फिलिप्‍पी 4:11 - नेवाः बाइबल

¹¹ मदय्‌कं मगानाः ला जिं थथे धयागु मखु, छाय्‌धाःसा न्‍ह्यागु हे जूसां लुधंका च्‍वनेत स्‍यना कयागु दु।

फिलिप्‍पी 4:11 Cross References

उत्‍पत्ति 28:20

अले याकूबं थथे धयाः भाकल यात, “परमेश्‍वर जिलिसें दु धयागु खःसा, अले जितः जि वँवंथाय् बचय् यानादी, नके, त्‍वंके व पुंके यानादी धयागु खःसा,

प्रस्‍थान 2:21

मोशा व मनूनापं च्‍वनेत मानय् जुल। वं थः म्‍ह्याय् सिप्‍पोरायात मोशानापं ब्‍याहा यानाबिल।

लूका 3:14

सिपाइँतय्‌सं नं वयाके न्‍यन – “जिमिसं छु यायेगु लय्?” वं धाल – “ख्‍यानाः कर्पिन्‍के थगय् यायेगु, घुस नयेगु ज्‍या याये मते। तर छिमिगु तलबय् जक लुधंका च्‍वँ।”

२ कोरिन्‍थी 11:27

द्यँ हे मद्यंसे नं जिं चच्‍छि चच्‍छिं ज्‍या याये धुन। तःकः मछि नयेत्‍वने मखन। अप्‍वः यानाः गाक्‍क नये मखं, द्यनेत थाय्, अले पुनेत वसः मदय्‌का जुइ धुन।

२ कोरिन्‍थी 6:10

नुगः ख्‍वःपिं थें जूसां न्‍ह्याबलें लय्‌तायाच्‍वना। जिपिं गरीब जूसां मेपिन्‍त तःमि यानाबिया। जिमिके छुं हे मदु थें च्‍वंसां जिमिके सकतां दु।

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

२ कोरिन्‍थी 9:8

अले परमेश्‍वरं छिमित फुक्‍क कथंया आशिष अझ अप्‍वः हे बियादी। छिमित गुब्‍सं मगाःमचाः जुइ मखु। अले भिंगु ज्‍या यायेत नं छिमिके यक्‍व दइ।

फिलिप्‍पी 3:8

थुलि जक मखु, ख्रीष्‍ट येशू जिम्‍ह प्रभुयात म्‍हसीकेगु हे तःधंगु खँ खः धकाः थुइकाः जिं मेगु फुक्‍कं ज्‍यालगय् मजू धकाः ताय्‌का। वय्‌कःयागु हे निंतिं जिं फुक्‍कं त्‍वःता, अले वय्‌कःयात लुइके फयेमा धकाः जिं अज्‍याःगु फुक्‍कं ज्‍यालगय् मजू धकाः ताय्‌कागु दु।

हिब्रू 10:34

झ्‍यालखानाय् लाःपिन्‍त छिमिसं दयामाया यानाः ग्‍वाहालि यात, अले हानं छिमिगु सम्‍पत्ति लुतय् यानाकाःसां छिपिं लय्‌ताया हे च्‍वन, छाय्‌धाःसा छिमिके सदां दयाच्‍वनीगु दक्‍वसिबय् तःधंगु सम्‍पत्ति दु धकाः छिमिसं स्‍यू।