फिलिप्‍पी 4:3 - नेवाः बाइबल

³ अले विश्‍वास याये बहःम्‍ह पासा, थुपिं मिसातय्‌त ग्‍वाहालि या। छाय्‌धाःसा इमिसं जि नाप भिंगु खँ न्‍यंकेगु ज्‍या याःगु दु। थुलि जक मखु, इमिसं क्‍लेमेस व जि नाप ज्‍या याःपिं जीवनयागु सफुलिइ नां दुथ्‍याःपिं मेमेपिं मनूतलिसे नं भिंगु खँ न्‍यंकूगु दु।

फिलिप्‍पी 4:3 Cross References

भजनसंग्रहया सफू 69:28

जीवनया सफुलिं इमिगु नां हुयादिसँ। धर्मीतय्‌गु धलखय् इमिगु नां च्‍वयादी मते।

प्रस्‍थान 32:32

अय्‌जूसां थुमिगु पाप क्षमा यानादिसँ, मखुसा छिं च्‍वयादीगु सफुलिं जिगु नां हुयादिसँ।”

यशैया 4:3

सियोनय् त्‍वःताथकूपिं व यरूशलेमय् ल्‍यनाच्‍वंपिं अथे धइगु यरूशलेमय् च्‍वंपिं धकाः नां च्‍वयातःपिं फुक्‍कसित पवित्रपिं मनूत धकाः धाइ।

इजकिएल 13:9

जिगु ल्‍हाः मखुगु दर्शन खनीपिं व मखुगु ज्‍वखना ल्‍हाइपिं अगमवक्तातय्‌गु विरोधय् जुइ। इमित जिगु प्रजाया सभाय् थाय् दइ मखु। इमिगु नां इस्राएलया घरानाया धलखय् दइ मखु। इस्राएल देशय् इपिं दुहां वने दइ मखु। अले जि हे परमप्रभु परमेश्‍वर खः धकाः छिमिसं सी।

दानिएल 12:1

सुतियागु वसः फिनातःम्‍ह स्‍वर्गदूतं हानं जितः धाल, “उबलय् छिमि मनूतय्‌त रक्षा याइम्‍ह तःधंम्‍ह स्‍वर्गदूत मिखाएल दनी। अले जाति जाति शुरु जूगु इलंनिसें गुबलें मवःगु विपत्तिया ई वइ। व ई वइबलय् परमेश्‍वरया सफुलिइ नां च्‍वयातःपिं छिमि सकलें मनूत बचय् जुइ।

लूका 10:20

अथे भूत आत्‍मातय्‌सं नं छिमिगु खँ न्‍यं धकाः लय्‌तायेगु बांलाःगु खँ मखु, बरु छिमिगु नां स्‍वर्गय् च्‍वयातःगु दु धकाः लय्‌ता।”

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

रोमी 16:12

प्रभुयागु ज्‍या यानाजुइपिं केहेँपिं त्रुफेना व त्रोफोसायात ज्‍वजलपा दु धकाः न्‍यंकाब्‍यु। दुःखकष्‍ट सियाः प्रभुयागु ज्‍या याना जूम्‍ह जितः यःम्‍ह परसीसयात ज्‍वजलपा दु धकाः न्‍यंकाब्‍यु।

रोमी 16:9

झी नाप नापं ख्रीष्‍टयागु ज्‍या यानाच्‍वंम्‍ह उर्बानस व जितः यःम्‍ह स्‍ताखुसयात ज्‍वजलपा दु धकाः न्‍यंकाब्‍यु।

फिलिप्‍पी 1:12

यःपिं दाजुकिजापिं, जितः थथे जूवःगु दुःखकष्‍टं भिंगु खँ झन बय्‌बय् जुयावंगु दु धकाः सीकि।

फिलिप्‍पी 1:16

थथे यचुगु नुगलं भिंगु खँ न्‍यंका जूपिन्‍सं जितः भिंगु खँयागु निंतिं थथे झ्‍यालखानाय् कुनातःगु खः धकाः सीकाः माया वनाः न्‍यंकाजूगु खः।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

फिलिप्‍पी 1:5

छाय्‌धाःसा भिंगु खँ न्‍यंकेगु ज्‍याय् छिमिसं जितः न्‍हापांनिसें ग्‍वाहालि यानावयाच्‍वंगु दु।

फिलिप्‍पी 1:7

छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।

फिलिप्‍पी 4:2

इयोदिया व सुन्‍तुखेयात जिं बिन्‍ति यानाच्‍वना – छिपिं निम्‍ह तताकेहेँ प्रभुयात विश्‍वास यानाः मिलय् जुयाच्‍वँ।

कलस्‍सी 1:7

थ्‍व हे वचन छिमिसं जिपिं थें ज्‍याःम्‍ह प्रभुया दास इपाफ्रासयापाखें सय्‌का काःगु दु। व विश्‍वास याये बहःम्‍ह ख्रीष्‍टया छम्‍ह दास खः।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।

प्रकाश 20:12

अले जिं सिंहासनयागु न्‍ह्यःने तःधंपिं व चिधंपिं सीपिं दनाच्‍वंगु व सफूत पुइकातःगु खना। मेगु छगू सफू नं पुइकल, थ्‍व सफू जीवनयागु सफू खः। अले इमिसं याःगु ज्‍या स्‍वयाः जीवनयागु सफुलिइ च्‍वया तः थें सीपिं फुक्‍कसित न्‍याय यात।

प्रकाश 20:15

जीवनयागु सफुलिइ नां च्‍वया मतःपिं फुक्‍कसितं मि गालय् वांछ्वल।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 3:5

थथे त्‍याःम्‍हय्‌सित जिं तुयुगु वसतं पुंकाबी। अले जिं वयागु नां जीवनयागु सफुलिं गुबलें हुयाछ्वये मखु। जिमि बाःयागु न्‍ह्यःने व वय्‌कःया स्‍वर्गदूततय्‌गु न्‍ह्यःने जिं थ्‍व जिम्‍ह मनू खः धकाः धाये।