FILIPƐ 1:8 - WE NU GALE 1995

⁸ Gale ĩ na, we mi nɛ tɔ̃ nɛ gɛ a gbãlã we: Mi kɔ̃a gɛnɛ nɛ wena ɔ nɛ kɛ Yezu Kristo kɔ̃a do gɛnɛ nɛ ni.

FILIPƐ 1:8 Cross References

YƆBƆ 16:19

We kɛ mi do wi tɔ̃ we ngɔ mi boe. Wi tɔ̃ we ngɔ mi a tɛ li nza i.

Ezai 16:11

Mi zɔa 'bako 'da Omoabɛ, nɛ sila mi 'bɔa. Fo fala na, mi kunu sila mi dati 'bako 'da owi Kirɛ-Herɛsi bina.

Ezai 63:15

Aa NWA, mɔ yóló li nza i hã mɔ ka mɔ sɛ. Mɔ dúngú kɔ tɔa dɔ̃lɔ̃ li 'da mɔ, kɛ ma santo ni hã mɔ zɔ mɛnɔ kɛ ma dɛ lɛ gɛ. Ngawi 'da mɔ ma nɛa do nde? Nɛ gã kɔ̃a zã 'da mɔ we lɛ, ma a do nde? NWA, mɔ ĩ́ 'bako hã lɛ, kɔ mɔ tɛ èlè lɛ gɔ,

Yeremi 31:20

“Aa nɛ, Oisraɛlɛ, nɛ zélé! Nɛ a obenɔ 'da mi ngɔ sila mi, mi kɔ̃ gɛnɛ nɛ wena. 'Da fala kɛ mi dãlã do nɛ ia, nɛ nde sila mi fé ngɔ nɛ gɔ. Mi ba sila mi vɛ̃ hã nɛ, nɛ mi wè tɛ la fala dɛ 'bako hã nɛ gɔ.

LUKA 1:78

We duzu kɛ Gale 'da lɛ do dia zã, do 'bako li a wena. Ma hã a tombo sɛ wese 'da a, nɛ ma gba, nɛ ma to dɛ ngɔ lɛ nù nga.

ROMA 1:9

Gale kɛ mi dɛ toe hã a, tɛ be Dia Sakoe 'da Be 'da a do sila mi kpo ni, a ĩ na, we mi tɔ̃ ni, mɛ a ngbongbo we. A ĩ na, mi lengge do nɛ kɔ sambala 'da mi lingga fai.

ROMA 9:1

We mi tɔ̃ ma hã nɛ gɛ, mɛ a gbãlã we, mi 'bílí bɛlɛ gɔ, we kɛ mi a wi 'da Kristo. Nɛ kɔ sila mi ngboo, kɛ Hi Wi Santo ɔ kɔ nɛ ni, ma ĩ 'bɔ na, mi tɔ̃ gbãlã we. Gbãlã we ni, mɛ a kɛ na:

2 KORINTƐ 13:9

Lɛ dɛ yangga 'da fala kɛ lɛ zɔ na, lɛ mbɔka, nɛ nde nɛ do ngawi boe ni. Nɛ lɛ aka Gale na, a gã 'da kɔ̃a we 'da nɛ dɛ dati.

2 KORINTƐ 6:12

Nɛ nde nɛ nganda sila nɛ, nɛ nɛ hũ̀i ma hã lɛ gɔ.

2 KORINTƐ 7:15

'Da fala kɛ Tito ma ngɔ lengge do tɛlɛ tɛ kɛ nɛ kɔ̃a zi gɛnɛ a, nɛ nɛ zila we nu a, nɛ nɛ dɛa kili a ni, nɛ kɔ̃a zã 'da a dɛ 'da nɛ ma gã dɛ dati.

GALATI 1:20

We mi kɔmɔ hã nɛ gɛ, mɛ a ngbongbo we. Gale ĩ na, mi 'bílí bɛlɛ gɔ.

GALATI 3:26

Nɛ vɛ́ kɛ nɛ kɔ̃a zu li Yezu Kristo ni, nɛ hɔa benɔ 'da Gale we duzu a.

