FILIPƐ 1:9 - WE NU GALE 1995

⁹ Mi sambala Gale we nɛ na, kɔ̃a zã 'da nɛ gã dɛ dati, nɛ nɛ ĩ ti gbãlã we ngboo, nɛ nɛ kpa hã zã,

FILIPƐ 1:9 Cross References

YƆBƆ 17:9

E kɔ wi bɔlɔ zu 'bana tɛ dɛ mɔ bɔlɔ zu 'da a. Nɛ wi dia sila dɛ nganda we dɛ de mɔ.

Zumanɔ 119:66

Mɔ hã hã zã hã mi na, mi ĩ ti mbulanɔ 'da mɔ, nɛ mi kɔ̃ gɛnɛ nɛ, we kɛ mi gbini zã mi do ma.

GBA WENƆ 4:18

Nɛ nde dɛa to tɛ owi bɔlɔ zunɔ, ma ɔ nɛ wese kɛ ma gba do titole, nɛ ma to dɛ dati gbaa na, ma hɔa ngɔ ni.

1 KORINTƐ 14:20

Onyae, nɛ tɛ lènggè mɔ ɔ nɛ obe ni gɔ. Ma ɔ do 'dã mɔ, nɛ nɛ dɛ mɔ tɛ nɛ ɔ nɛ obe, kɛ wa tɛ ĩ̀ ti 'dã mɔ gɔ ni. Kɔ nɛ ɔ́ do linggamɔ mɔ́ okpasa wi.

2 KORINTƐ 8:7

Mba gɔ, nɛ do mɛnɔ vɛ́ wena: Nɛ do kɔ̃a we dɛ 'da Gale, nɛ nɛ ĩ ti be we 'da a, nɛ ĩ ti mɔ wena, nɛ hã tɛ nɛ vɛ li dɛa toe 'da Gale, nɛ nɛ kɔ̃ gɛnɛ lɛ wena. Kɔ ma wia na, nɛ hã 'bɔ tɛ nɛ vɛ we dɛa to gbaka ngba wi gɛ.

EFƐZƐ 5:17

We duzu ma, nɛ tɛ ɔ̀ nɛ oyɔnda wi gɔ, nɛ nde nɛ fá we ĩ ti mɛ kɛ Nwa kɔ̃a na, nɛ dɛ ni.

KƆLƆSƐ 1:9

Gulu nɛ a yolo do ngba soe kɛ lɛ zila do lɛnggɛ 'da nɛ ni, lɛ ɔ̀mɔ̀ tɛ sambala Gale we duzu nɛ gɔ. Lɛ aka a na, Hi Wi 'da a hã hã zã hã nɛ, takɔ nɛ ĩ ti mɛnɔ vɛ̃ kɛ Gale kɔ̃a na, nɛ dɛ ma ni.

KƆLƆSƐ 3:10

nɛ nɛ hɔa mbé wi ia. Gale kɛ a dɛa nɛ do mbé wi ni, a tɛ kifi dɛa mɔ tɛ nɛ fai na, nɛ hɔ a ngboo, nɛ nɛ ĩ ti a do dia nɛ.

1 TƐSALONIKƐ 3:12

E kɔ Nwa gã 'da kɔ̃a zã 'da nɛ dɛ 'da ngba nɛ do 'da owinɔ vɛ dɛ dati fai, takɔ ma we kɔ̃ do kɔ̃a zã lɛ kɔ̃a do nɛ ni.

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

2 TƐSALONIKƐ 1:3

Onyae, ma wia na, lɛ hã iɔ̃nae hã Gale we duzu nɛ 'da fala fai. Lɛ wia tɛ dɛ na mɛ ni gbãlã we, mba gɔ, kɔ̃a we 'da nɛ dɛ 'da Gale, do kɔ̃ ngba wi 'da nɛ ma gã dɛ dati gã fai.

FILEMƆ 1:6

Kɔ mi aka Gale na, kɔ̃a we 'da lɛ do mɔ ma dɛ na, lɛ ĩ ti 'du gulu de dɛa mɛnɔ vɛ̃ kɛ lɛ wia we dɛ ma we duzu Kristo ni.

OHEBRE 5:14

Nɛ nde wele gã ia, nɛ a nyɔngɔ nga nyɔngɔmɔ. Nɛ mɛnɔ a dɛ ni, ma sɔ̃ li a na, a ĩ ti gɔnɔ sanga dia mɔ do 'dã mɔ.

1 PETRO 1:22

Di ngangga gɛ, nɛ zila nu Gale, nɛ bɛ̃a gɛnɛ 'dã mɔ, nɛ sila nɛ sa, nɛ nɛ kɔ̃a gɛnɛ onya nɛ wi kɔ̃a wenɔ do ngbongbo nɛ. Kɔ ma wia na, nɛ kɔ̃ gɛnɛ ngba nɛ dɛ dati do sila nɛ vɛ.

2 PETRO 3:18

Nɛ nde nɛ yɛ́nggɛ́ do li wala 'da Nwa 'da lɛ Yezu Kristo kɛ a a Wi kpasa lɛ ni fai, takɔ a be dia zã hã nɛ, nɛ nɛ ĩ ti a dɛ dati. E kɔ a kpa dɔ̃lɔ̃ li sɔɛ gɛ, do kɔ sabɛlɛ do sabɛlɛ! Amɛ.