फिलिप्‍पी 4:17 - नेवाः बाइबल

¹⁷ जिं छिमिपाखें ग्‍वाहालि कायेत थथे धयागु मखु। बरु स्‍वर्गय् च्‍वंगु छिमिगु हे ल्‍याःचालय् यक्‍व दयावयेमा धकाः खः।

फिलिप्‍पी 4:17 Cross References

हितोपदेश 19:17

सुनां चीमिपिन्‍त ग्‍वाहालि याइ, वं परमप्रभुयात त्‍याय्‌ब्‍यूगु जुइ, वय्‌कलं लिपा पुलाबी।

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

मलाकी 1:10

हाकनं दक्‍व शक्ति दुम्‍ह परमप्रभुं धयादी, “हे पुजाहारीत! छिमिसं जिगु वेदीइ ज्‍याख्‍यलय् मदुगु मि मच्‍याकेत छिपिं मध्‍ये छम्‍हय्‌सिनं देगःयागु लुखा तिना ब्‍यूसा ज्‍यूनि। जि छिपिं खना लय्‌मताः छिमिगु ल्‍हाःया देछा काये नं मखु।”

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 15:8

छिमिसं यक्‍व फल सय्‌कल धाःसा उकिं हे जिमि बाः तःधनी। अले छिपिं जिमि चेलात जुइ।

रोमी 15:28

थ्‍व ज्‍या सिधय्‌काः जिं कयाः हयागु भेटी लःल्‍हाना बीधुंकाः छिमित नाप लानाः जि स्‍पेनय् वने।

२ कोरिन्‍थी 11:16

जिं हानं धाये – सुनानं जितः मूर्ख भाःपी मते। छिमिसं जितः मूर्ख हे खः धकाः मतिइ तःसां छिमिसं जिगु खँ मानय् या, अले भतिचा जक जूसां जिं फुइँ यायेथाय् दइ।

२ कोरिन्‍थी 9:5

अय्‌जूगुलिं जिं न्‍हापां हे थः वये न्‍ह्यः इमित छ्वयाहयागु खः। थथे छिमिसं बी धाःगु धिबा ठीक याना ति। अले थ्‍व धिबा करंबरं मखु, बरु थःयसें ब्‍यूगु ग्‍वाहालि खः धकाः सी दइ।

फिलिप्‍पी 1:11

अले परमेश्‍वरया महिमा व प्रशंसाया निंतिं येशू ख्रीष्‍टपाखें वइगु धार्मिकताया फलं छिपिं जाइ।

फिलिप्‍पी 4:11

मदय्‌कं मगानाः ला जिं थथे धयागु मखु, छाय्‌धाःसा न्‍ह्यागु हे जूसां लुधंका च्‍वनेत स्‍यना कयागु दु।

१ थेसलोनिकी 2:5

छिमिसं सि हे स्‍यू, जिमिसं छिमिके ह्यय्‌का कायेत स्‍वयागु नं मदु, अले न छुं काये दइ धकाः हे जिमिसं लोभ यानागु दु। परमेश्‍वर साक्षी दु।

१ तिमोथी 3:3

अय्‌लाखं काय्‌का मजुइम्‍ह, ल्‍वाना मजुइम्‍ह, भिंम्‍ह, हाला जुइ मखुम्‍ह, धिबायागु लोभ मदुम्‍ह,

१ तिमोथी 6:10

फुक्‍क मभिंगु व बांमलाःगु ज्‍याया हा हे धिबायागु माया खः। गुलिखय् मनूतय्‌सं धिबायागु लोभय् लानाः विश्‍वास यायेगु हे त्‍वःताब्‍यूगु दु। उकिं सह याये मफयेक दुःखकष्‍ट जुयाः नुगः हीका च्‍वनेमाली।

तीतस 1:7

थकालि परमेश्‍वरया ज्‍या याइम्‍ह मनू खः। उकिं थकालि छुं हे दोष मदुम्‍ह जुइमाः। अले हानं थः यःथें यानाजुइम्‍ह, याकनं तंम्‍वइम्‍ह, अय्‌लाः थ्‍वँ त्‍वना जुइम्‍ह, ल्‍वाना जुइम्‍ह, लोभीम्‍ह नं जुइ मज्‍यू।

तीतस 3:14

झी मनूतय्‌सं मालीबलय् माःकथं भिंगु ज्‍या याये सय्‌केमाः। ई अथें सितिं छ्वये मज्‍यू।

हिब्रू 6:10

परमेश्‍वरं अन्‍याय यानादी मखु। छिमिसं यानाच्‍वंगु वय्‌कःयागु ज्‍या व वय्‌कःयात माया यानाच्‍वंगु खँ, अले दाजुकिजापिन्‍त ग्‍वाहालि याःगु व यानाच्‍वंगु खँ नं वय्‌कलं ल्‍वःमंकादी मखु।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।

२ पत्रुस 2:15

इपिं भिंगु लँपु त्‍वःताः मभिंगु लँपुइ वनाच्‍वंगु दु। अगमवक्ता जुयाः नं मभिंगु ज्‍या यानाः धिबा कमय् यायेत स्‍वःम्‍ह बओरया काय् बालामयागु लँपुइ इपिं वनाच्‍वंगु दु।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।