FILIPƐ 1:27 - WE NU GALE 1995

²⁷ Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

FILIPƐ 1:27 Cross References

1 Sakonɔ 19:12

Nɛ Yoabɛ tɔ̃ hã nya a na: “Fala kɛ osoda Siri wa nganda nɛ ngɔ mi nde, nɛ mɔ tɛ we gala mi. Kɔ ni gɔ, hã Oamoni wa nganda nɛ ngɔ mɔ, nɛ mi nɛ sɛ we gala mɔ.

Zumanɔ 122:3

Wa dɛa le Yeruzalɛmɛ de wena, gba ngbo zĩ ma takpa.

Zumanɔ 133:1

Zuma 'da Davidi. Wa ga ma li wala gɛnɛ we nɛ dɛ Yeruzalɛmɛ. Ma de wena, nɛ mɛ 'bɔ a yangga wena na, owinɔ 'da Gale wa mba ngba wa do onya wa, nɛ wa zele ngba wa do dia nɛ.

GBA WENƆ 22:23

Mba gɔ, NWA Gale a bi sɛ ngɔ owinɔ ni, nɛ a dɔ sɛ winɔ kɛ wa kala mɛnɔ kɔ̃ wa ni do kpasi.

Yeremi 32:39

Mi dɛ sɛ na, linggamɔ zu wa do dɛa mɔ tɛ wa ɔ kpo, takɔ wa dɛ olo nu mi, nɛ wa ɔ do yangga fala nɛ kpo do obe zã wa.

MATIE 12:25

Nɛ nde Yezu ĩ sɔ ti linggamɔ zu wa ia, nɛ a tɔ̃ hã wa na: “Fala kɛ nu fɛlɛ kula kpo gɔnɔ sanga tɛ ngbɛ ɛ do bolo, nɛ nde ma 'báná sɛ 'bɔ gɔ, nɛ le 'da wa ma 'danga sɛ vɛ̃. Fala kɛ owi kɔ le kpo, tabi onya wi dɛ kɔ zã kpo wa kɛ̃ sanga tɛ ngba wa, nɛ nde wa 'báná sɛ gɔ.

Owi Nɛ Tonɔ 2:46

Nɛ tũ kpo kpo, wa mba zi li ngba wa kɔ Tɛmpɛlo, we dɔnggɔ Gale. Nɛ wa mba 'bɔ li ngba wa kɔ tɔanɔ 'da wa, nɛ wa nyɔngɔ mɔ fala nɛ kpo do yangga, nɛ wa bá tɛ wa ngɔ ngba wa gɔ.

Owi Nɛ Tonɔ 24:24

Olo nɛ là tũ dɛlɛ gɔ, nɛ Feliksi tɛa, fala nɛ kpo do wuke 'da Druzilɛ, kɛ a zi a boko Yuda ni. Nɛ Feliksi tombo na, wa tɛ do Polo. Nɛ Polo tɛa, nɛ a tɔ̃ we kɛ wele wia do kɔ̃ zu li Yezu ni hã wa.

Owi Nɛ Tonɔ 4:32

Ngɔ gili owinɔ kɛ wa kɔ̃a zu li Yezu ni, wa zi do sila wa kpo, do linggamɔ kpo. Nɛ wa mba zi li mɛnɔ 'da wa vɛ kpo, nɛ wele kpo zɔ́ zi 'bɔ mɛnɔ 'dɛ ɛ na, mɛ a kɛ 'dɛ ɛ zu ɛ kpo gɔ.

ROMA 1:16

Mi do sape we be Dia Sakoe bina, we kɛ Dia Sakoe ni mɛ a ngawi 'da Gale we kpasa wanɔ vɛ kɛ wa kɔ̃a zu li Yezu Kristo ni. Dati ngboo a Oyudanɔ, nɛ 'do nɛ a ogele winɔ.

ROMA 1:5

Nɛ do wala 'da a, Gale bia dia zã 'da a hã mi, nɛ a ia mi do wi nɛ toe 'da a, takɔ mi tɔ̃ hã ogele nu fɛlɛ kulanɔ vɛ na, wa kɔ̃ zu li Yezu Kristo, nɛ wa zele we nu a.

ROMA 1:9

Gale kɛ mi dɛ toe hã a, tɛ be Dia Sakoe 'da Be 'da a do sila mi kpo ni, a ĩ na, we mi tɔ̃ ni, mɛ a ngbongbo we. A ĩ na, mi lengge do nɛ kɔ sambala 'da mi lingga fai.

ROMA 10:8

Gulu lɛnggɛ 'Buki 'da Gale tɔ̃a ni na ge nde? Gulu nɛ na: “We nu Gale ma dɔ̃ɔ dɛ kɛ zã mɔ gɛ. Ma a kɔ nu mɔ, nɛ ma a kɔ sila mɔ.” Nɛ we ni, mɛ a sakoe kɛ lɛ be ma, takɔ nɛ kɔ̃ zu U Kristo ni.

