FILIPƐ 1:21 - WE NU GALE 1995

²¹ Mba gɔ, we mi, gulu dungu nza 'da mi a Kristo. Nɛ fio a de mɔ we mi.

FILIPƐ 1:21 Cross References

1 KORINTƐ 1:30

Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.

1 KORINTƐ 3:22

Gɛnɛ kɔ wi a Polo, tabi Apolosi, tabi Petro, nɛ nde wa a wi gala nɛ. Kɔ mɛ tabi a nùi, tabi kpasi, tabi fio, tabi mɛnɔ kɛ ma sɔɛ gɛ boe, tabi kɛnɔ ma hɔ sɛ do 'do ni, nɛ nde ma vɛ a mɛnɔ 'da nɛ.

2 KORINTƐ 5:1

Lɛ ĩ na, kili tɛ wi nùi 'da lɛ, ma ɔ nɛ tɔa nù ni, ma 'danga sɛ. Nɛ nde gɛnɛ kɔ ma 'danga, nɛ Gale a 'dafa sɛ mbé tɔa hã lɛ li nza i. Mɛ a tɔa kɛ a ngboo a dɛa ma, nɛ ma 'dángá sɛ fala kpo gɔ ni.

2 KORINTƐ 5:6

We duzu ma, ma kɛ lɛ do kpã sila fai ni. Lɛ ĩ na, nɛ́ kɛ lɛ 'bana kɔ kili tɛ wi nùi gɛ ni, lɛ nyɛla do tɔa 'da Nwa Yezu nyɛla.

2 KORINTƐ 5:8

Gbãlã we, lɛ gbini zã lɛ do Nwa, nɛ lɛ kɔ̃a sɔ na, lɛ hɔ nza kɔ kili tɛ wi nùi gɛ, nɛ lɛ nɛ dɛ 'da Nwa i.

GALATI 2:20

Wi do kpasi, wi a mi gɔ, nɛ nde Kristo a kpasa kɔ mi. Kpasi kɛ mi do ma ngangga gɛ, mi do ma we kɔ̃a we kɛ mi kɔ̃a do zu li Be 'da Gale, kɛ a kɔ̃a zi gɛnɛ mi wena, nɛ a fia we mi ni.

GALATI 6:14

Kɛ 'da mi, mi kɔ̃a we dɔnggɔ tɛ mi tati a do fie 'da Nwa 'da lɛ Yezu Kristo ngɔ finda te. We duzu fie 'da a ngɔ finda te, ma a mɛnɔ ngɔ nù gɛ vɛ ɔ li mi nɛ kɛ ma fi fia ni, nɛ mi ɔ tɛ mɛ 'bɔ li mɛnɔ ngɔ nù gɛ nɛ kɛ mi fi fia ni.

FILIPƐ 1:20

Mɛ mi kɔ̃a ma ngboo, nɛ mi e sila mi ngɔ ma vɛ ni, mɛ a kɛ na, dɔ mi dɛ́ mɔ kɛ ma hã sape hã mi ni gɔ. Nɛ nde di ngangga ni, do 'da fala fai, tabi mi 'bana nza, tabi mi fe nde, nɛ mi sɛ do nɔa sila na, dɛa mɔ tɛ mi vɛ́ hã dɔ̃lɔ̃ li hã Yezu Kristo.

FILIPƐ 1:22

Kɔ fala kɛ mi 'bana nza, nɛ mi we sɛ 'bɔ we dɛ dia dɛa to hã winɔ. Mi lengge ma bɔa nɛ, nɛ mi ĩ̀ ti kɛ mi nɛ saka nɛ ni gɔ.

FILIPƐ 1:23

Ma ɔ nɛ kɛ mi a nu nzangba wala ni. Mi kɔ̃a na mi fe, takɔ mi nɛ we kpa li ngba mi do Kristo, nɛ ki ni ma de sɔ tɛ mi la li.

FILIPƐ 2:21

Tala winɔ vɛ̃, wa lengge tati a dia mɛ 'da wa wele nɛ iko, wa lénggé do we 'da Yezu Kristo gɔ.

KƆLƆSƐ 3:4

Kristo a kpasi 'da nɛ ngboo. Kɔ 'da fala kɛ a tɛ sɛ 'bɔ mbé nɛ ni, nɛ nɛ hɔ sɛ tɛ mɛ 'bɔ, nɛ nɛ mba do a kɔ dɔ̃lɔ̃ li 'da a.

USU MƐNƆ 14:13

'Do ki ni, nɛ mi zele wala gɛlɛ wele li nza i tɛ tɔ̃ hã mi na: “Mɔ kɔ́mɔ́ na: Ngangga gɛ winɔ kɛ wa fia dɛ kɔ dɛa toe 'da Nwa ni, wa a owi yangga!” Nɛ Hi Wi Santo na: “Mɛ a ngbongbo we. Ngangga ni, wa wia tɛ ɔmɔ tɛ wa do nga dɛa toe wa dɛa zi ni, we duzu kɛ dia mɔ do dɛa toe 'da wa kpia dɛ 'dɔkɔlɔ wa.”