फिलिप्‍पी 3:5 - नेवाः बाइबल

⁵ बुयाः च्‍यान्‍हु दुखुन्‍हु हे जितः म्‍हय् चिं तय्‌कूगु खः। जि बूसांनिसें हे इस्राएली खः, अज्‍ज ला बेन्‍यामीन कुलयाम्‍ह हिब्रू खः। धर्मयागु खँय् हे नं व्‍यवस्‍था मानय् याइम्‍ह फरिसी खः।

फिलिप्‍पी 3:5 Cross References

उत्‍पत्ति 14:13

लडाइँनं बिस्‍युं वःम्‍ह छम्‍हय्‌सिनं वयाः हिब्रू अब्रामयात थ्‍व खँ कन। उबलय् व एमोरी मम्रें पिनाथकूगु सिमात दुथाय् च्‍वनाच्‍वंगु खः। उबलय् व मम्रेया दाजु एश्‍कोल व आनेरलिसे मिले जुयाः च्‍वनाच्‍वंगु खः।

उत्‍पत्ति 17:12

आवंनिसें छिमि मिजंमस्‍तय्‌सं च्‍यान्‍हु दुखुन्‍हु म्‍हय् चिं तयेमाः। थथे छिमिगु छेँय् बूपिं थः मस्‍तय्‌त जक मखु, पिनें न्‍यानाहःपिन्‍त नं यायेमाः।

उत्‍पत्ति 40:15

छाय्‌धाःसा धात्‍थें धायेमाल धाःसा जितः हिब्रूतय्‌गु देशं खुयाहःगु खः। अले जिं थन झ्‍यालखानाय् लाइगु ज्‍या नं छुं यानागु मदु।”

उत्‍पत्ति 41:12

अन झ्‍यालखानाया हाकिमया छम्‍ह ल्‍याय्‌म्‍हम्‍ह हिब्रू च्‍यः नं जिपिंनापं दुगु खः। जिमिसं वयात थःपिनिगु म्‍हगसया खँ कना। वं जिपिं निम्‍हय्‌सिगुं म्‍हगसया अर्थ कनाबिल।

योना 1:9

“जि हिब्रू खः। अले पृथ्‍वी व समुद्र सृष्‍टि यानादीम्‍ह स्‍वर्गया परमेश्‍वरया सेवा याइम्‍ह खः” योनां लिसः बिल।

लूका 1:59

मचा बूगु च्‍यान्‍हु दय्‌काः मचायागु म्‍हय् चिं तयेत इपिं वल। इमिसं मचायागु नां बौम्‍हय्‌सिगु थें तुं जकरिया तयेत्‍यंबलय्

लूका 2:21

बूगु च्‍यान्‍हु दय्‌काः मचायागु म्‍हय् चिं तय्‌कल। अले वय्‌कःयागु नां येशू तल। थ्‍व नां प्‍वाथय् दये न्‍ह्यः हे स्‍वर्गदूतं तःगु खः।

लूका 5:38

थथे मयासें, दाखमद्य न्‍हूगु म्‍हिचाय् तयेमाः।

प्रेरित 22:3

“जि किलिकियायागु टार्सस शहरय् बूम्‍ह छम्‍ह यहूदी खः। अय्‌नं जि ब्‍वलंगु ला थ्‍व हे शहरय् गमलिएलयागु ल्‍हातं खः। जिं झी तापाःबाज्‍यापिनिगु व्‍यवस्‍था नं बांलाक स्‍यना कया। छिकपिन्‍सं थौंकन्‍हय् याना च्‍वंथें जिं नं परमेश्‍वरया निंतिं थःत पाना जुयागु खः।

प्रेरित 23:6

पावलं अन सदुकी व फरिसीतय्‌त नं खनाः थथे धाल – “दाजुकिजापिं, जि फरिसीया काय् फरिसी खः। सीम्‍ह मनू हानं म्‍वाना वइ धकाः आशा यानागुलिं थथे जिगु न्‍याय जुयाच्‍वंगु दु।”

प्रेरित 6:1

उगु इलय् चेलात अप्‍वः ददं वन। न्‍हियान्‍हिथं नसा इनाबीबलय् ग्रीक भाय् ल्‍हाइपिं यहूदीतय्‌सं इमि भाःत मदुपिं मिसातय्‌त वास्‍ता मयाः धकाः हिब्रू भाय् ल्‍हाइपिं यहूदीत नाप कचकच याना हल।

रोमी 11:1

अथे जूसा जिं धाये – परमेश्‍वरं वय्‌कःया मनूतय्‌त त्‍वःतादी धुंकल ला? थथे मखु। जि थः हे नं अब्राहामया सन्‍तान, बेन्‍यामीन कुलयाम्‍ह छम्‍ह इस्राएली खः।

२ कोरिन्‍थी 11:22

इपिं हिब्रू खःसा, जि नं हिब्रू खः। इपिं इस्राएली खःसा, जि नं इस्राएली खः। इपिं अब्राहामया सन्‍तान खःसा, जि नं अब्राहामया सन्‍तान खः।

१ शमूएल 4:6

पलिश्‍तीतय्‌सं नं व सः ताल अले इमिसं धाल, “हिब्रूतय्‌गु छाउनीइ थथे ततःसलं छाय् हाला हःगु?” अले इमिसं परमप्रभुया बाचाया सनू हिब्रूतय्‌गु पालय् थ्‍यंके हल धकाः सीकल।