FILIPƐ 2:11 - WE NU GALE 1995

¹¹ nɛ wa vɛ, wa tɔ̃ dɛ nza na, Yezu Kristo a Nwa. Na mɛ ni, nɛ wa hã dɔ̃lɔ̃ li hã Baa a Gale.

FILIPƐ 2:11 Cross References

Zumanɔ 110:1

Zuma 'da Davidi NWA Gale tɔ̃a hã nwa ngɔ nùi 'da lɛ na: “Mɔ tɛ́ hã mɔ dungu tɛ ngɔ ngawili kɔ̃ mi, kɔ mi a Owi sɛnɛ mɔ nu, kɔ mɔ ma wa ti tambala nyanga mɔ.”

Zumanɔ 18:49

Aa NWA, mɔ fua mi ti kɔ̃ Owi sɛnɛ mi, nɛ mɔ dɛa na, mi nɛ ngɔ Owi bi mi, nɛ mɔ kpasa mi ti kɔ̃ Owi hã zɛlɛ tɛ hã mi.

Yeremi 23:6

'Da fala a dungu sɛ nwa ni, nɛ Oyuda wa kpasa sɛ, nɛ Oisraɛlɛ wa kpa sɛ gɛ̃a dungu. Wa sa sɛ li a na: ‘NWA, wele bɔlɔ zu.’ ”

MATIE 10:32

“Wi kɛ a tɔ̃ dɛ li Owele na, ɛ a wi 'da mi ni, nɛ mi tɔ̃ sɛ tɛ mɛ 'bɔ dɛ li Baa mi, kɛ a li nza i ni na, wi ni a wi 'da mi.

LUKA 2:11

Tũi gɛ, wa kua wi kpasa nɛ tɛ kɔ le 'da Davidi. Wi ni a Nwa Kristo.

YOANƐ 12:42

Gɛnɛ kɔ na mɛ ni, nɛ nde ombe sanga onwa Yudanɔ wena, wa kɔ̃a zi zu li Yezu, nɛ wa bé ma dɛ nza gɔ. We kɛ Ofariziɛnɔ wa tɔ̃a na, fala kɛ wele kɔ̃ zu li Yezu, nɛ lo ndaka a kɔ tɔa mbula do'do.

YOANƐ 13:13

Nɛ sa li mi na ‘Wi be mɔ’ tabi ‘Nwa’, nɛ mɛ a gbãlã we, we kɛ mi a Wi be mɔ hã nɛ do Nwa 'da nɛ.

YOANƐ 13:14

Kɔ nɛ́ kɛ mi a Nwa 'da nɛ, do Wi be mɔ hã nɛ, kɔ mi fɔlɔ nyanga nɛ ni, ma wia na, nɛ do tɛ nɛ, nɛ fɔlɔ tɛ mɛ 'bɔ nyanga ongba nɛ.

YOANƐ 14:13

Mɛnɔ vɛ̃ nɛ aka Baa mi we nɛ do zu li mi ni, mi dɛ sɛ ma, takɔ Baa mi kpa dɔ̃lɔ̃ li do wala 'da mi.

YOANƐ 14:23

Nɛ Yezu gese hã a na: “Wi kɛ a kɔ̃ gɛnɛ mi, nɛ a dɛ sɛ olo nu mi, nɛ Baa mi a kɔ̃ sɛ gɛnɛ a. Nɛ lɛ do Baa mi, lɛ tɛ sɛ, nɛ lɛ ɔ do a fai.

YOANƐ 17:1

Yezu wila we ni do'do, nɛ a ba li a ngɔ, nɛ a tɔ̃ na: “Aa Baa mi, ngba soe kɛ mɔ ia zi ni wia ia. Kɔ mɔ dɛ́ na, mi Be 'da mɔ, mi kpa dɔ̃lɔ̃ li, takɔ mɔ kpa 'bɔ dɔ̃lɔ̃ li do wala 'da mi.

YOANƐ 20:28

Nɛ Toma gese hã a na: “Mɔ a Nwa 'da mi, mɔ a Gale 'da mi!”

YOANƐ 5:23

A dɛa na mɛ ni, takɔ winɔ vɛ̃ wa dɔnggɔ mi Be 'da a, ɔ nɛ kɛ wa dɔnggɔ do a ni. Kɔ wele kɛ a dɔ́nggɔ́ mi gɔ ni, a dɔ́nggɔ́ tɛ mɛ 'bɔ Baa mi, kɛ a tumba mi ni gɔ.

YOANƐ 9:22

Owi ko a wa tɔ̃a na mɛ ni, we duzu kɛ wa dɛ zi kili onwa Yudanɔ. Mba gɔ, nu onwa Yudanɔ wia zi kɔ̃ vɛ̃ na, fala kɛ wele tɔ̃ na, Yezu a Mɛsiya, nɛ wa ndaka wi ni kɔ tɔa mbula do'do.

