फिलिप्‍पी 4:9 - नेवाः बाइबल

⁹ जिं यानागु छिमिसं न्‍यनातःगु व थः नालाकया तःगु हे दु। अले जिं छिमित स्‍यना बियागु व थुइका बियागु नं दु। छिमिसं नं अथे हे याना च्‍वँ। अले शान्‍ति बियादीम्‍ह परमेश्‍वर छिपिंनाप दइ।

फिलिप्‍पी 4:9 Cross References

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 8:10

थःपिनिगु निंतिं उपायत दय्‌कि तर उपिं ताःलाइ मखु। गुलि खँ ल्‍हाये मास्‍ति व ल्‍हा तर उपिं फुक्‍क ताःलाइ मखु, छाय्‌धाःसा परमेश्‍वर जिपिंनापं दी।

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

मत्ती 7:21

“जितः ‘प्रभु, प्रभु’ जक धयाजुइपिं मनूत परमेश्‍वरयागु राज्‍यय् दुहां वने फइ मखु। स्‍वर्गय् च्‍वनादीम्‍ह जिमि बाःयात लय्‌तायेक ज्‍या याना जूपिं जक वय्‌कःयागु राज्‍यय् दुहां वने फइ।

लूका 6:46

“छिमिसं जिं धयागु खँ न्‍यने मखुसा, छाय् जितः प्रभु, प्रभु, धकाः धायेगु?

लूका 8:21

वय्‌कलं इमित लिसः बियादिल – “परमेश्‍वरयागु वचन न्‍यंपिं व मानय् याइपिं हे जि मां व किजापिं खः।”

यूहन्‍ना 13:17

थ्‍व खँ छिमिसं सीकाः यात धाःसा छिपिं धन्‍यपिं जुइ।

यूहन्‍ना 15:14

जिगु आज्ञा मानय् याःसा छिपिं धात्‍थें हे जिमि पासापिं खत।

यूहन्‍ना 2:5

अय्‌नं वय्‌कःया मांनं च्‍यःतय्‌त धाल – “वय्‌कलं छु धयादी छिमिसं व हे या।”

प्रेरित 9:6

आः दनाः शहरय् हुँ, अन हे छन्‍त यायेमाःगु ज्‍या कनी।”

रोमी 15:33

शान्‍ति बियादीम्‍ह परमेश्‍वर छिपिंनाप दयेमा। आमेन।

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

१ कोरिन्‍थी 10:31

अय्‌जूगुलिं छिमिसं नःसां त्‍वंसां न्‍ह्यागु याःसां परमेश्‍वरया महिमाया निंतिं या।

१ कोरिन्‍थी 14:33

न्‍ह्यःने लाः थें यायेत झीत परमेश्‍वरं सःतादीगु मखु बरु बांलाक यायेत अले मिलय् जुइत सःतादीगु खः।

१ कोरिन्‍थी 4:16

अय्‌जूगुलिं जिं यानाच्‍वना थें छिमिसं नं या धकाः बिन्‍ति यानाच्‍वनागु खः।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

व्‍यवस्‍था 5:1

मोशां सकलें इस्राएलीतय्‌त सःताः धाल, हे इस्राएल, थौं जिं छिमित कनेत्‍यनागु विधि व नियम न्‍यँ! उपिं सय्‌काः बांलाक मानय् या!

फिलिप्‍पी 3:17

यःपिं दाजुकिजापिं, छिमिसं नं जिं थें या। गथे जिपिं छिमिगु निंतिं नमूना जुया, अथे याइपिं मेपिनिगुपाखें नं स्‍यना का।

फिलिप्‍पी 4:7

सुयागुं ज्ञान बुद्धिं थुइके मफुगु परमेश्‍वरयागु शान्‍तिं छिमिगु नुगः व मनयात ख्रीष्‍ट येशूपाखें बचय् याना तइ।

१ थेसलोनिकी 1:6

छिमिसं उलिमछि दुःखकष्‍ट जुल नं पवित्र आत्‍मां यानाः भिंगु खँ न्‍यनाः विश्‍वास यात। थुकथं छिपिं जिमिसं व प्रभुं यानादी थें याइपिं जुल।

१ थेसलोनिकी 2:14

दाजुकिजापिं, ख्रीष्‍ट येशूयात विश्‍वास यानाच्‍वंपिं यहूदियाय् च्‍वंगु मण्‍डलीयापिन्‍सं थें छिमिसं नं दुःखकष्‍ट सियाच्‍वंगु दु। इमित गथे यहूदीतय्‌सं दुःख बियाच्‍वन, छिमित नं अथे हे छिमिगु देशय् च्‍वंपिन्‍सं दुःख बियाच्‍वंगु दु।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

२ थेसलोनिकी 3:4

जिमिसं धया थें छिमिसं यानाच्‍वंगु दु, अले याना हे च्‍वनी धकाः जिमिसं प्रभुयाके भरोसा कयागु दु।

२ तिमोथी 4:22

प्रभु छंगु नुगलय् दीमा। परमेश्‍वरं छिमित दया माया यानादीमा।

याकूब 1:22

वचनयात न्‍यनेगु जक मखु, मानय् नं यायेगु या। थःम्‍हं थःत धोखा बी मते।

२ पत्रुस 1:10

अय्‌जूगुलिं यःपिं दाजुकिजापिं, छिमित परमेश्‍वरं हे सःताः ल्‍ययादीगु खः धकाः क्‍यनेत कुतः या। थथे यात धाःसा छिपिं गुबलें हे क्‍वदली मखु।

१ यूहन्‍ना 3:22

वय्‌कलं धयादीगु मानय् जुयाः वय्‌कःयात यःयःगु जक याना जूसा वय्‌कःयाके न्‍ह्यागु फ्‍वंसां झीत बियादी।