FILIPƐ 1:20 - WE NU GALE 1995

²⁰ Mɛ mi kɔ̃a ma ngboo, nɛ mi e sila mi ngɔ ma vɛ ni, mɛ a kɛ na, dɔ mi dɛ́ mɔ kɛ ma hã sape hã mi ni gɔ. Nɛ nde di ngangga ni, do 'da fala fai, tabi mi 'bana nza, tabi mi fe nde, nɛ mi sɛ do nɔa sila na, dɛa mɔ tɛ mi vɛ́ hã dɔ̃lɔ̃ li hã Yezu Kristo.

FILIPƐ 1:20 Cross References

Zumanɔ 119:116

Aa NWA, mi gbini zã mi do mɔ, mɔ tɛ 'dàngà linggamɛ ni gɔ. Mɔ ha ngawi hã mi nɛ́ kɛ mɔ tɔ̃a ni, nɛ mi kpasa sɛ.

Zumanɔ 119:80

Mi kɔ̃a we dɛ olo nu mɔ do sila mi vɛ̃, na dɔ mi kpá sape gɔ.

Zumanɔ 25:2

Aa Gale 'da mi, mi gbini zã mi do mɔ, mɔ tɛ ha sape hã mi gɔ. Mɔ tɛ là owi sɛnɛ mi, hã wa nɛ ngɔ mi gɔ.

Zumanɔ 62:5

Nɛ fa we futu mi we duzu dɔ̃lɔ̃ li 'da mi, nɛ nɛ kɔ̃a tati a tɔ̃ bɛlɛ. Nɛ tɔ̃ ɛ̃fɛ̃ nu, nɛ nɛ wele nu nɛ tɛ wele, nɛ nde do kɔ sila nɛ i, nɛ fɔmbɔ a fɔmba.

GBA WENƆ 10:28

Mɔ kɛ wi bɔlɔ zu e sila a ngɔ nɛ ni, ma hã sɛ yangga hã a. Nɛ nde mɔ kɛ 'dã wi 'bã ni, ma sɔ́kpɔ́ do dia nɛ gɔ.

GBA WENƆ 23:18

Mɔ dɛ na mɛ ni, nɛ mɔ kpá sɛ sape gɔ, nɛ mɔ dungu sɛ do dia nɛ fai.

Ezai 45:17

Nɛ nde NWA Gale, a kpasa nɛ obe Israɛlɛ, nɛ kpasi ni ma 'bana sɛ fai. Nɛ kpá sɛ sape fala kpo gɔ.’ ”

Ezai 50:7

Nɛ nde NWA Gale a gbaka mi, nɛ dɛlanɔ ni ma dɛ̀ mɔ tɛ mi gɔ. Mi kunu sila mi nganda wena, nɛ mi ĩ na, mi kpá sɛ sape gɔ.

Ezai 54:4

Nɛ tɛ dɛ̀ kili gɔ, nɛ kpá sɛ 'bɔ sape ɔ nɛ vĩ zu wuko gɔ. Ta zu nɛ ma ele sɛ ngɔ sape kɛ nɛ kpa zi ma ngɔ nga tɛ nɛ ɔ nɛ wi fio wili ni, nɛ nɛ lénggé sɛ 'bɔ do ma gɔ.

YOANƐ 21:19

(Do lɛnggɛ ni, Yezu be a tɛlɛ tɛ fie kɛ Petro a fe sɛ do ma, nɛ a hã do dɔ̃lɔ̃ li hã Gale ni.) Nɛ Yezu tɔ̃ hã a na: “Mɔ tɛ́ 'dɔkɔlɔ mi.”

Owi Nɛ Tonɔ 20:24

Nɛ nde we duzu mi, mi lénggé do kpasi 'da mi gɔ. Mi kɔ̃a tati nɛ na, mi dɛ toe 'da mi gbaa, kɔ mi hɔ ndɔti nɛ. Mi kɔ̃a na, mi hɔ sɔkpɔ toe kɛ Nwa Yezu hã ma hã mi na, mi tɔ̃ sako dia zã 'da Gale hã winɔ ni.

Owi Nɛ Tonɔ 21:13

Nɛ a gese hã lɛ na: “Gulu kɛ nɛ he, nɛ nɛ gɛ tɛ mi ni we ge nde? Gɛnɛ kɔ wa ba mi Yeruzalɛmɛ i, kɔ wa ɛnzɛ mi, kɔ wa gbɛ mi we Nwa Yezu, nɛ mi kɔ̃ sɛ iko.”

