FILIPƐ 1:29 - WE NU GALE 1995

²⁹ Mba gɔ, Gale bia dia zã 'da a hã nɛ na, nɛ ɔ owinɔ 'da Kristo. A sàkà nɛ na, nɛ kɔ̃ zu li Kristo iko gɔ, nɛ nde nɛ zɔ 'bɔ ngamɔ we duzu a.

FILIPƐ 1:29 Cross References

MATIE 16:17

Nɛ Yezu tɔ̃ hã a na: “Simɔ, be 'da Yonasi, mɔ a wi yangga. We kɛ wi a wi nù hã a bè gbãlã we gɛ hã mɔ gɔ, nɛ nde wi a Baa mi, kɛ a li nza i ni, hã a bia ma hã mɔ.

Owi Nɛ Tonɔ 14:22

Nɛ wa nganda sila Owi Kristonɔ di ni ni na, wa 'bana tɛ kɔ̃ zu li Yezu do sila wa kpo. Nɛ wa tɔ̃ hã wa na: “Ma wia na, lɛ winɔ kɛ lɛ kɔ̃a zu li Yezu ni, lɛ kpa ngamɔ ngɔ nùi gɛ gbaa, ndɔti nɛ a kɛ lɛ le sɛ nɛ kɔ le 'da Gale i ni.”

Owi Nɛ Tonɔ 14:27

Wa hɔa Antiɔsɛ i, nɛ wa mba li Owi Kristonɔ vɛ. Nɛ wa tɔ̃ gulu tonɔ vɛ kɛ Gale dɛa ma do wala 'da wa ni, do tɛlɛ tɛ kɛ a hũi li wala hã winɔ kɛ wa a Oyuda gɔ ni na, wa kɔ̃ tɛ mɛ 'bɔ zu li Yezu ni.

Owi Nɛ Tonɔ 5:41

Nɛ Owi nɛ tonɔ wa hɔa nza sanga Owi 'bili wenɔ, nɛ wa si do yangga vɛ̃, we kɛ wa zɔa ngamɔ we duzu li Yezu ni.

ROMA 5:3

Nɛ gɛnɛ kɔ lɛ kpa ngamɛnɔ, nɛ lɛ dɛ 'bɔ yangga, we duzu kɛ lɛ ĩ na, ngamɛnɔ ni ma hã kpã sila hã lɛ.

EFƐZƐ 2:8

Mba gɔ, nɛ kpasa we dia zã 'da Gale, do wala kɔ̃a we kɛ nɛ kɔ̃a ni. Kpasi ni ma yòlò kɔ̃ nɛ gɔ, wi a Gale a hã ma hã nɛ.

KƆLƆSƐ 2:12

Mba gɔ, ngba soe nɛ kpa zi batisimɔ ni, ma be na wa mi zi nɛ fala nɛ kpo do Kristo, nɛ Gale tunu zi nɛ kɔ fio fala nɛ kpo do a. Gale dɛa ni, we duzu kɛ nɛ gbini zi zã nɛ do ngawi 'da a, kɛ a tunu do Kristo kɔ ofionɔ ni.

ZAKE 1:2

Aa onyae, 'da fala kɛ nɛ kpa ngamɔ tɛ̃ ɛ do tɛ̃ ɛ, nɛ nɛ dɛ́ yangga.

1 PETRO 4:13

Fala kɛ nɛ zɔ ngamɔ wala kpo do Kristo, nɛ nɛ dɛ́ yangga. Na mɛ ni, do ngba soe kɛ dɔ̃lɔ̃ li 'da a ma be sɛ tɛ̃ ɛ dɛ nza ni, nɛ nɛ sɛ do yangga wena.