Owi Nɛ Tonɔ 10:36

Gale tumba zi Dia Sako hã obe Israɛlɛ, nɛ Dia Sakoe ni, ma hã dungu fio do wala 'da Yezu Kristo, kɛ a a Nwa 'da winɔ vɛ ni.

Owi Nɛ Tonɔ 2:36

“Kɔ ma wia na, nɛ obe Israɛlɛ vɛ̃, nɛ ĩ́ ngboo na, Yezu kɛ nɛ bɛ̃lɛ̃ a ngɔ finda te ni, Gale ia a do Nwa, nɛ a a Mɛsiya.”

ROMA 14:11

We kɛ wa kɔma kɔ 'Buki 'da Gale na: “Mi kana tɛ mi do zu li mi na, winɔ vɛ wa gu sɛ gba zugolo dati mi. Nɛ wele do wele a dɔnggɔ sɛ mi na mi a Gale. Mi Nwa, mi tɔ̃a ni.”

ROMA 14:9

We duzu kɛ Kristo fia, nɛ a tunu kɔ fio, takɔ a ɔ Nwa 'da ofionɔ, do winɔ kɛ wa 'bana nza ni.

ROMA 15:9

Nɛ a tɛa 'bɔ we ĩ 'bako hã ogele winɔ, takɔ wa dɔnggɔ Gale do wala 'da a. Ma ɔ nɛ kɛ wa kɔma kɔ 'Buki 'da Gale na: “We duzu ma, mi dɔnggɔ sɛ mɔ sanga ogele winɔ, nɛ mi ga sɛ zuma hã mɔ.”

1 KORINTƐ 12:3

Kɔ mi tɔ̃ hã nɛ na, wi kɛ a wele we do ngawi 'da Hi Wi 'da Gale ni, a wè tɛ tɔ̃ na: “E kɔ Yezu kpa fɔmba” gɔ. Nɛ fala kɛ Hi Wi Santo hã̀ ngawi hã wele gɔ, nɛ nde a wè tɛ tɔ̃ na: “Yezu a Nwa” gɔ.

1 KORINTƐ 15:47

Kuti Adamu kɛ Gale dɛa zɛ́ a ni, a dɛa a do nù, nɛ a a wi ngɔ nù gɛ. Nɛ nde bɔa Adamu yula 'da Gale tɛ li nza i.

1 KORINTƐ 8:6

Nɛ nde we lɛ, lɛ ĩ na Gale kpo, a a Baa lɛ, kɛ mɛnɔ vɛ yula kɔ a, nɛ lɛ dungu we a ni. Nɛ Nwa 'da lɛ kpo, wi a Yezu Kristo, kɛ a dɛa mɛnɔ vɛ do ngawi 'da Gale, nɛ lɛ kpasa we a ni.

1 PETRO 1:21

Kɔ we duzu a, nɛ nɛ kɔ̃a zu li Gale, kɛ a tunu zi a kɔ fio, nɛ a hã dɔ̃lɔ̃ li hã a ni. Gale dɛa ni, takɔ nɛ ɔ do kɔ̃a we, nɛ nɛ gbini 'bɔ zã nɛ do a.

1 YOANƐ 4:15

Kɔ wi kɛ a tɔ̃ na, Yezu a Be 'da Gale ni, Gale kɔ a boe, nɛ a a kɔ Gale.

1 YOANƐ 4:2

Kɔ mɛ kɛ ma be hã lɛ na, wele do Hi Wi 'da Gale kɔ a boe ni, ma kɛ: Wi kɛ a kɔ̃a we 'da Yezu Kristo na, a hɔa wele, nɛ a tɛa ngɔ nù gɛ ni, wi ni do Hi Wi kɛ a yula 'da Gale.

2 YOANƐ 1:7

Mi tɔ̃ we gɛ hã nɛ, we kɛ Owi 'bili bɛlɛnɔ wa kpa do ngɔ nù gɛ vɛ, nɛ wa kɔ̃̀ we 'da Yezu Kristo na, a hɔa wele, nɛ a tɛa ngɔ nù gɛ ni gɔ. Nɛ wi kɛ a tɔ̃ na mɛ ni, a a wi ɔlɔ wi, nɛ a a wi sɛnɛ Yezu Kristo.

USU MƐNƆ 3:5

Kɔ wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a he'de sɛ fɛ̃a tuli ni, nɛ mi gbɛ́ sɛ li a kɔ 'Buku Kpasi gɔ. Nɛ mi tɔ̃ sɛ dati Baa mi do oanzɛnɔ 'da a na, a a wi 'da mi.