Owi Nɛ Tonɔ 4:31

Sambala 'da wa nɛa we e nɛ, nɛ fala wa dungu nɛ ni, tana gbirr. Nɛ wa vɛ̃ wa dunu do ngawi 'da Hi Wi Santo, nɛ wa ma ngɔ be we nu Gale do kpã sila.

ROMA 12:1

Aa onyae, ɔ nɛ kɛ Gale bia dia zã 'da a hã lɛ na mɛ ni, mi aka nɛ na, nɛ há kpasi 'da nɛ vɛ hã Gale ɔ nɛ dɔnggamɔ kɛ wa dɔ hã a ni, nɛ hã tɛ nɛ we do kɛ na, nɛ hã yangga hã a, nɛ a kɔ̃ gɛnɛ nɛ. Ki ni mɛ a ngbongbo wala kɛ nɛ wia we dɔnggɔ do Gale gɛ a ni.

ROMA 5:5

Nɛ olo kɛ lɛ gbini zã lɛ do Gale ni, ma ɔ́ sɛ yala iko gɔ, we duzu kɛ Gale bia kɔ̃a zã 'da a hã lɛ do wala 'da Hi Wi Santo kɛ a hã a hã lɛ ni.

ROMA 6:13

Nɛ tɛ hã̀ tɛ nɛ we dɛ 'dã mɔ gɔ, nɛ nɛ tɛ è kifi tɛ nɛ fi wala dɛ 'dã mɔ gɔ. Nɛ nde ɔ nɛ kɛ Gale kpasa nɛ kɔ fio ia ni, nɛ hã́ tɛ nɛ vɛ we dɛ to hã a, nɛ é kifi tɛ nɛ fi wala dɛ bɔlɔ zu dɛa mɔ.

ROMA 6:19

(Mi tɔ̃ ɔ nɛ kɛ winɔ vɛ wa wia tɛ tɔ̃ nɛ ni, sɛ a ma lia nɛ de, we kɛ hã zã nɛ gã̀ gɔ.) Zi dati, nɛ hã zi tɛ nɛ vɛ̃ we dɛ mɔ sape, do gele 'dã mɛnɔ kpi do kpi, kɛ ma dè li Gale gɔ ni. Kɔ ma wia tɛ mɛ 'bɔ na, ngangga gɛ, nɛ hã tɛ nɛ vɛ we dɛ mɔ kɛ ma a bɔlɔ ni, takɔ nɛ ɔ winɔ 'da Gale ngboo.

ROMA 8:19

Mɛnɔ nyanga nza gɛ vɛ kɛ Gale dɛa ni, ma do wɔ wena we zɔ ngba soe kɛ Gale nɛ hã do dɔ̃lɔ̃ fi hã obenɔ 'da a ni.

ROMA 9:33

kɛ wa kɔma we nɛ kɔ 'Buki 'da Gale na: “Nɛ zɔ́, mi ia ta kɔ le Sioni, mɛ a ta kɛ owinɔ wa kɔ do nyanga wa, nɛ wa te ni. Nɛ nde wi kɛ a kɔ̃ zu li a ni, a kpá sɛ sape gɔ.”

1 KORINTƐ 15:31

Gbãlã we, onyae, tũ kpo kpo, nɛ mi hɔ fɛna fio. Mi tɔ̃ ma hã nɛ, we kɛ mi dɔnggɔ tɛ mi do nɛ, kɛ lɛ mba do nɛ dɛ kɔ Nwa 'da lɛ Yezu Kristo ni.

1 KORINTƐ 6:20

nɛ nde wele nɛ a mɔ́ Gale. A usa zi nɛ ia, kɔ ma wia na, nɛ é tɛ nɛ we hã dɔ̃lɔ̃ li hã a.

1 KORINTƐ 7:34

Nɛ sila a kɛa bɔa. Na mɛ ni, wuko kɛ a bà wili gɔ, tabi be zɔnga, a lengge tati a do dɛa toe 'da Nwa, nɛ a kɔ̃a na, ɛ hã kili tɛ ɛ do sila ɛ vɛ hã Nwa. Nɛ nde wuko kɛ a ba wili ba ni, a lengge wena do mɛnɔ nù gɛ, nɛ a fa we hã yangga hã wili a.