GALATI 4:19

Aa benɔ 'daa, tɛ mi zɛlɛ we nɛ ɔ nɛ wuko kɛ a do zɛlɛ kula ni. Nɛ tɛ mi ma zɛlɛ sɛ we nɛ ni fai gbaa na, nɛ ba tɛlɛ tɛ Kristo vɛ sɛ nɛ de.

FILIPƐ 2:1

Kɔ̃a we nɛ kɔ̃a do Kristo ni, ma hã́ ngawi hã nɛ gɔ nde? Nɛ kɔ̃a zã 'da Kristo ma hã̀ kpã sila hã nɛ, nɛ ma mba li nɛ kpo do Hi Wi Santo gɔ nde? Nɛ kɔ̃a gɛnɛ ongba nɛ, nɛ nɛ ĩ 'bako hã wa ĩ.

FILIPƐ 2:26

Ngangga gɛ, wɔ zɔ tɛ nɛ ba a wena, nɛ a do linggamɔ wena, we kɛ a ĩ na, nɛ zila zi sako zɛlɛ 'da ɛ.

FILIPƐ 4:1

We duzu ma, onyae ngɔ sila mi gɛ, mi do wɔ wena we zɔ nɛ. Mi dɛ yangga we duzu nɛ, nɛ mi dɔnggɔ tɛ mi do nɛ. Kɔ oyali ngba mi, mi aka nɛ na, nɛ yóló nganda we duzu Nwa kɛ nɛ mba do a ni.

KƆLƆSƐ 2:1

Ma hã mi kɔ̃a na, nɛ ĩ tɛlɛ tɛ kɛ mi gbɛ tɛ mi kɔ dɛa toe we duzu nɛ Owi Kɔlɔsɛ, do Laodise, do ogele winɔ vɛ̃ kɛ wa tɛ zɔ̀ kuti mi gɔ ni.

KƆLƆSƐ 3:12

Nɛ a owinɔ 'da Gale. A kɔ̃a gɛnɛ nɛ, nɛ a saka nɛ do owinɔ 'da a ngboo. We duzu ma, nɛ ĩ́ 'bako hã ngba nɛ, nɛ nɛ ɔ́ do dia sila dɛ 'da wa, nɛ nɛ bá tɛ nɛ dɛ nù, nɛ nɛ ɔ́ do gɛ̃a sila, do du sila.

1 TƐSALONIKƐ 2:5

Nɛ ĩ na, lɛ bè zi wé do ɛfɛ̃ lɛnggɛ we tɛmbɛlɛ nɛ gɔ, nɛ lɛ fà zi 'bɔ we kpa mɔ kɔ̃ nɛ gɔ, nɛ Gale ĩ 'bɔ ma.

1 TƐSALONIKƐ 2:8

Lɛ kɔ̃ zi gɛnɛ nɛ wena, ma kɛ lɛ bè zi hã nɛ tati a Dia Sakoe 'da Gale iko gɔ, nɛ nde lɛ kɔ̃a zi 'bɔ we ba tɛ lɛ vɛ hã nɛ, we kɛ nɛ ngɔ sila lɛ.

2 TIMOTE 1:4

Ta zu mi gba ngɔ kɔ̃a mɔ hia zi ni, nɛ mi fa wena na, lɛ kpa ngba lɛ do mɔ, kɔ sila mi dunu do yangga.

FILEMƆ 1:12

A ngɔ sila mi ngboo. Kɔ ngangga ni, mi gese a hã mɔ.

FILEMƆ 1:20

Kɔ nyae, mi aka mɔ do zu li Nwa na, mɔ gala mi kɔ we gɛ, nɛ mɔ gɛ̃ sila mi, ɔ nɛ kɛ onya wi kɔ Kristo wa dɛ ni.

1 YOANƐ 3:17

Kɔ fala kɛ mbe wi kpamɔ zɔ wele kɔ sã, kɔ a gàlà a gɔ, nɛ a nɛ dɛ fala tɔ̃ na, ɛ kɔ̃a gɛnɛ Gale kɔ̃a ni nɛ nde?