फिलिप्‍पी 4:18 - नेवाः बाइबल

¹⁸ छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

फिलिप्‍पी 4:18 Cross References

प्रस्‍थान 29:18

भ्‍याःचाया म्‍ह छम्‍हं वेदीइ छ्वय्‌काछ्व। थ्‍व परमप्रभुया निंतिं विशेष देछा, नस्‍वाःगु होमबलि खः।

गन्‍ती 15:3

छिमिसं परमप्रभुयात लय्‌ताय्‌कीगु नस्‍वाःकथं होमबलि व विशेष देछा बीबलय् सा द्वहंया बथां वा फैच्‍वलय्‌या बथांपाखें जुइमाः, अथे हे भाकलया बलि, थःयसें छाइगु बलि व नखःचखःया बलि बीबलय्

गन्‍ती 7:62

गुँगू जाय्‌क दुगु झिगू शेकेल लुँयागु छपा पाचिंगु थल,

प्रेरित 10:4

वं स्‍वःगु स्‍वलं तुं यानाः ग्‍याग्‍यां धाल – “प्रभु, छु याये माल, धयादिसँ?” अले दूतं वयात धाल – “छं मेपिन्‍त याःगु ग्‍वाहालि व प्रार्थना खनाः परमेश्‍वर तसकं लय्‌तायादिल।

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

२ कोरिन्‍थी 11:8

जि छिमिथाय् ज्‍या यानाच्‍वनाबलय् मेथाय् च्‍वंगु मण्‍डलीपाखें धिबा कयाः छिमिगु सेवा यानाः इमित लुतय् याना थें जक जुल।

२ कोरिन्‍थी 9:12

परमेश्‍वरया मनूतय्‌त थुकथं छिमिसं ग्‍वाहालि याःगुलिं इमित माक्‍व चू जक लाःगु मखु, थुकिं यानाः इमिसं दुनुगलंनिसें परमेश्‍वरयात नं सुभाय् बियाच्‍वनी।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

फिलिप्‍पी 4:12

मदुबलय् नं दुबलय् नं जि लुधंकाच्‍वने सः। न्‍ह्याबलें न्‍ह्याथासं नये खंसां मखंसां, यक्‍व दुसां द हे मदुसा नं जिं लुधंकाच्‍वने सय्‌कागु दु।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

हिब्रू 13:16

मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।