FILIPƐ 1:7 - WE NU GALE 1995

⁷ Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

FILIPƐ 1:7 Cross References

Owi Nɛ Tonɔ 20:23

Hi Wi Santo tɛ tɔ̃ kɔ sila mi na, wa zɛlɛ sɛ tɛ mi, nɛ wa fi sɛ mi bɔlɔkɔ kɔ le kpo kpo.

Owi Nɛ Tonɔ 21:33

Nɛ gã wi nɛa dɛ kɛ zã Polo, nɛ a tɔ̃ na, wa ba a, kɔ wa ɛnzɛ a do dɔkpɔ bɔa. Nɛ a aka winɔ na, wi gɛ a wio nde, nɛ mɛ ngboo a dɛa ni a ge nde?

1 KORINTƐ 13:7

Kɔ̃a zã dɛ na, wele kunu sila ɛ kɔ mɛnɔ vɛ́, nɛ a tɛ ɔ̀ do kafi kɔ sila a we ongba a gɔ, nɛ a gbini zã a do wa, nɛ a ɔ do du sila dɛ 'da wa.

1 KORINTƐ 9:23

Nɛ mi dɛ mɛnɔ ni vɛ we duzu Dia Sakoe, takɔ mi kpa tɛ mɛ 'bɔ mbe dia mɔ olo nɛ.

2 KORINTƐ 3:2

We kɛ nɛ ngboo, nɛ a mbɛti 'da lɛ kɛ wa kɔma ma dɛ kɔ sila lɛ, nɛ winɔ vɛ́ wa wia we tɔlɔ ma, nɛ wa ĩ ti we kɔ nɛ.

2 KORINTƐ 7:3

Mi tɔ̃́ ní we hã sape hã nɛ gɔ. Mba gɔ, mi tɔ̃a sɔ hã nɛ dati na, nɛ a owinɔ kɛ nɛ ngɔ sila lɛ. Nɛ gɛnɛ kɔ fio tabi kpasi, nɛ nde lɛ do nɛ fala nɛ kpo.

GALATI 5:6

Mba gɔ, wi kɛ a mba do Kristo kpo ni, gɛnɛ kɔ a nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma do gã gulu nɛ, mɛ a kɔ̃a we kɛ ma be tɛ́ ɛ kɔ kɔ̃ gɛnɛ ngba wi ni.

EFƐZƐ 3:1

We duzu ma, mi Polo, mi sambala Gale we nɛ kɛ nɛ a Oyuda gɔ ni. Mi a wi bɔlɔkɔ we duzu toe kɛ Yezu Kristo tumba mi we dɛ hã nɛ ni.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 6:20

Gɛnɛ kɔ mi a wi bɔlɔkɔ, nɛ nde mi a wi nɛ toe 'da Kristo we be Dia Sakoe hã owinɔ. Kɔ nɛ sámbálá Gale we mi na, a hã kpã sila hã mi we be Dia Sakoe ɔ nɛ kɛ ma wia ni.

FILIPƐ 1:12

Onyae, mi kɔ̃a na nɛ ĩ́ na, ngamɛnɔ mi kpa ma ni, ma gala Dia Sakoe na, ma yɛ'bɛ dɛ dati.

FILIPƐ 1:13

Mba gɔ, osodanɔ wa zɔ mɔ tɛ nu tɔa 'da gã nwa ngɔ nù Roma ni, do ombe gele winɔ vɛ, wa ĩ na, mi lia bɔlɔkɛ gɛ, we kɛ mi kɔ̃a zu li Yezu Kristo.

FILIPƐ 1:14

Nɛ bɔlɔkɛ mi lia gɛ ma dɛa na, mbe dɛlɛ onya lɛ wi kɔ̃a wenɔ wa gbini zã wa do Yezu Kristo dɛ dati. Nɛ ma kpãlã sila wa we be we nu Gale hã Owele, nɛ wa tɛ dɛ̀ 'bɔ kili gɔ.

FILIPƐ 1:5

we duzu kɛ ndo do kɔ̃ tũi kɛ nɛ kɔ̃a zi do zu li Yezu ni, nɛ gala lɛ tɛ to be Dia Sakoe gbaa we hɔ sɔɛ gɛ.

FILIPƐ 2:22

Nɛ nde kɛ 'da Timote, nɛ ĩ ti de dɛa mɔ tɛ̃ a. A dɛa to be Dia Sakoe do mi fala nɛ kpo, ɔ nɛ kɛ be dɛ to do baa ɛ ni.

FILIPƐ 4:14

Kɔ nɛ dɛ de wena, we kɛ nɛ gala mi kɔ ngamɛnɔ 'da mi ni.

FILIPƐ 4:15

Nɛ, owi Filipɛ, nɛ ĩ na, 'da fala mi ndua zi nyanga be Dia Sakoe, nɛ mi kulu ngɔ Masedɔanɛ ni, nɛ nde eklezia kpo gbàkà zi mi do mbili gɔ, fo tati a nɛ iko.

