FILIPƐ 1:23 - WE NU GALE 1995

²³ Ma ɔ nɛ kɛ mi a nu nzangba wala ni. Mi kɔ̃a na mi fe, takɔ mi nɛ we kpa li ngba mi do Kristo, nɛ ki ni ma de sɔ tɛ mi la li.

FILIPƐ 1:23 Cross References

2 SAMUƐLƐ 24:14

Nɛ Davidi gese na: “Mi a kɔ gã 'bako. Nɛ nde mi kɔ̃̀ na, Owele hã wa hã etumbu hã mi gɔ. Mi kɔa na, NWA a a hã etumbu hã mi, we kɛ a do 'bako li a boe.”

Zumanɔ 17:15

Nɛ nde we mi, mi zɔ sɛ bula li mɔ, we kɛ mi a wi bɔlɔ zu. Hã fala kɛ mi tunu, nɛ mi dɛ sɛ yangga we zɔ mɔ.

Zumanɔ 49:15

Wa fe sɛ, nɛ wa le sɛ ti zunu, nɛ wa mbulu. Owi bɔlɔ zunɔ wa nɛ sɛ ngɔ wa, nɛ owinɔ ni wa la sɛ dɛ kɔ le 'da ofionɔ, nɛ wa ɔ sɛ dɛ i mɔ fai.

LUKA 12:50

Ma wia na, mi kpa batisimɔ ngamɔ. Nɛ mi do 'bako wena gbaa na, ma dɛ tɛ̃ ɛ sɛ nɛ de.

LUKA 23:43

Nɛ Yezu gese hã a na: “Mi tɔ̃ hã mɔ do gbãlã we na, sɔɛ gɛ, mɔ sɛ do mi tɛ kɔ Paradizo i.”

LUKA 8:38

nɛ wi kɛ a zi do o'dã hi winɔ ni aka Yezu na, ɛ nɛ do a. Nɛ Yezu bɛ̃a, nɛ a tɔ̃ hã a na:

YOANƐ 12:26

Wi kɛ a kɔ̃ we dɛ to hã mi, nɛ ma wia na, a tɛ 'dɔkɔlɔ mi. Na mɛ ni, nɛ fala mi ɔ sɛ nɛ ni, wi dɛ toe 'da mi a ɔ sɛ tɛ mɛ 'bɔ di ni. Wi kɛ a dɛ to hã mi, nɛ Baa mi a dɔnggɔ sɛ a.

YOANƐ 13:1

Do dati ɛngga Hɔ Nza kɔ Ngbá, nɛ Yezu ĩ zi na, ngba soe ɛ nɛ la nùi gɛ, kɔ ɛ nɛ dɛ 'da Baa ɛ i ni, ma wia ia. A kɔ̃a zi gɛnɛ owinɔ 'da a kɛ wa ngɔ nù gɛ ni wena, nɛ a kɔ̃a gɛnɛ wa la li ngele gbaa nɛ a fe nɛ.

YOANƐ 14:3

Kɔ mi nɛ, hã mi 'dafa fala hã nɛ do'do, nɛ mi kpolo sɛ 'bɔ tɛ mi, we kala nɛ si do nɛ dɛ fala mi do ma ni, takɔ nɛ ɔ tɛ mɛ 'bɔ dɛ di ni.

YOANƐ 17:24

“Baa mi, mɔ hã zi wa hã mi, kɔ mi kɔ̃a na, wa ɔ fala nɛ kpo do mi tɛ fála kɛ mi nɛ dungu do ma ni, takɔ wa zɔ dɔ̃lɔ̃ li 'da mi. Mɛ a dɔ̃lɔ̃ li kɛ mɔ hã zɛ́ ma hã mi, we kɛ mɔ kɔ̃a zɛ́ gɛnɛ mi dati kɛ na mɔ dɛ nùi ni.

Owi Nɛ Tonɔ 7:59

Kɔ wa tɛ lo Etiɛnɛ we gbɛ a ni, nɛ a sambala na: “Nwa Yezu, mɔ bá hi mi!”

2 KORINTƐ 5:8

Gbãlã we, lɛ gbini zã lɛ do Nwa, nɛ lɛ kɔ̃a sɔ na, lɛ hɔ nza kɔ kili tɛ wi nùi gɛ, nɛ lɛ nɛ dɛ 'da Nwa i.

2 KORINTƐ 6:12

Nɛ nde nɛ nganda sila nɛ, nɛ nɛ hũ̀i ma hã lɛ gɔ.

FILIPƐ 1:24

Nɛ nde we duzu nɛ, ma dia fɛ̃ na, mi 'bana nza.

1 TƐSALONIKƐ 2:1

Aa onyae, nɛ ngboo nɛ ĩ na, olo gɛnɛ kɛ lɛ nɛa zi 'da nɛ i ni là iko gɔ.

1 TƐSALONIKƐ 2:13

Mbe gulu kɛ lɛ hã 'bɔ iɔ̃nae hã Gale fai ni ma kɛ: 'Da fala kɛ nɛ zila zi we 'da Gale kɛ lɛ bia hã nɛ ni, nɛ nɛ kɔ̃̀ zi gɛnɛ nɛ ɔ nɛ lɛnggɛ nu wele iko gɔ, nɛ nde nɛ kɔ̃a na, mɛ a we nu Gale ngboo, nɛ ma tɛ dɛ to kɔ sila nɛ winɔ kɛ nɛ kɔ̃a ma ni.

1 TƐSALONIKƐ 4:17

Dɛ 'do nɛ, nɛ lɛ, kɛ lɛ 'bana do tunu li lɛ 'da fala nɛ ni, Gale a kala sɛ lɛ do wa fala nɛ kpo dɛ sanga kutunɔ, we gɔnɔ dati Nwa dɛ li ngɔ i. Na mɛ ni, nɛ lɛ sɛ do Nwa fala nɛ kpo fai.

2 TIMOTE 4:6

Kɔ we mi, ngba soe kɛ na mi hã tɛ mi nɛ́ dɔnggamɔ hã Gale ni ma wia ia. Tũ fio 'da mi ma kɔla ia.

USU MƐNƆ 14:13

'Do ki ni, nɛ mi zele wala gɛlɛ wele li nza i tɛ tɔ̃ hã mi na: “Mɔ kɔ́mɔ́ na: Ngangga gɛ winɔ kɛ wa fia dɛ kɔ dɛa toe 'da Nwa ni, wa a owi yangga!” Nɛ Hi Wi Santo na: “Mɛ a ngbongbo we. Ngangga ni, wa wia tɛ ɔmɔ tɛ wa do nga dɛa toe wa dɛa zi ni, we duzu kɛ dia mɔ do dɛa toe 'da wa kpia dɛ 'dɔkɔlɔ wa.”