛ ni fai, takɔ a be dia zã hã nɛ, nɛ nɛ ĩ ti a dɛ dati. E kɔ a kpa dɔ̃lɔ̃ li sɔɛ gɛ, do kɔ sabɛlɛ do sabɛlɛ! Amɛ.