FILIPƐ 1:17 - WE NU GALE 1995

¹⁷ Nɛ nde kuti wanɔ ni, wa be Sakoe 'da Kristo do sila wa bɔa, we kɛ wa kɔ̃a na li lo dɔ̃lɔ̃ nɛ ngɔ mi. Wa lengge na lo dɛ́ ni, sɛ a ma hã 'bɔ mbé zɛlɛ tɛ hã mi dɛ ngɔ kɛ mi do ma kɔ bɔlɔkɛ gɛ de.

FILIPƐ 1:17 Cross References

LUKA 21:14

Nɛ nde da dɛ kɔ nɛ bí tɛ nɛ na, lo nɛ tɔ̃ sɛ na ge nde gɔ. We kɛ nɛ ĩ́ na,

Owi Nɛ Tonɔ 22:1

Nɛ Polo na: “Obaa mi, do onya mi, nɛ zélé mbe gulu we 'da mi sɛ!”

Owi Nɛ Tonɔ 26:1

Nɛ Agripa tɔ̃ hã Polo na: “Mi hã wala hã mɔ, mɔ tɔ̃ gulu we 'da mɔ.” Nɛ Polo we kɔ̃ ɛ hã winɔ, nɛ a tɔ̃ na:

Owi Nɛ Tonɔ 26:24

Kɔ Polo tɛ tɔ̃ kɛ 'da a ni, nɛ Fɛstusi he mɔ zu a na: “Aa Polo! Bɔ zu mɔ nde? Mɔ yambala mbɛti fai, nɛ ma fi bɔ zu mɔ do'do!”

ROMA 2:8

Nɛ nde wanɔ kɛ wa bɛ we nu Gale, nɛ wa bɛ gɛnɛ gbãlã we, nɛ wa yɛnggɛ tɛ dɛ 'dã mɔ iko ni, zã a ma nɔ̃lɔ̃ sɛ dɛ tɛ wa, nɛ a sɛ do mãlã dɛ ngɔ wa.

FILIPƐ 1:18

Ma dɛ́ mɔ gɔ! Gɛnɛ kɔ wa be Dia Sakoe 'da Kristo do kɔ sila bɔnɛ, tabi wa be do ngbongbo nɛ, nɛ nde we bina. Wa vɛ̃ wa tɛ pɛsɛ Dia Sakoe dɛ dati, nɛ ma hã yangga hã mi. Nɛ mi dɛ sɛ yangga we ma fai,

FILIPƐ 1:7

Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

FILIPƐ 2:3

Nɛ tɛ fà we nɛ ngɔ ngba nɛ gɔ, nɛ nɛ tɛ dɔ̀nggɔ̀ tɛ nɛ gɔ. Nɛ bá tɛ nɛ dɛ nù, nɛ nɛ zɔ́ ongba nɛ na, wa nɛa ngɔ nɛ.

1 TIMOTE 2:7

We duzu ma, Gale saka mi do wi nɛ toe 'da a, we be gbãlã we 'da a hã owinɔ kɛ wa a Oyuda gɔ ni na, wa kɔ̃ gɛnɛ nɛ. We mi tɔ̃ ni, mɛ a nga li we, mi 'bílí bɛlɛ gɔ.

2 TIMOTE 2:9

Nɛ we duzu Dia Sakoe ni, ma kɛ mi kpa zɛlɛ tɛ, nɛ wa ɛnzɛ mi do dɔkpɔ, nɛ wa fi mi bɔlɔkɔ ɔ nɛ wi dɛ 'dã mɔ ni. Nɛ nde wa ɛ̀nzɛ̀ we nu Gale gɔ.

2 TIMOTE 4:16

Kuti kɛ mi nɛa zi we tɔ̃ gulu we 'da mi dati Owi 'bili wenɔ ni, nɛ nde fo zi wi yolo 'do mi bina. Winɔ vɛ̃ wa yu zi mi. E kɔ Gale mbɔkɔ wa!