FILIPƐ 4:3

Nɛ kɛ 'da mɔ, ngbongbo ngba mi wi dɛa toe, mi aka mɔ na, mɔ gálá wa, we kɛ wa dɛa zi to do mi we yɛ'bɛ Dia Sakoe, fala nɛ kpo do Klema, do tala ongba mi wi dɛa tonɔ, kɛ li wa vɛ̃ kɔ 'Buku Kpasi ni.

KƆLƆSƐ 4:18

Mi Polo, mi hã balɛ hã nɛ kɔ mbɛti mi kɔmɔ hã nɛ do zu kɔ̃ mi wele nɛ gɛ. Kɔ da dɛ kɔ ta zu nɛ élé na, mi a kɔ bɔlɔkɔ ni gɔ. E kɔ dia zã 'da Gale 'bana do nɛ.

KƆLƆSƐ 4:3

Nɛ nɛ sámbálá 'bɔ a we duzu lɛ na, a hã wala hã lɛ we be we 'da a hã owinɔ, do tɔ̃ gulu usu we 'da Kristo, kɛ mi lia bɔlɔkɛ we ma ni.

1 TƐSALONIKƐ 5:5

We kɛ nɛ vɛ, nɛ a owi kɔ sa fala do gba wese. Lɛ a owi kɔ gba tũ, tabi kɔ tũ fala gɔ.

2 TIMOTE 1:8

We duzu ma, mɔ tɛ dɛ̀ sape we tɔ̃ we 'da Nwa 'da lɛ hã Owele gɔ. Nɛ sape tɛ bà 'bɔ li mɔ we mi kɛ mi lia bɔlɔkɔ we duzu a ni gɔ. Nɛ nde mɔ mbá do mi kɔ ngamɛ kɛ mi kpa we duzu be Dia Sakoe ni, nɛ mɔ gbini zã mɔ do ngawi kɛ Gale hã ma hã mɔ ni.

2 TIMOTE 2:9

Nɛ we duzu Dia Sakoe ni, ma kɛ mi kpa zɛlɛ tɛ, nɛ wa ɛnzɛ mi do dɔkpɔ, nɛ wa fi mi bɔlɔkɔ ɔ nɛ wi dɛ 'dã mɔ ni. Nɛ nde wa ɛ̀nzɛ̀ we nu Gale gɔ.

FILEMƆ 1:13

Mi kɔ̃a sɔ na, a 'bana do mi kɔ tɔa bɔlɔkɛ kɛ mi lia we duzu Dia Sakoe gɛ, takɔ a gala mi olo li mɔ.

OHEBRE 3:1

Na mɛ ni, onyae wi kɔ̃a wenɔ, kɛ Gale sa zi 'bɔ mɔ hã nɛ ni, nɛ á linggamɛnɔ 'da nɛ dɛ ngɔ Yezu, kɛ Gale tumba a we ɔ gã nwa nganga ngɔ wenɔ lɛ kɔ̃a ma gɛ ni.

1 PETRO 4:13

Fala kɛ nɛ zɔ ngamɔ wala kpo do Kristo, nɛ nɛ dɛ́ yangga. Na mɛ ni, do ngba soe kɛ dɔ̃lɔ̃ li 'da a ma be sɛ tɛ̃ ɛ dɛ nza ni, nɛ nɛ sɛ do yangga wena.

1 PETRO 5:1

Ngangga ni, mi tɛ wele we hã owinɔ sanga nɛ, kɛ wa a Owi zɔ mɔ tɛ eklezianɔ ni. Mi tɛ mɛ 'bɔ a wi zɔ mɔ tɛ eklezia ɔ nɛ wa ni. Mi zɔa tɛlɛ tɛ kɛ Kristo kpa zi do ngamɛ ni, nɛ mi mba sɛ do a kpo kɔ dɔ̃lɔ̃ li 'da a, kɛ ma be sɛ tɛ̃ ɛ ni. Kɔ mi aka nɛ, owi zɔ mɔ tɛ eklezianɔ na,

2 PETRO 1:13

Mba gɔ, mi zɔa na, nɛ́ kɛ mi 'bana nza gɛ, ma wia na, mi gba ta zu nɛ ngɔ mɛnɔ ni, dɔ ta zu nɛ élé ngɔ nɛ gɔ, kɔ nɛ lengge do ma fai.

1 YOANƐ 3:14

Lɛ ĩ na, lɛ hɔa nza kɔ fio, nɛ lɛ do kpasi. Lɛ ĩ ní we kɛ lɛ kɔ̃a gɛnɛ ongba lɛ ni. Kɔ wi kɛ a kɔ̃̀ gɛnɛ ongba a gɔ ni, a 'bana kɔ fio.