ROMA 15:16

nɛ a ia mi do wi dɛa toe 'da Yezu Kristo sanga ogele winɔ. Mi dɛa to be Dia Sakoe 'da a, ɔ nɛ kɛ mi a nganga ni, takɔ owinɔ kɛ wa a Oyuda gɔ ni, wa hɔ dia dɔnggamɔ kɛ mi hã ma hã Gale ni. Dɔnggamɛ ni, Hi Wi Santo 'dafa ma na, ma ɔ santo li Gale, nɛ ma hã yangga hã a.

ROMA 15:29

Nɛ mi ĩ na, gɛnɛ mi nɛ sɛ 'da nɛ i ni, Kristo a wele sɛ nu a tɛ lɛ do nɛ wena.

1 KORINTƐ 1:10

Onyae, mi aka nɛ do zu li Nwa 'da lɛ Yezu Kristo na, we nu nɛ ɔ kpo, nɛ nɛ tɛ gɔ̀nɔ̀ sanga tɛ ngba nɛ gɔ. Nɛ mbá li ngba nɛ, nɛ nɛ ɔ́ do sila nɛ kpo do linggamɔ kpo.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

2 KORINTƐ 13:11

Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.

2 KORINTƐ 4:4

Owinɔ ni wa kɔ̃̀ zu li Gale gɔ, we kɛ 'dã gale ngɔ nùi gɛ, a bi gbãlã zã wa do'do. A dɛa na, dɔ wa zɔ́ tɛlɛ tɛ kɛ Dia Sakoe yele ngɔ nùi gɛ, nɛ ma be dɔ̃lɔ̃ li 'da Kristo, kɛ a ba tɛlɛ tɛ Gale ngboo ni gɔ.

2 KORINTƐ 9:13

Mba gɔ, de mɛnɔ nɛ dɛ ma ni, ma be sɛ hã winɔ na, nɛ a Owi kɔ̃a we ngboo, nɛ wa dɔnggɔ sɛ Gale we tɛlɛ tɛ kɛ nɛ kɔ̃a do gɛnɛ Dia Sakoe 'da Kristo, nɛ nɛ dɔnggɔ ma ni. Nɛ wa dɔnggɔ sɛ 'bɔ Gale we duzu tɛlɛ tɛ kɛ nɛ kɛ sanga dia mɛnɔ 'da nɛ hã wa do ogele winɔ vɛ, do dia sila ngboo ni.

GALATI 1:7

Fo mbé gele Dia Sako bina. Nɛ nde mbe winɔ wa vĩ zu nɛ, nɛ wa fa we 'danga Dia Sakoe 'da Kristo.

EFƐZƐ 1:13

Nɛ nɛ, ogele winɔ tɛ mɛ 'bɔ, kɛ nɛ mba kpo do Kristo ni, nɛ zila Dia Sakoe, kɛ mɛ a gbãlã we 'da Gale ni, nɛ ma hã kpasi hã nɛ, nɛ nɛ kɔ̃a zu li Kristo. Nɛ Gale gɔnɔ dã tɛ nɛ we be na, nɛ hɔa owinɔ 'da a. Dã ni wi a Hi Wi Santo, kɛ Gale kpua zɛ́ mbulu hã a hã owinɔ 'da a ni.

EFƐZƐ 1:15

Mi zila sako kɔ̃a we nɛ kɔ̃a do Nwa Yezu Kristo, do kɔ̃a zã 'da nɛ dɛ 'da owinɔ 'da Gale vɛ́ ni. We duzu ma,

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

FILIPƐ 1:5

we duzu kɛ ndo do kɔ̃ tũi kɛ nɛ kɔ̃a zi do zu li Yezu ni, nɛ gala lɛ tɛ to be Dia Sakoe gbaa we hɔ sɔɛ gɛ.

FILIPƐ 2:12

Aa oyali ngba mi, 'da fala kɛ mi zi sanga nɛ i mɔ ni, nɛ zele zi nu mi zila fai. Kɔ ngangga ni, gɛnɛ kɔ mi sanga nɛ bina, nɛ nde ma dia fɛ̃ na, nɛ 'bana tɛ zele nu mi na mɛ ni. Gale kpasa nɛ ia, kɔ nɛ yú kili a, nɛ nɛ dɛ́ nganda na, kpasi 'da nɛ ni we vɛ̃.

FILIPƐ 2:24

Nɛ mi gbini zã mi do Nwa na, mi do tɛ mi, mi nɛ sɛ 'bɔ 'da nɛ i mɔ dɔ̃ gɛ.

FILIPƐ 3:18

Mi tɔ̃a zi hã nɛ fala dɛlɛ wena, nɛ sɔɛ gɛ mi tɔ̃ 'bɔ do mili kɔ̃a li mi na, dɛa mɔ tɛ ombe winɔ wena ma 'danga gulu fie 'da Kristo ngɔ finda te.

FILIPƐ 3:20

Nɛ nde kɛ 'da lɛ, le 'da lɛ ngboo a le nwa 'da Gale. Nɛ lɛ 'bɔ 'da tɛa 'da Nwa 'da lɛ Yezu Kristo, wi kpasa lɛ, kɛ a yolo sɛ i mɔ ni.