2 KORINTƐ 10:8

Gɛnɛ kɔ mi dɔnggɔ tɛ mi do dɛa to nwa kɛ Nwa Gale hã hã lɛ ni, nɛ nde mi wè tɛ ɔ do sape we ma gɔ. Dɛa to nwa gɛ, ma we gala nɛ na, kɔ̃a we 'da nɛ ma gã dɛ dati fai, nɛ nde ma we 'danga kɔ̃a we 'da nɛ 'danga gɔ.

2 KORINTƐ 3:12

Kɔ nɛ́ kɛ lɛ gbini zã lɛ ní ni, kili wele we dɛ wila fala bá 'bɔ lɛ gɔ.

2 KORINTƐ 4:10

Lɛ hɔ fɛna fio fai na wa gbɛ lɛ, ɔ nɛ kɛ wa gbɛa zi do Yezu ni. Nɛ winɔ wa zɔ lɛ, nɛ wa ĩ na, Yezu fè gɔ, a 'bana kɔ lɛ.

2 KORINTƐ 5:15

A fia we winɔ wa 'bana nza ni vɛ, takɔ kpasi 'da winɔ ni, ma tɛ ɔ̀ 'bɔ we wa wele nɛ gɔ, nɛ nde ma ɔ we wele kɛ a fia, nɛ a tunu kɔ fio we wa ni.

2 KORINTƐ 7:14

Mi dɔnggɔ zi tɛ mi hã a we duzu nɛ, nɛ nɛ kala sape li mi. Nɛ́ kɛ wenɔ lɛ tɔ̃a zi ma hã nɛ ni, mɛ vɛ́ a gbãlã we ni, na mɛ ni, dɔnggɔ tɛ wi kɛ lɛ dɔnggɔ zi hã Tito we duzu nɛ ni, mɛ 'bɔ a gbãlã we.

2 KORINTƐ 7:4

Mi do kafi ngɔ nɛ bina, nɛ mi dɔnggɔ tɛ mi do nɛ. Nɛ kɔ 'bakonɔ vɛ́ lɛ kpa ni, nɛ nde mi mbɔ́kɔ́ gɔ, nɛ mi do yangga wena.

FILIPƐ 1:14

Nɛ bɔlɔkɛ mi lia gɛ ma dɛa na, mbe dɛlɛ onya lɛ wi kɔ̃a wenɔ wa gbini zã wa do Yezu Kristo dɛ dati. Nɛ ma kpãlã sila wa we be we nu Gale hã Owele, nɛ wa tɛ dɛ̀ 'bɔ kili gɔ.

FILIPƐ 2:17

Kɔ̃a we 'da nɛ ɔ nɛ dɔnggamɔ kɛ nɛ dɔnggɔ do Gale ni. Kɔ fala kɛ ma we na, tɔkɔ tɛ mi ma a nù we mba do dɔnggamɛ 'da nɛ ni, nɛ mi dɛ sɛ yangga wena, nɛ nɛ mba sɛ do mi kɔ yangga ni.

KƆLƆSƐ 1:24

Nɛ ngangga gɛ, zɛlɛ tɛnɔ mi kpa we duzu nɛ ni, ma hã yangga hã mi. Mba gɔ, ngamɛnɔ mi zɔ kɔ kili tɛ mi ni, ma gbala nu kɛnɔ Yezu zɔa zi ma we Eklezia, kɛ mɛ a kili tɛ̃ a ni.

1 TƐSALONIKƐ 5:23

E kɔ Gale, wele gɛa sila dɛ na, nɛ hɔ owinɔ 'da a ngboo, nɛ a zɔ́ mɔ tɛ hi nɛ, do sila nɛ, do kifi tɛ nɛ vɛ̃ do dia nɛ na, da dɛ kɔ nɛ kpá kɔ'dɔ wi do ngba soe kɛ Nwa 'da lɛ Yezu Kristo a tɛ sɛ nɛ ni gɔ.

1 PETRO 4:16

Kɔ fala kɛ mbe sanga nɛ zɔ ngamɔ, we duzu kɛ a a wi Kristo, nɛ sape tɛ bà li a gɔ. Nɛ nde a gese iɔ̃nae hã Gale, we duzu li Kristo kɛ wa sa zu a ni.

1 YOANƐ 2:28

Aa benɔ 'daa, nɛ 'báná dɛ kɔ Yezu, kɔ ngba soe kɛ a hɔ sɛ nɛ ni, nɛ lɛ sɛ do kili kɔ sila lɛ bina, nɛ sape bá sɛ li lɛ we hɔ dati a gɔ.