Biblia Todo Logo
Online Bible

- Advertisements -




फिलिप्‍पी 4:14 - नेवाः बाइबल

14 अय्‌नं जितः थथे दुःख जुयाच्‍वंबलय् छिमिसं ग्‍वाहालि याःगु बां हे लात।

See the chapter Copy




फिलिप्‍पी 4:14
14 Cross References  

तर परमप्रभुं वयात धयादिल, ‘जिगु नांया इज्‍जतया निंतिं देगः दय्‌केगु इच्‍छा यानाः छं खःगु हे यात।


अय्‌नं परमप्रभुं वयात धयादिल, ‘जिगु निंतिं छगः देगः दय्‌केगु इच्‍छा यानाः छं खःगु हे यात,


“मालिकं वयात धाल – ‘स्‍याबास, छ भिंम्‍ह विश्‍वास याये बहःम्‍ह खः। चिधंगु खँय् हे छ विश्‍वास याये बहःम्‍ह जुल। उकिं जिं आः छन्‍त अज्‍जं यक्‍व खँय् जिम्‍मा बिया थके। छ नं जिनापं लय्‌ताया च्‍वँ।’


इमिसं धाये म्‍वाय्‌क थःपिन्‍सं हे भेटी ब्‍यूगु खः। इमिसं थथे ग्‍वाहालि याये हे माः, छाय्‌धाःसा यहूदीतय्‌पाखें हे यहूदीमखुपिन्‍सं परमेश्‍वरया आशिष काये खंगु खः। अथे हे यहूदीमखुपिन्‍सं नं माल कि यहूदीतय्‌त ग्‍वाहालि यायेमाः।


वचन स्‍यना काःम्‍हय्‌सिनं स्‍यंम्‍हय्‌सित छुं न छुं बी हे माः।


छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।


छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।


भिंगु ज्‍या यायेगु, भिंगु ज्‍याय् तःमि जुइगु व नुगः चक्‍कंकाः मेपिन्‍त ग्‍वाहालि यायेगु या धकाः इमित धयाब्‍यु।


ग्‍वःकःमछि ला छिमित फुक्‍कसिगु न्‍ह्यःने बेइज्‍जत यात, अले हानं ग्‍वःकः ला थथे दुःख फये माःपिं लिसे जुइ माल।


झ्‍यालखानाय् लाःपिन्‍त छिमिसं दयामाया यानाः ग्‍वाहालि यात, अले हानं छिमिगु सम्‍पत्ति लुतय् यानाकाःसां छिपिं लय्‌ताया हे च्‍वन, छाय्‌धाःसा छिमिके सदां दयाच्‍वनीगु दक्‍वसिबय् तःधंगु सम्‍पत्ति दु धकाः छिमिसं स्‍यू।


मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।


छिपिंलिसे येशूयागु निंतिं दुःखकष्‍ट सिया च्‍वनाम्‍ह छिमि दाजु जि यूहन्‍ना खः। छिपिंलिसे तुं वय्‌कःयागु राज्‍यय् च्‍वनाः सकतां सह यानाच्‍वनागु दु। जिं परमेश्‍वरयागु वचन व येशूं धयादीगु सत्‍य खः धकाः न्‍यंकाच्‍वनागुलिं जितः पत्‍मोस टापुइ यंकाः कुनातल।


Follow us:

Advertisements


Advertisements