FILIPƐ 4:1

We duzu ma, onyae ngɔ sila mi gɛ, mi do wɔ wena we zɔ nɛ. Mi dɛ yangga we duzu nɛ, nɛ mi dɔnggɔ tɛ mi do nɛ. Kɔ oyali ngba mi, mi aka nɛ na, nɛ yóló nganda we duzu Nwa kɛ nɛ mba do a ni.

KƆLƆSƐ 1:10

Na mɛ ni, nɛ nɛ dungu sɛ nɛ́ kɛ ma wia do owinɔ 'da Gale ni, nɛ dɛa mɔ tɛ nɛ ma hã sɛ yangga hã a fai. Nɛ dɛ sɛ de mɔ kpi do kpi, nɛ nɛ ĩ sɛ ti Gale dɛ dati fai.

KƆLƆSƐ 1:4

Mba gɔ, lɛ zila sako kɔ̃a we 'da nɛ, kɛ nɛ kɔ̃a do zu li Yezu Kristo, do tɛlɛ tɛ kɛ nɛ kɔ̃a do gɛnɛ owinɔ 'da Gale vɛ̃ ni.

1 TƐSALONIKƐ 3:6

Nɛ nde ngangga ni, Timote kpula tɛ̃ a, nɛ a tɔ̃a dia sakoe 'da nɛ hã lɛ na, nɛ 'bana do kɔ̃a we dɛ 'da Gale, nɛ nɛ 'bana tɛ kɔ̃ ngba nɛ. A tɔ̃a 'bɔ na, nɛ 'bana tɛ lengge lɛ de wena, nɛ nɛ do wɔ we zɔ tɛ lɛ ɔ nɛ kɛ lɛ tɛ mɛ 'bɔ do wɔ we zɔ tɛ nɛ ni.

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

1 TIMOTE 1:11

Bia wenɔ ni ma yula kɔ Dia Sakoe, kɛ Gale ba to nɛ hã mi na, mi be ma ni. Dia Sakoe ni ma tɔ̃ we dɔ̃lɔ̃ li 'da Gale do dia wi 'da a.

1 TIMOTE 1:19

Kɔ mɔ dúngú do kɔ̃a we, nɛ mɔ ɔ́ do dia linggamɔ kɔ sila mɔ. Mba gɔ, ombe winɔ wa bɛa zi gɛnɛ dia linggamɛnɔ kɔ sila wa, nɛ 'do nɛ, nɛ kɔ̃a we 'da wa ma 'danga zi do'do.

2 TIMOTE 4:7

Mi bi zi dia bolo, nɛ mi yu gbaa, nɛ mi hɔa ndɔti yui 'da mi, nɛ mi là fala kɔ̃ we nu Gale gɔ.

TITO 2:10

nɛ wa tɛ zu mɔ kɔ̃ wa gɔ. Nɛ nde ma wia na, wa dɛ tonɔ 'da wa we do kɛ na, Owele wa kɔ̃ gɛnɛ wa. Na mɛ ni, nɛ we nu Gale, Wi kpasa lɛ, ma kpa sɛ dɔ̃lɔ̃ li kɔ mɛnɔ vɛ̃ wa dɛ ni.

FILEMƆ 1:5

Mba gɔ, mi zila sako kɔ̃a zã 'da mɔ dɛ 'da owinɔ 'da Gale, do kɔ̃a we 'da mɔ dɛ 'da Nwa Yezu.

ZAKE 3:18

Owi hã zã wa a Owi 'dafa dɛa na sanga Owele. Wa ɔ nɛ Owi kɛ wa mi dia kpalɛ ni. Nɛ kpalɛ wa mi ni, mɛ a dɛa na kɛ ma ko bɔlɔ zu.

2 PETRO 3:11

Nɛ́ kɛ mɛnɔ vɛ́ ma sɔkpɔ sɛ ní ni, ma wia na, nɛ ĩ ti tɛlɛ tɛ kɛ nɛ nɛ dungu nɛ ni. Nɛ 'dáfá dungu 'da nɛ, kɔ ma ɔ santo, nɛ nɛ ba tɛ nɛ vɛ hã Gale.

2 PETRO 3:14

We duzu ma, oyali ngba mi, mi tɔ̃ hã nɛ na, 'da fala nɛ tɛ 'bɔ 'da tũ hɔa 'da Nwa 'da lɛ ni, ma wia na, nɛ dɛ nganda, dɔ nɛ hɔ́ li a do 'dã mɔ gɔ, kɔ nɛ ɔ do gɛ̃a sila dati a.

YUDA 1:3

Aa oyali ngba mi, mi zi do wɔ wena we kɔmɔ mbɛti gɛ hã nɛ, takɔ mi tɔ̃ mbe gulu kpasi kɛ Gale hã ma hã lɛ do nɛ ni. Nɛ mi zɔa na, mi wia we kɔmɔ mbɛti gɛ hã nɛ, we hã kpã sila hã nɛ, takɔ nɛ bi nganda ngɔ we nu Gale, kɛ a hã ma hã owinɔ 'da a, nɛ ma yápá sɛ gɔ ni.